अन्तर्राष्ट्रिय स्तरको स्केट पार्क बन्दै

शुक्रबार, ०८ बैशाख २०७४, ११ : ५८ नागरिक


पोखरा- पोखरा रंगशालामा स्केट पार्क (स्केटिङ खेलस्थल) निर्माण कार्य सुरु गरिएको छ। अन्तर्राष्ट्रिय स्केटिङ संघको आह्वान र क्षेत्रीय खेलकुद विकास समितिको सहकार्यमा पार्कलाई अन्तर्राष्ट्रिय स्तरको बनाउन लागिएको हो।

 रंगशालाको ८ सय वर्गमिटर क्षेत्रफलमा पार्क निर्माण हुने भने पनि अहिले ५ सय वर्गमिटरमा हुन लागेको क्षेत्रीय खेलकुद विकास समितिका अध्यक्ष खगराज पौडेलले जानकारी दिए। बाँकी ३ सय वर्गमिटरमा प्यारापिट निर्माण हुने उनले बताए। ‘१२ देशका विदेशी कामदारले दैनिक ८ घण्टाका दरले काम गरेका  छन्,' पौडेलले भने, ‘ स्केट पार्क निर्माणसँगै प्रशिक्षणसमेत गराउने जिम्मेवारी पनि विदेशीले नै लिएका छन्।'

स्केटिङ सेन्टर स्थापनाको लागि अमेरिका, बेलायत, डेनमार्क, अस्ट्रेलिया, बेल्जियम, जापान, दक्षिण कोरिया, क्यानडा, फ्रान्स, जर्मनीलगायतका प्राविधिक आएका छन्। अन्तर्राष्ट्रिय स्केटिङ संघका अप्रेसन म्यानेजर जोन चोकोन्सको नेतृत्वमा टोली पोखरा आएको हो।

पोखरामा स्केटको व्यावसायिक विकास भएको एक दशक भएको छ। तर खेल्न थालेको भने दुई दशकभन्दा बढी भइसक्यो। पौडेलले ड्राइभिङ प्रशिक्षण हटेसँगै रंगशाला खेलकुदमय बनेको बताए। त्यही जमिनलाई सदुपयोग गर्दै स्केटिङ खेलस्थल निर्माणमा जुटेको सुनाए। ‘३० हजार डलरको लागतमा काम सुरु गरेका छौं,' उनले भने, ‘एक महिनाभित्र काम सम्पन्न गर्ने तयारी भइरहेको छ।' टोकियोमा हुने २०–२० ओलम्पिक गेम स्केटिङमा नेपालको तर्फबाट प्रतिनिधि खटाउने तयारी पोखराबाटै हुने उनले जनाए।

नेपाल स्केट क्लबका अध्यक्ष रामचन्› कोइरालाको संयोजकत्वमा विदेशी श्रमशक्तिले रंगशालाभित्र तीन साताभित्र सक्ने गरी निर्माण कार्य गरिरहेका छन्। कोइरालाका अनुसार रंगशालाभित्र बन्ने स्केट पार्क अन्तर्राष्ट्रिय मापदण्डअनुसार नै निर्माण गरिनेछ। ६ महिनाअघि विदेशी टोली लेकसाइड आउँदा स्केटिङ निर्माणमा लाग्ने तयारी भएको उनले सुनाए। स्केटिङ लेकसाइडमा पनि रहेको उनले उल्लेख गरे। उनले अबको १० दिनभित्रमा काम सक्ने गरी तयारीमा जुटेको बताए। ‘काम गरेको ६ दिन जति भयो,' उनले भने, ‘छिट्टै सक्ने तयारीका साथ काम भएको छ।'









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।


अन्य समाचार

'पहिला नेपाली फिल्म हेर्दा झुर लाग्थ्यो'

'पहिला नेपाली फिल्म हेर्दा झुर लाग्थ्यो'

अभिनय क्षेत्रमा आउनुअघिसम्म नेपाली फिल्मप्रति अभिनेत्री सुरक्षा पन्तको धारणा सकारात्मक थिएन। नियमित फिल्म हेर्ने गरे पनि फिल्मप्रति उनको आलोचना तिखो...

विवादित बन्यो राष्ट्रिय कला प्रदर्शनी

विवादित बन्यो राष्ट्रिय कला प्रदर्शनी

आन्तरिक विवाद थाती राखेर सुरु भएको सातौं राष्ट्रिय ललितकला प्रदर्शनी विवादित बनेको छ। गलत कलाकृतिलाई पुरस्कृत गर्नेदेखि लिएर  प्रतिष्ठानका गतिविधी...

सायद २ को दोस्रो ट्रेलर सार्वजनिक

सायद २ को दोस्रो ट्रेलर सार्वजनिक

नेपाली फिल्म ‘सायद २’ ले दोस्रो ट्रेलर सार्वजनिक गरेको छ। आइतबार हाइलाइट्स नेपालको औपचारिक च्यानलमार्फत ‘सायद २’ को दोस्रो ट्रेलर...

प्रेमध्वज–दुर्गालालको ठट्टा

प्रेमध्वज–दुर्गालालको ठट्टा

श्रेष्ठले घोषणा गरे–‘कसैले प्रेमध्वज कहिल्यै रिसाएको, रिसाएर मुख बिगारेको देखेको भए भन्नु, तुरुन्तै १० हजार पुरस्कार ।’ प्रधानसँगै उपस्थित गलल...