वीरगन्जमा ‘विशाल गोल्डकप’ हुँदै

शुक्रबार, ०८ बैशाख २०७४, १४ : २० रितेश त्रिपाठी


वीरगंज – दुई दशकपछि वीरगन्जमा आयोजन हुन लागेको राष्ट्रिय स्तरको फुटबल प्रतियोगिताको तयारी पुरा भएको आयोजकले जनाएको छ । शनिवारदेखि सुरु भएर वैशाख १६ गतेसम्म चल्ने ‘विशाल मेमोरियल गोल्डकप फुटबल प्रतियोगिता’ विशाल मेमोरियल फाउण्डेशनले आयोजन गर्न लागेको हो ।

फुटबलका राष्ट्रिय खेलाडी तथा प्रशिक्षक विशालजंग राणाको स्मृतिमा आयोजना गरिएको प्रतियोगिता सुरु हुनुको एक दिन अगाडि शुक्रवार बिहान आयोजक, फुटबल खेलाडी र वीरगगन्जका फुटबल प्रेमीले एक प्रचार र्याली निकालेका छन् । 

‘आयोजनाको सबै तयारी पुरा भइसकेको छ, नारायणी रंगशालामा दिउँसो १ बजे एक सामारोहबीच उद्घाटन गरी ३ बजेदेखि प्रतियोगिता सुरु हुने छ,’ प्रतियोगिताका संचार संयोजक पंकज श्रेष्ठले भने, ‘वीरगन्ज भनेको फुटबलको लागि उर्वर ठाउँ हो, फुटबलमा पहिलेजस्तै गरिमा फर्काउनमा यो प्रतियोगिता महत्वपूर्ण ठहरिने विश्वास लिएका छौं ।’ विशाल मेमोरियल गोल्डकप फुटबल प्रतियोगिताको पहिलो संस्करणको मुख्य प्रायोजक टुवर्ग कम्पनी रहेको छ । गोल्डकपमा विभागीय टिमहरू नेपाल प्रहरी, नेपाल आर्मी र एपिएफसँगै संकटा, हमालयन शेर्पा, वीरगन्ज युनाइटेड, नवजागृति कल्ब सिमरा र भारतको पटनाको राजमिल्क गरी ८ वटा टिमले भाग लिने प्रतियोगिता आयोजन समितिका सचिव बिनोद परियारले बताए ।

राष्ट्रिय स्तरको खेलकुदको लागि उपयुक्त हुने किसिमले बनाइएको वीरगन्जको नारायणी रंगशाला भत्किन लागेकोले त्यसको जिर्णोद्धारका लागि सम्बन्धित निकायहरूको ध्यानाकर्षण गराउन पनि प्रतियोगिता सहायक हुने आयोजकहरूको बुझाई छ । वीरगन्जमा दुई दशक अगाडिसम्म वर्षमा ३ वटा बेग्लाबेग्लै गोल्डकप फुटबल पतियोगिता हुने गरेको थियो । विभिन्न कारणले महेन्द्र गोल्डकप, शहिद तेजबहादुर आमात्य गोल्डकप र लक्षमण थापा गोल्डकपले निरन्तरता पाउन सकेन् । अहिले विशाल गोल्डकप पछि वीरगन्जलाई फेरी पुरानै सरह ‘फुटबलल हब’ बनाउने सपना लिएको आयोजनामा जुुटेका खेलाडीहरूको  भनाई छ । 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...

लिलीबिलीको सुटिङ लण्डन र स्कटल्याण्डमा

लिलीबिलीको सुटिङ लण्डन र स्कटल्याण्डमा

मिलन चाम्सको निर्देशनमा बन्न लागेको नेपाली फिल्म ‘लिलीबिली’ को सुुटिङ लण्डन तथा स्कटल्याण्डमा भइरहेको छ । पछिल्लो समयका चर्चित नायक...

बोलचालमा प्रतिबन्ध

बोलचालमा प्रतिबन्ध

बलिउड अभिनेत्री परिणीति चोपडा र अर्जुन कपुर चाँडै नै फिल्म ‘सन्दीप और पिंकी फरार’मा देखिँदैछन् । अघिल्लो फिल्म ‘इशकजादे’मा पनि...

एकादेशमा ‘डेथ अफ साउण्ड म्यान’ उत्कृष्ट

एकादेशमा ‘डेथ अफ साउण्ड म्यान’ उत्कृष्ट

ध्वनिको महत्वलाई समेटिएको शर्ट फिल्म ‘डेथ अफ साउण्ड म्यान’ले यस वर्षको एकादेशमा अन्तराष्ट्र्रिय शर्ट फिल्म फेस्टिभल अवार्ड जितेको छ। थाईल्याण्डका...