एमालेद्वारा त्रियुगा नगरपालिकामा मेयरका उम्मेदवार सिफारिस

शुक्रबार, ०८ बैशाख २०७४, १४ : २६ महेश्वर चामलिङ राई


उदयपुर- स्थानीय तहको चुनावमा नगरपालिका मेयर दावी गर्ने सबै पुरुष देखिएको उदयपुरमा एक महिलाको नाम पनि सिफारिसमा परेको छ। आउँदो ३१ गते हुने चुनावमा सदरमुकाम त्रियुगा नगरपालिकाको मेयरको लागि नेकपा एमालेले गीता रेग्मीको नाम सिफारिस गरेको हो।

पार्टीको त्रियुगा नगर समितिले बिहीबार गरेको ३ जना मेयरका दावेदारका नाममध्ये रेग्मीको नाम तेस्रो नम्बरमा छ । उनीभन्दा अगाडि प्रकाश बस्नेत र भागवत राउतको नाम परेको पार्टीले जनाएको छ। जिल्ला सचिवालय सदस्य बस्नेत उम्मेद्वारी सिफारिस गर्न गठित पार्टी नगर समितिका संयोजक पनि हुन्। राउत जिल्ला कमिटी सदस्य हुन् र पूर्व वडाध्यक्ष हुन्।

रेग्मी पार्टीको भगिनी संगठन अखिल नेपाल महिला संघकी केन्द्रीय सदस्यसमेत हुन्। यस अघि उपमेयरमा उठ्ने चर्चा चलेको भए पनि मेयरमै उनको नाम सिफारिस हुनुमा भने पार्टीले रहर नभएर बाध्यता परेको कार्यकर्ताहरु बताउँछन्। मेयरका दावेदार सबै खसआर्य समुदायका परेपछि उपमेयरमा पनि खसआर्यलाई नै उठाउँदा पार्टी समावेशी नदेखिने डरले उनलाई थन्काउन मेयरमा सिफारिस गरिएको एक जिल्लास्तरीय कार्यकर्ताले बताए।

पार्टीले ३ उपमेयरमा महेश्वरी राई, सिर्जना दनुवार र सुनिता चौधरीको नाम सिफारिस गरेको जनाएको छ।

अन्य कुनै दलबाट मेयरमा महिलाको नाम उच्चारणसम्म भएको छैन। यसअघि नेपाली कांग्रेसबाट लिला राईको नाम मेयरमा चर्चामा आए पनि टिकट पाउने सम्भावना टरेपछि उपमेयरमा उनलाई अघि सार्ने पार्टीले तयारी गरेको छ। नेकपा (माओवादी केन्द्र) बाट पनि महिलाको नाम मेयरमा कतै चर्चामा ल्याइएको छैन। जिल्ला निर्वाचन कार्यालय उदयपुरमा दर्ता भएका २३ वटै दलबाट नगरपालिका मेयर र गाउँपालिका अध्यक्षमा कतै महिलाको नाम चर्चामा छैन। बरु कतिपय गाउँपालिकामा उपमेयर उठ्ने महिला नै नपाउने अवस्था रहेको गुनासो दलहरुले गरेको पाइएको छ।

एमालेले जिल्लाको अर्को नगरपालिका चौदण्डीगढीमा पनि बिहिबारै ४ जना मेयर र ४ जनै उपमेरको नाम सिफारिस गरेको जनाएको छ । चौदण्डीको मेयरका लागि जिल्ला सदस्य कालु लामा, बुद्धिजीवी कुमारसिंह कार्की, पूर्व गाविस अध्यक्ष राजेन्द्र कटुवाल र क्षत्रीय अध्यक्ष सम्भु पौडेलको नाम सिफारिसमा परेका छन्। उपमेयरमा कान्ता राई, लिला रिजाल, मनिका दुलाल र रेवती राईको नाम सिफारिसमा परेको पार्टीले जनाएको छ । अन्य २ नगर र गाउँपालिकाका उम्मेद्वारको नाम भने सिफारिस हुन बाँकी रहेको एमालेले जनाएको छ।

एमालेसँगै नेपाली कांग्रेस र माकेले पनि उम्मेद्वारको नाम सिफारिस गर्ने क्रम सुरु गरेको तर, जिल्ला पार्टीमा नआईपुगेको बताएका छन्। कांग्रेसले ९ गतेसम्ममा टुंगो लगाउने गरी सिफारिस गरिएका नामहरुको संकलन गरिरहेको पार्टी सभापति विदुर बस्नेतले बताए। माकेले पनि १० गतेभित्र सबै नाम टुंगो लगाईसक्नेगरी सबै स्थानीय तहका पार्टी संयन्त्रमार्फत सिफारिस मागेको पार्टीले जनाएको छ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...

लिलीबिलीको सुटिङ लण्डन र स्कटल्याण्डमा

लिलीबिलीको सुटिङ लण्डन र स्कटल्याण्डमा

मिलन चाम्सको निर्देशनमा बन्न लागेको नेपाली फिल्म ‘लिलीबिली’ को सुुटिङ लण्डन तथा स्कटल्याण्डमा भइरहेको छ । पछिल्लो समयका चर्चित नायक...

बोलचालमा प्रतिबन्ध

बोलचालमा प्रतिबन्ध

बलिउड अभिनेत्री परिणीति चोपडा र अर्जुन कपुर चाँडै नै फिल्म ‘सन्दीप और पिंकी फरार’मा देखिँदैछन् । अघिल्लो फिल्म ‘इशकजादे’मा पनि...

एकादेशमा ‘डेथ अफ साउण्ड म्यान’ उत्कृष्ट

एकादेशमा ‘डेथ अफ साउण्ड म्यान’ उत्कृष्ट

ध्वनिको महत्वलाई समेटिएको शर्ट फिल्म ‘डेथ अफ साउण्ड म्यान’ले यस वर्षको एकादेशमा अन्तराष्ट्र्रिय शर्ट फिल्म फेस्टिभल अवार्ड जितेको छ। थाईल्याण्डका...