रुखमा खसेको मत मेरो हुनुपर्छ भनेको छैनः रेणु दाहाल

सोमबार, ०१ जेठ २०७४, १५ : २६ प्रकाश तिमल्सिना  | @prakashujyalo

काठमाडौं— प्रधानमन्त्री पुत्री एवं भरतपुर महानगरपालिकाकी मेयरका उम्मेदवार माओवादी केन्द्रकी रेणु दाहालले रुख छापमा परेको भोट आफ्नो हुनुपर्ने नबताएको उल्लेख गरेकी छिन्।

नागरिकन्युजसँग कुराकानी गर्दै उम्मेदवार दाहालले मतगणना सुरु गर्न आफूले माग गरे पनि मुख्य निर्वाचन अधिकृतले आनाकानी गर्दा ढिलाई भएको बताइन्। उनले मेयरका लागि रुख चिन्हमा परेको मत आफ्नो हुनुपर्ने भन्दै गरिएको प्रचार हल्ला मात्रै भएको दाबी गरिन्।

‘रुख छापमा परेको मत मेरो हुनुपर्छ भनेर प्रचारबाजी निकै गरियो, त्यो मैले भनेको नै छैन,’ नेतृ दाहालले नागरिकन्युजसँग भनिन्, ‘मुख्य निर्वाचन अधिकृतले मतदान सुरु गरौं भन्दा छलफल लम्ब्याएका कारण मतदान हुन नसकेको हो।’ मतदान अधिकृतले गणना अघि बढाउन आनाकानी गरिरहेको उनले आरोप लगाइन्।

भरतपुर महानगरपालिकामा सत्तारुढ माओवादी केन्द्र र कांग्रेसबीच निर्वाचनमा तालमेल भएको छ। मेयरमा प्रधानमन्त्री पुष्पकमल दाहालकी पुत्री रेणु र उपमेयरमा पार्वती शाह गठबन्धनवाट प्रतिस्पर्धामा छन्। उनका अनुसार एमाले र माओवादी दुवैले मतगणना गर्न आग्रह गरे पनि मुख्य निर्वाचन अधिकृतले आनाकानी गरिरहेका हुन्।

सोमवार रातीदेखि मतगणना हुने भनिए पनि भरतपुरमा अझै मतगणना हुन सकेको छैन। मुचुल्का नभएका मतपेटिकाको पनि मतगणना गर्नु पर्ने तर्क माओवादी प्रस्तावमा सर्वदलीय सहमति हुन नसक्दा मतगणना सुरु हुन नसकेको अन्य दलको आरोप छ। नेतृ दाहालले सो कुरा अस्वीका गरिन्।









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

विवाहलाई 'नो चान्स' : मनिषा कोइराला

विवाहलाई 'नो चान्स' : मनिषा कोइराला

सात वर्षअघि काठमाडौंका व्यापारी सम्राट दाहालसँग लगनगाँठो कसे पनि बलिउड अभिनेत्री तथा नेपाली चेली मनीषा कोइरालाको वैवाहिक जीवन लामो समय...

सकियो राष्ट्रिय वाङ्मय संगोष्ठी

सकियो राष्ट्रिय वाङ्मय संगोष्ठी

नेपाल र भारतबीचको साहित्यिक सम्बन्ध, प्रगतिको चर्चा र कविता वाचनसँगै राजधानीमा गत शनिबारदेखि सुरु भएको 'त्रिदिवसीय राष्ट्रिय वाङ्मय संगोष्ठी तथा...

कान्समा 'पाहुना'को टिजर सार्वजनिक

कान्समा 'पाहुना'को टिजर सार्वजनिक

बलिउडकी नायिका तथा निर्माता प्रियंका चोपडाको होम प्रोडक्सन पर्पल पेबल पिक्चर्सले निर्माण गरेको फिल्म 'पाहुना' को टिजर 'कान्स फिल्म फेस्टिबल'...

राजधानीमा नयाँ फिल्म कलेज

राजधानीमा नयाँ फिल्म कलेज

नेपालमा फिल्म बन्ने क्रम वर्षेनी बढिरहँदा फिल्मसँग सम्बन्धित जनशक्ति उत्पादन गर्ने शैक्षिक संस्थाको संख्या पनि थपिँदै गएको छ। ओस्कार फिल्म...