बाहुबलीसँग कट्रिना

मङ्गलबार, ०२ जेठ २०७४, १० : ५३ एजेन्सी


मुम्बई – केही दक्षिण भारतीय फिल्ममा अभिनय गरेर हिन्दी फिल्ममा देखिएकी अभिनेत्री कट्रिना कैफ पुनः दक्षिण भारतीय फिल्ममा फर्कने भएकी छिन् । कट्रिनाले दक्षिण भारतमा बन्ने ‘साहो’ शीर्षकको फिल्म खेल्न राजी भएको भारतीय सञ्चारमाध्यमले जनाएका छन् । कट्रिनाले यसका लागि हालैमात्र विश्वमै रेकर्ड कायम गरेको फिल्म ‘बाहुबली २ : द कन्क्लुजन’का अभिनेता प्रभाससँग जोडी बाँध्नेछिन् । 

‘बाहुबली २’को सफलतापछि प्रभासको माग फिल्म क्षेत्रमा ह्वात्तै बढेको छ । फिल्म ‘बाहुबली ३’ सँगै ‘साहो’को टिजर पनि सार्वजनिक भइसकेको छ ।

फिल्म ‘बाहुबली’का लागि पाँच वर्षको समय दिएका प्रभास यतिबेला अमेरिकामा विदा मनाइरहेका छन् । अमेरिकाबाट फर्केलगत्तै उनी ‘साहो’को सुटिङमा व्यस्त हुनेछन् ।

बलिउडमा आफूलाई प्रमाणित गर्नुअघि कट्रिनाले सन् २००६ मा मलयालम फिल्म ‘बलराम भर्सेज थारादास’मा अभिनय गरेकी थिइन् । यो फिल्ममा ममट्टी नायक थिए । ‘बलराम भर्सेज थारादास’बाहेक क्याट्रिनाले ‘मल्लीस्वरी’ र ‘अल्लारी पिडुगू’ जस्ता फिल्ममा पनि काम गरेकी थिइन्। 

फिल्म ‘साहो’को निर्देशन सुजिथले गर्नेछन् । उनले ‘बाहुबली’को रिलिजभन्दा अगाडि नै प्रभासलाई फिल्मको कथा सुनाएका थिए । ‘बाहुबली’को दुई संस्करणले नै अन्तर्राष्ट्रिय स्तरमा राम्रो कमाइ गरेपछि यो चर्चालाई फाइदा लिनका लागि ‘साहो’लाई पनि तमिल, तेलगू र हिन्दी भाषामा निर्माण गरिनेछ ।
एक्सन फ्लेबरमा बन्ने यो फिल्मको बजेट १ सय ५० करोड छ । प्रभासलाई भिन्न भूमिकामा देखाइने फिल्ममा रोमान्ससँगै थ्रिलर पनि रहनेछ ।

‘यो तीन भाषाको फिल्मका लागि क्याट्रिना सही पात्र हुन् । किनकी दक्षिण भारतमा उनका धेरै फ्यान छन्,’ निर्देशक सुजिथले भनेका छन् । फिल्मको सुटिङ जुलाईमा सुरु हुनेछ ।

कट्रिना अहिले अभिनेता सलमान खानसँग फिल्म ‘टाइगर जिन्दा है’को सुटिङ गरिरहेकी छिन् भने उनी चाँडै नै ‘ठग्स अफ हिन्दुस्तान’मा आमिर खानसँग देखिँदैछिन्। 

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...