सम्झनामा कलासाधक विक्रम

मङ्गलबार, ०२ जेठ २०७४, १० : ५६ नागरिक


काठमाडौं – राजधानीको अनामनगरस्थित मण्डला थिएटरका नाट्यकर्मी राजन खतिवडा आइतबार थिएटरमै बसिरहँदा तनहुँमा नाट्यकर्मी विक्रम परियारको हत्याको खबरले झसंग भए । बेलुकी ६ बजे घर जाने सुरमा रहेका खतिवडालाई विक्रमको निधन भएको दुःखद समाचारले घर जाने सुर नै बिर्साइदियो ।

‘उहाँको हत्याको खबर सुन्दा म ‘सक्ड’ भएँ । खबर पत्याउन नसकेर अनुप बराल सरसँगै मैले चिनेका सबै साथीभाइलाई फोन सम्पर्क गरें,’ खतिवडाले भने,’ खतिवडाले भने, ‘मैले पोखरामा सुटिङमा रहेका साथीहरूलाई पनि तुरुन्तै तनहुँ जान आग्रह गरें । यो घटना हाम्रो लागि विश्वास नै नलाग्ने थियो ।’

राजनले निर्देशन गरेको नाटक ‘लेडी फ्रम द सी’मा काम गरिसकेका विक्रमले राजनको अन्य नाटकमा भने सहकार्य गर्न पाएनन् । ‘अन्य नाटकमा पनि सहकार्यका लागि प्रस्ताव गरेको थिएँ । तर उहाँको अन्य कामले गर्दा समय मिलाउन सक्नु भएन,’ राजनले सम्झे,‘उहाँ आफैँमा राम्रो अभिनय गर्ने कलाकार हुनुहुन्थ्यो, नाट्य संगीतमा खप्पिस हुनुहुन्थ्यो । उहाँको मृत्युको खबरले मैले एउटा महत्वपूर्ण व्यक्ति गुमाएजस्तो भयो ।’ राजनका अनुसार राजधानीमा रहेका नाट्य थिएटरको अगुवाइमा मंगलबार विक्रमको शवलाई अन्तिम श्रद्धाञ्जलीका लागि कमलादीस्थित नेपाल प्रज्ञा प्रतिष्ठानको डबलीमा राखिनेछ ।

स्थानीय तहको निर्वाचनमा मत हाल्न तनहुँको व्यास पुगेका परियार मतदान गरेर घर फर्किएपछि अज्ञात समूहको आक्रमणमा परेका थिए । उनीमाथि व्यास वडा नम्बर १ मा आक्रमण भएको थियो । उनले तनहुँ व्यास १ को जलदेवी माध्यमिक विद्यालय मतदान केन्द्रबाट मतदान गरेका थिए ।

विक्रमलाई १० वर्ष अघिदेखि नजिकबाट चिनिरहेका कलाकार तथा नाट्य निर्देशक आशान्त शर्माले पनि साँझकै समयमा विक्रमको निधनको खबर थाहा पाए । गत शुक्रबार काठमाडौंमा सँगै चिया खाएर छुट्टिएका उनीहरूबीच चुनावपछि भेट गर्ने योजना बनेको थियो । ‘तर अब त्यो भेट नहुने भयो । हामी नयाँ केही काम गरौं भन्ने योजना बनाइरहेका थियौं,’ आशान्तले भने, ‘उहाँ साह्रै मिलनसार स्वाभावको हुनुहुन्थ्यो । हामी साथीभन्दा पनि दाजुभाइजस्तै थियौं । उहाँकै घरमा गएर पनि कति पटक हामीले सँगै खाना पनि खाएका थियौं ।’

आशान्तले एक अमेरिकन साथीको फेसबुकमार्फत विक्रमको निधनको खबर थाहा पाएका थिए । निधनको खबर पुष्टि गर्नकै लागि उनले पनि राजनले जस्तै अनुपलाई नै फोन गरेका थिए ।

आशान्तले विक्रमसँगै नाटक ‘टलकजंग भर्सेस टुल्के’, ‘मलामी’, ‘काली आइमाई’ लगायतका नाटकमा काम गरेका थिए । ‘काली आइमाई’को बेला उनीहरूले पश्चिम नेपालको यात्रा पनि गरेका थिए । उनीहरू एक्टर्स स्टुडियोमा सँगै पढाउनेसमेत गर्थें।

निर्देशक तथा कलाकार अनुप बरालको एक्टर्स स्टुडियोमा आबद्ध परियार गायन क्षेत्रमा पनि सक्रिय थिए । अनुपद्वारा निर्देशित चर्चित नाटक ‘कोर्ट मार्सल’मा अभिनय गरेका विक्रम अनुपकै फिल्म ‘फिटकिरी’मा पनि देखिए । उनले ‘ताण्डव’, ‘कुसुमे रुमाल’, ‘काठमाडौंः द मिरर इन द स्काइ’लगायतका फिल्ममा पनि काम गरिसकेका छन्।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...