आइटियु डेमा टेलिकमको अफर

बुधबार, ०३ जेठ २०७४, १३ : ३५ नागरिक


काठमाडौं – आम नेपाली नागरिकलाई टेलिफोन सेवा उपलब्ध गराइएको सय वर्ष पूरा भएको अवसरमा विश्व दूरसञ्चार तथा सूचना समाज दिवस (आइटियु डे) का दिन नेपाल टेलिकमले जिएसएम तथा सिडिएमए मोबाइल सेवाका ग्राहकलाई विभिन्न प्रमोसनल अफरहरु उपलब्ध गराएको छ । 

कम्पनीको प्रमोसनल अफरअन्तर्गत उपलब्ध गराइएको यो सहुलियत २०७४ साउन २८ गतेसम्म कायम रहने विज्ञप्तिमार्फत जनाएको छ । अफरअन्तर्गत फोरजी डाटा प्याकेज जिएसएम सेवाका ग्राहकलाई उपलब्ध गराइएको छ भने अल टाइम डाटा प्याकेज र नाइट डाटा प्याकेज सिडिएमए सेवाका ग्राहकलाई पनि उपलब्ध गराइएको छ । 

फोरजी डाटा प्याकेज अन्तर्गत ५० रुपैयाँमा सात दिनसम्म उपभोग गर्न पाउने गरी दुई सय एमबी डाटा उपलब्ध गराइएको छ । त्यसैगरी एक सय रुपैयाँमा १४ दिनसम्म उपभोग गर्न पाउने गरी पाँच सय एमबी डाटा, दुई सय रुपैयाँमा २८ दिनसम्म उपभोग गर्न पाउने गरी १२ सय एमबी डाटा, तीन सय रुपैयाँमा २८ दिनसम्म उपभोग गर्न पाउने गरी दुई हजार एमबी डाटा र पाँच सय रुपैयाँमा २८ दिनसम्म उपभोग गर्न पाउने गरी तीन हजार ६ सय एमबी डाटा उपलब्ध गराइएको छ । 

अल टाइम डेटा प्याक अन्तर्गत स्मल डेटा प्याक (रु.२५ र रु.५०) पनि थप गरिएको छ ।  अल टाइम डाटा प्याकेज अन्तर्गत २५ रुपैयाँमा सात दिनसम्म चौबिसै घन्टा उपभोग गर्न पाउने गरी ६० एमबी डाटा उपलब्ध गराइएको छ । 

त्यसैगरी ५० रुपैयाँमा १४ दिनसम्म चौबिसै घन्टा उपभोग गर्न पाउने गरी एक सय २५ एमबी डाटा, एक सय रुपैयाँमा ३० दिनसम्म चौबिसै घन्टा उपभोग गर्न पाउने गरी चार सय एमबी डाटा, दुई सय रुपैयाँमा ३० दिनसम्म चौबिसै घन्टा उपभोग गर्न पाउने गरी आठ सय ५० एमबी डाटा र तीन सय रुपैयाँमा ३० दिनसम्म चौबिसै घन्टा उपभोग गर्न पाउने गरी एक हजार पाँच सय एमबी डाटा उपलब्ध गराइएको छ । 

त्यसैगरी नाइट डाटा प्याकेज अन्तर्गत दुई सय रुपैयाँमा तीन जिबी डाटा र तीन सय रुपैयाँमा ६.५ जिबी डाटा राती १० बजेदेखि बिहान ६ बजेसम्म ३० दिनसम्म उपभोग गर्न पाइने गरी उपलब्ध गराइएको छ । 

अल टाइम डाटा प्याकेज तथा नाइट डाटा प्याकेज सिडिएमए सेवाका ग्राहकलाई २०७४ जेठ ३ गतेदेखि उपलब्ध हुनेछ भने जिएसएम सेवाका ग्राहकलाई वैशाख २९ देखि लागू हुने गरी उपलब्ध गराइसकिएको टेलिकमले जनाएको छ ।

यस्तैगरी फेसबुक तथा इन्स्टाग्राम डाटा प्याकेजअन्तर्गत २५ रुपैयाँमा सात दिनसम्म उपभोग गर्न पाउने गरी एक सय १० एमबी डाटा उपलब्ध गराइएको छ । ५० रुपैयाँमा १४ दिनसम्म उपभोग गर्न पाउने गरी दुई सय ३० एमबी डाटा, एक सय रुपैयाँमा २८ दिनसम्म उपभोग गर्न पाउने गरी पााँच सय एमबी डाटा र दुई सय रुपैयाँमा २८ दिनसम्म उपभोग गर्न पाउने गरी एक हजार एक सय एमबी डाटा उपलब्ध गराइएको छ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

तिहारलाई कोसेली ‘रानी’ र ‘रुद्रप्रिया’

तिहारलाई कोसेली ‘रानी’ र ‘रुद्रप्रिया’

तिहारलाई लक्षित गर्दै बिहीबार अर्थात लक्ष्मीपूजाको दिनबाट दुई फिल्म ‘रुद्रप्रिया’ र ‘रानी’ प्रदर्शनमा आउँदैछन् । चाडबाडलाई लक्षित गरी फिल्म प्रदर्शन...

कार्यक्रमको सभापति नै आलु  !

कार्यक्रमको सभापति नै आलु !

कुनै पनि औपचारिक कार्यक्रममा उद्घोषकले विशिष्ट व्यक्तिलाई प्रमुख अतिथी वा सभापति राखेर कार्यक्रम सञ्चालन गर्छन् । तर, मंगलबार यस्तो परम्पराभन्दा...

विप्लवको ‘अभिजित’

कवि तथा गीतकारका रूपमा परिचित विप्लव प्रतीक उपन्यासकारको रूपमा पाठक माझ आउने भएका छन् । ‘अविजित’ शीर्षकको उपन्यास कात्तिक ११...

कल्पना जयन्ती, तथ्य स्मृति

कल्पना जयन्ती, तथ्य स्मृति

आज धार्मिकहरूका लागि लक्ष्मीपूजा मात्र होइन, साहित्यिकहरूका लागि महाकवि लक्ष्मीप्रसाद देवकोटा जयन्ती पनि हो । वर्षाैंदेखि हामी देवकोटालाई आजका दिन...