दुई करोड अबैध भारु सहित गिरोहनै पक्राउ

बुधबार, ०३ जेठ २०७४, २१ : ०६ केपी ढुंगाना  | @kpdhungana

काठमाडौं - सुरक्षा संगठन निर्वाचन सुरक्षामा केन्द्रीत भएको मौका छोपेर प्रतिबन्धीत एक हजार र पाँच सयको भारतीय रुपैंया नेपाल भित्र्याउन सक्रिय समूह पक्राउ परेका छन् । हजार र पाँच सयको २ करोड १४ लाखको नोट सहित प्रहरीको केन्द्रीय अनुसन्धान ब्युरोले काठमाडौंको गौरीघाटबाट बुधबार १५ जना भारतीय र नेपाली नागरिकलाई पक्राउ गरेको हो ।
ब्युरोका अनुसार पक्राउ गिरोहले अबैध तरिकाले आर्जन गर्न ती रुपैंया भारतबाट नेपाल ल्याएर अबैध रुपमा कारोबार गर्ने गरेका थिए । अबैध गतिविधीमा संगठित समूह संलग्न रहेको सूचनाको आधारमा अनुसन्धानमा जुटेको ब्युरोले बुधबार काठमाडौं महानगरपालिका ८ वडाको विनायक नगर कुमारीगालमा रहेको कमला भण्डारीको डेरा र तिलगंगाको होटल अगाडि रोकेको गाडिमा ती रुपैंया फेला परेको ब्युरोकी प्रवक्ता मिरा चौधरीले जानकारी दिइन् ।
ब्युरोका अनुसार भण्डारीको कोठाबाट २ वटा झोलामा राखेको ९८ लाख भारतीय रुपैंया फेला परेको थियो । तिलगंगामा रहेको शम्भु मार्गमा रहेको  होटेल पाँचथर अगाडी रोकिराखेको लु २ च १९० नम्बरको सेन्ट्रो कारमा ३ वटा कालो रंगको झोलाबाट १ करोड १८ लाख फेला परेको प्रहरीले जानकारी दिएको छ ।
ब्युरोका अनुसार अबैध भारुको कारोबारमा संलग्न अभियोगमा कमला भण्डारी, मोरङका दिलिप कुमार लाल, मेघ बहादुर थापा, काठमाडौंका सानुराजा रंजित र राजकुमार गिरी पक्राउ परेका छन् ।
भारतीय नागरिक अङ्कुर अग्रवाल, दिनेश अग्रवाल र  अनिल कुमार पन्साली, मोरगंका सुरेन्द्र कुमार सङ्घाई, नवलपरासीका संजय कुमार चौधरी, कास्कीका नवराज गुरुङ्ग, अछामका पृथ्वी शाह, काठमाडौंका मजेन लामा, अमिरुद्दीन र पूर्ण बासी गुप्ता पक्राउ परेका हुन् । पक्राउ परेका सबैलाई ब्युरोले राजश्व अनुसन्धान विभागमा बुझाएको जानकारी दिएको  छ ।  

 









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

विवाहलाई 'नो चान्स' : मनिषा कोइराला

विवाहलाई 'नो चान्स' : मनिषा कोइराला

सात वर्षअघि काठमाडौंका व्यापारी सम्राट दाहालसँग लगनगाँठो कसे पनि बलिउड अभिनेत्री तथा नेपाली चेली मनीषा कोइरालाको वैवाहिक जीवन लामो समय...

सकियो राष्ट्रिय वाङ्मय संगोष्ठी

सकियो राष्ट्रिय वाङ्मय संगोष्ठी

नेपाल र भारतबीचको साहित्यिक सम्बन्ध, प्रगतिको चर्चा र कविता वाचनसँगै राजधानीमा गत शनिबारदेखि सुरु भएको 'त्रिदिवसीय राष्ट्रिय वाङ्मय संगोष्ठी तथा...

कान्समा 'पाहुना'को टिजर सार्वजनिक

कान्समा 'पाहुना'को टिजर सार्वजनिक

बलिउडकी नायिका तथा निर्माता प्रियंका चोपडाको होम प्रोडक्सन पर्पल पेबल पिक्चर्सले निर्माण गरेको फिल्म 'पाहुना' को टिजर 'कान्स फिल्म फेस्टिबल'...

राजधानीमा नयाँ फिल्म कलेज

राजधानीमा नयाँ फिल्म कलेज

नेपालमा फिल्म बन्ने क्रम वर्षेनी बढिरहँदा फिल्मसँग सम्बन्धित जनशक्ति उत्पादन गर्ने शैक्षिक संस्थाको संख्या पनि थपिँदै गएको छ। ओस्कार फिल्म...