उच्चस्तरीय सुरक्षाको वाचा

बिहिबार, ०४ जेठ २०७४, ११ : ०९ एजेन्सी


ढाका – पछिल्लो समय इस्लामिक स्टेटका कट्टरपन्थीहरूको आक्रमणबाट सताइँदै आएको बंगलादेशले अगस्टदेखि सेप्टेम्बरसम्म अस्ट्रेलियाली क्रिकेट टोलीले आफ्नो देश भ्रमण गर्दा सुरक्षाको उच्चस्तरीय व्यवस्था गर्ने आयोजकहरूले बताएका छन् । 

बंगलादेश क्रिकेट बोर्ड (बिसिबी)का प्रमुख कार्यकारी निजामुद्दिन चौधरीले बुधबार अब अस्टे«लियाको बंगलादेश भ्रमण तय भएको बताए । ‘सामान्यतया राष्ट्रप्रमुखले बंगलादेश भ्रमण गर्दाको जस्तै सुरक्षा व्यवस्था अस्टे«लियाली क्रिकेट टिमका लागि पनि गरिनेछ,’ चौधरीले भने । 

प्रस्तावित दुई टेस्टको शृंखलाका लागि बंगलादेशको सुरक्षा योजना बुझ्न आएका क्रिकेट अस्टे«लियाका सुरक्षा प्रमुख सिन क्यारोलसामु चौधरीले यस्तो प्रतिबद्धता जनाएका हुन् । 

सन् २००६ मा रिकी पोन्टिङको टोलीले भ्रमण गरेयता अस्टे«लियाले बंगलादेशमा टेस्ट खेलेको छैन । त्यसको ६ वर्ष अघि मात्र बंगलादेशले टेस्ट खेल्ने मान्यता प्राप्त गरेको थियो ।
 
अस्टे«लियाले अक्टोबर २०१५ मा बंगलादेशमा दुई टेस्ट खेल्ने तालिका थियो । तर इस्लामिक अतिवादी संगठनबाट आक्रमण हुन सक्ने भयका कारण अस्टे«लियाले भ्रमण रद्द गरेको थियो । गत वर्ष ढाकामा भएको यु–१९ विश्वकपमा पनि अस्टे«लियाले टोली पठाउन अस्वीकार गरेको थियो ।

तर बंगलादेशले गत वर्ष दुई टेस्टको शृंखलाका लागि इङ्ल्यान्डलाई आतिथ्य प्रदान गर्दा सफलतापूर्वक भ्रमण सम्पन्न गराएको थियो ।  शृंखला १–१ को बराबरीमा सकिएको थियो । 

‘हामी गत वर्ष इङ्ल्यान्डलाई जस्तै सुरक्षा अस्ट्रेलियाका लागि पनि व्यवस्था गर्ने विश्वास दिलाउन चाहन्छौं,’ चौधरीले भने, ‘थप केही आवश्यकता देखिए पनि हामी त्यसका लागि तयार छौं । हामी अस्ट्रेलियाको भ्रमणका लागि सबै व्यवस्था गर्न तयार छौं ।’

ढाकाको एक क्याफेमा इस्लामिक स्टेटको आक्रमणमा परी २२ जनाको ज्यान गएको घटनाभन्दा दुई महिनापछि इङ्ल्यान्डले ढाकाको भ्रमण गर्दा पनि अवलोकनका लागि क्यारोल बंगलादेश आएका थिए । त्यो आक्रमणमा धेरैजसो विदेशी मारिएका थिए । 

मंगलबार बंगलादेशका गृहमन्त्रीसहित उच्च सुरक्षा अधिकारी र प्रहरी प्रमुखले क्यारोललाई सुरक्षा योजनाका बारेमा जानकारी गराएका थिए । 

‘अगस्टमा सफल भ्रमण होस् भन्नका लागि हामीले बंगलादेश प्रशासन र बिसिबीसँग सहकार्य गरिरहेका छौं,’ सुरक्षा योजनालाई ‘सन्तोषजनक’ बताएका क्यारोलले भने, ‘हामी बंगलादेश भ्रमण गर्ने विषयमा अत्यन्तै सकारात्मक छौं ।’





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

भलिबलले जोडेको मन

भलिबलले जोडेको मन

सामान्यतया खेलाडीलाई होम ग्राउन्डको फाइदा रहन्छ ।  समर्थनमा सुनिने हुटिङले खेलाडीको उत्साह बढाउँछ । भक्तपुरमा फागुन ३ देखि ८ गतेसम्म...

क्यानभासमा प्रकाश भर्ने कृष्णगोपाल

क्यानभासमा प्रकाश भर्ने कृष्णगोपाल

कृष्णगोपाल रञ्जितलाई एक दिन कसैले सोध्यो, ‘तपाईं मूर्ति पनि बनाउनु हुन्छ ?’ ८६ वर्षीय रञ्जितले कपुरधारास्थित आफ्नो घरको आर्ट स्टुडियोमा...

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका सबै हलहरुबाट राम्रो प्रतिक्रिया पाएपछि...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...