भलिबल टोली डेनमार्क जाने

बिहिबार, ०४ जेठ २०७४, ११ : २२ नागरिक


काठमाडौं – नेपाल र डेनमार्कबीच दौत्य सम्बन्ध ५० वर्ष पुगेको अवसरमा दुई मैत्रीपूर्ण भलिबल खेल हुने भएका छन् । नेपालको राष्ट्रिय पुरुष टोलीले डेनमार्कको हाभिडोर्भे क्लबसँग आइतबार पहिलो खेल खेल्नेछ । 

मैत्रीपूर्ण खेल खेल्नका लागि नेपाली टोली शुक्रबार डेनमार्क जाने तयारीमा रहेको राष्ट्रिय खेलकुद परिषद् (राखेप) पे्रस सल्लाहाकार रोहित दाहालले बताए । नेपालले खेलेर फर्किएको केही साता हाभिडोर्भे क्लबले नेपालको भ्रमण गर्नेछ । हाभिडोर्भे र राष्ट्रिय टोलीले पोखरामा दोस्रो मैत्रीपूर्ण खेल खेल्ने तयारी भइरहेको दाहालले बताए । दाहालले भने, ‘डेनमार्क एनआरएनमार्फत प्रस्ताव आएको हो । हामीले त्यसमा सहमति जनाउँदै मैत्रीपूर्ण खेल खेल्ने निर्णय गरेको हौं ।’ 

राष्ट्रिय खेलकुद परिषद्को समन्वय र डेनमार्क एनआरएनको सहयोगमा नेपालले मैत्रीपूर्ण खेल खेल्न लागेको हो । नेपाल भलिबल संघका अध्यक्ष मनोरञ्जनरमण शर्माले नेपाली टोली व्यवस्थापक कुमार गुरुङ र प्रशिक्षक जगदीश भट्टको नेतृत्वमा डेनमार्क जान लागेको बताए । १० खेलाडी र २ अफिसियलसहित डेनमार्क जान लागेको नेपालले इम रानाको कप्तानी खेल्नेछ । गत वर्ष माल्दिभ्समा भएको एभिसी सेन्ट्रल जोन भलिबल खेलेका खेलाडीले मैत्रीपूर्ण खेल खेल्ने इमले बताए। 

गत वर्ष नेपाल सेन्ट्रल जोनबाट कांस्य पदक जितेर फर्किएको थियो । नेपालले तेस्रो पटक युरोपमा गएर भलिबल खेल्दै छ । यसअघि नेपालले पहिलो पटक सन् १९७८ मा मस्कोमा खेलेको थियो । त्यसपछि नेपालले सन् १९८८ मा मस्को र जर्मनीमा खेलेर फर्किएको थियो । 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

तिहारलाई कोसेली ‘रानी’ र ‘रुद्रप्रिया’

तिहारलाई कोसेली ‘रानी’ र ‘रुद्रप्रिया’

तिहारलाई लक्षित गर्दै बिहीबार अर्थात लक्ष्मीपूजाको दिनबाट दुई फिल्म ‘रुद्रप्रिया’ र ‘रानी’ प्रदर्शनमा आउँदैछन् । चाडबाडलाई लक्षित गरी फिल्म प्रदर्शन...

कार्यक्रमको सभापति नै आलु  !

कार्यक्रमको सभापति नै आलु !

कुनै पनि औपचारिक कार्यक्रममा उद्घोषकले विशिष्ट व्यक्तिलाई प्रमुख अतिथी वा सभापति राखेर कार्यक्रम सञ्चालन गर्छन् । तर, मंगलबार यस्तो परम्पराभन्दा...

विप्लवको ‘अभिजित’

कवि तथा गीतकारका रूपमा परिचित विप्लव प्रतीक उपन्यासकारको रूपमा पाठक माझ आउने भएका छन् । ‘अविजित’ शीर्षकको उपन्यास कात्तिक ११...

कल्पना जयन्ती, तथ्य स्मृति

कल्पना जयन्ती, तथ्य स्मृति

आज धार्मिकहरूका लागि लक्ष्मीपूजा मात्र होइन, साहित्यिकहरूका लागि महाकवि लक्ष्मीप्रसाद देवकोटा जयन्ती पनि हो । वर्षाैंदेखि हामी देवकोटालाई आजका दिन...