नवाजमाथि पिसिबीको प्रतिबन्ध

बिहिबार, ०४ जेठ २०७४, ११ : २६ नागरिक


इस्लामाबाद – पाकिस्तान क्रिकेट बोर्ड (पिसिबी)ले बायाँ हाते स्पिनर मोहम्मद नवाजलाई दुई महिना प्रतिबन्ध र १ हजार ९ सय डलर जरिवाना गरेको छ ।   

पिसिबीले भ्रष्टाचार विरोधी नियमको आधारमा नवाजलाई प्रतिबन्ध लगाएको बताएको छ । पिसिबीले बुधबार विज्ञप्ती जारी गर्दै प्रतिबन्ध मे १६ देखी सुरु भएको जनाएको छ । आगामी दिनमा नवाजको आचरणले प्रतिबन्ध केही घटन सक्ने बताइएको छ।

नवाजलाई पिसिबीले खेल मिलेमतोमा संलग्न रहेको आरोप लगाउँदै आएको थियो । पिसिबीका अनुसार एक पटक नवाजलाई सट्टेबाजले खेल मिलेमतोका लागि प्रस्ताव राखेका थिए । नवाजले आफूलाई आएको प्रस्तावबारे पिसिबीलाई समयमै जानकारी गराएका थिएनन । नवाजले पाकिस्तानी टोलीबाट तीन टेस्ट, नौं एकदिवसीय र पाँच ट्वान्टी–२० अन्तर्राष्ट्रिय खेलेका थिए । उनले तिनै संरचनाको क्रिकेटमा गरी १९ विकेट लिएका छन् । पिसिबीले मार्चमा सकिएको घरेलु पाकिस्तान सुपर लिगको दौरान भएको ‘स्पट फिक्सिङ’ को बारेमा अनुसन्धान गरिरहेको छ । 

खेल मिलेमताको आरोपमा पिसिबीबाट कारबाहीमा पर्ने नवाज दोस्रो खेलाडी हुन् । यसअघि तिब्र गतिका बलर मोहम्मद  इरफानलाई पिसिबीले एक वर्षको प्रतिबन्ध लगाइसकेको छ । यसैगरी पिसिबीले अन्य खेलाडीमाथि पनि अनुसन्धान गरिरहेको छ । सर्जिल खान, खालिद लतिफ, नासिर जम्सेद र सहजाब हसन तथा अर्का बायाँ हाते स्पिनर जुल्फिकर बाबर पनि पिसिबीको अनुसन्धान दायराभित्र छन् । 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...

नेपाल भारतका कला ‘एकै छाँया’मुनी

नेपाल भारतका कला ‘एकै छाँया’मुनी

फाइन आर्टमै पिएचडी गरेकी भारतकी कलाकार डा.सरोज रानीको कला यसबेला नेपाल कला परिषदमा प्रदर्शन भइरहेको छ । सोमबारदेखि सुरु भएको...

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...