सीता बन्ने रहर

बिहिबार, ०४ जेठ २०७४, १२ : २७ एजेन्सी


मुम्बई  – बलिउड नायिका आलिया भट्टले फिल्मी करियरमा केवल ९ वटा फिल्ममा मात्र अभिनय गरेकी छिन् । आफू अभिनित फिल्मको संख्या कम भए पनि ती फिल्ममा उनले निर्वाह गरेको चरित्र आम दर्शकका लागि सम्झनलायक छन् । कतिपय चरित्रले  समीक्षकबाट पनि राम्रो प्रतिक्रिया पाएको छ ।

फरक चरित्रमा अभिनय गर्न रुचाउने आलियाले भगवान रामकी पत्नी सीताको भूमिकामा फिल्ममा अभिनय गर्ने चाहना देखाएकी छिन् । २४ वर्षीया नायिकाले सीताको भूमिकामा अभिनय गर्न पाए आफ्ना शुभचिन्तकका लागि पनि नौलो स्वाद हुने बताएकी छिन् ।

लेखक आमिश त्रिपाठीको पुस्तक ‘सीता–वारिअर अफ मिथिला’ को लोकार्पण कार्यक्रममा सहभागिता जनाएकी आलियाले पुस्तकको ट्रेलर हेरेपछि सीताको भूमिकामा अभिनय गर्ने इच्छा जगाएकी थिइन् । ‘सीताको भूमिकामा अभिनय गर्नु चाखलाग्दो कुरा हो । यदि कोही निर्माताले यो पुस्तकमा आधारित रहेर फिल्म बनाएमा म सीताको भूमिकामा अवश्य अभिनय गर्नेछु । किनकी सीताको सबै कथा यो पुस्तकमा अट्न सकेको छैन’ उनले भनेकी छिन् । 

आलियाले भारतीय मिथकमा ‘रामायण’ चर्चाको विषय रहने जनाउँदै पर्दामा ‘रामायण’ हेर्दा जनताले आनन्दको अनुभूति लिने बताइन् । ‘सीता आफंैमा जुझारु योद्धा र संरक्षक हुन् । त्यसकारण पनि उनको चरित्र निर्वाह गर्न म उत्साहित छु । मैले यसअघि यस्तो खालको चरित्र निर्वाह गरेको छैन,’ आलियाले भनिन् ।

कार्यक्रममा आलियाले लेखक आमिशलाई ‘यदि मैले सीताको भूमिकामा अभिनय गरेँ भने फिल्ममा मेरो लागि सुहाउँदिलो राम को हुन सक्ला ?’ भनेर प्रश्न गरेकी थिइन् । जवाफमा आमिशले ‘रणवीर सिंह’को नाम लिएपछि आलियाले टाउको हल्लाएकी थिइन् ।  आलिया अभिनेता रणवीर कपुरसँग आर्यन मुखर्जीको फिल्म ‘ड्रागन’मा चाँडै देखिँदैछिन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

तिहारलाई कोसेली ‘रानी’ र ‘रुद्रप्रिया’

तिहारलाई कोसेली ‘रानी’ र ‘रुद्रप्रिया’

तिहारलाई लक्षित गर्दै बिहीबार अर्थात लक्ष्मीपूजाको दिनबाट दुई फिल्म ‘रुद्रप्रिया’ र ‘रानी’ प्रदर्शनमा आउँदैछन् । चाडबाडलाई लक्षित गरी फिल्म प्रदर्शन...

कार्यक्रमको सभापति नै आलु  !

कार्यक्रमको सभापति नै आलु !

कुनै पनि औपचारिक कार्यक्रममा उद्घोषकले विशिष्ट व्यक्तिलाई प्रमुख अतिथी वा सभापति राखेर कार्यक्रम सञ्चालन गर्छन् । तर, मंगलबार यस्तो परम्पराभन्दा...

विप्लवको ‘अभिजित’

कवि तथा गीतकारका रूपमा परिचित विप्लव प्रतीक उपन्यासकारको रूपमा पाठक माझ आउने भएका छन् । ‘अविजित’ शीर्षकको उपन्यास कात्तिक ११...

कल्पना जयन्ती, तथ्य स्मृति

कल्पना जयन्ती, तथ्य स्मृति

आज धार्मिकहरूका लागि लक्ष्मीपूजा मात्र होइन, साहित्यिकहरूका लागि महाकवि लक्ष्मीप्रसाद देवकोटा जयन्ती पनि हो । वर्षाैंदेखि हामी देवकोटालाई आजका दिन...