‘जतिबेला पनि विवाह हुन सक्छ’

बिहिबार, ०४ जेठ २०७४, १२ : ३२ सामीप्यराज तिमल्सेना


काठमाडौं – पछिल्लो समय सौगात मल्ल फिल्ममा गरेको अभिनयभन्दा पनि व्यक्तिगत कारणले चर्चामा छन् । पूर्व मिस नेपाल तथा अभिनेत्री सृष्टि श्रेष्ठसँग अफेयरको हल्लाले सौगात यो पटक फिल्मइतर विषयका कारण चर्चामा आएका हुन् । त्यसैले सौगात आजभोलि जतिबेला जहाँ भेटिन्छन्, मानिसको आँखामा होस् वा ओठमा उही जिज्ञासा हुन्छ । फिल्म ‘फाटेको जुत्ता’को कार्यशालामा भेटिएका सौगातलाई नागरिकले यही प्रश्न राख्दा उनले सृष्टिसँगको अफेयर अस्वीकार त गरेनन् तर खुलेर बोल्न पनि चाहेनन् । उनले नागरिकसँग भने, ‘यो लुकाउनुपर्ने विषय हो जस्तो लाग्दैन । न त हल्ला नै गर्नुपर्ने विषय हो जस्तो लाग्छ।’

प्रेमको कुरा भएपछि उमेर पुगेका जोडीको विवाहको कुरा पनि भैहाल्छ । सौगात विवाहको प्रश्नमा पनि पहिलो प्रश्नमा झैं प्रस्ट उत्तर दिएनन् । उनले आफूहरूका बीचमा विवाहको चर्चा चले पनि यो मितिमा नै गर्ने भन्ने टुंगो नभएको बताए । ‘निश्चय नै विवाहको कुरा हामी सबैको दिमागमा छ ।  तर, यति बेलै गर्ने भन्ने कुनै हतार छैन । समय र परिस्थिति हेरेर जतिबेला पनि हुन सक्छ,’ सौगातले भने। 

दुई दर्जन हाराहारी फिल्ममा अभिनय गरेका सौगात यतिबेला ‘फाटेको जुत्ता’को सुटिङको तयारीमा छन् । बिहीबार ललितपुरमा मुहुर्त हुन गइरहेको फिल्मका लागि मंगलबार सौगात स्क्रिप्ट हातमा लिएर अभ्यास गरिरहेका थिए । ‘के सौगातलाई अझै वर्कसपमा बसिरहन पर्छ र ? ‘परिहाल्छ नि !,’ सौगातले भने , ‘वर्कसप भनेको समूहमा बसेर गरिने काम हो । एक्लैले सोचेको भन्दा समूहले सोचेको राम्रो । मचैं चराले झैं दाना टिप्न आउँछु ।’ उनले कतिपय फिल्ममा सिधै सेटमा गएर अभिनय गरेको भए पनि वर्कसपले कलाकारलाई कामका लागि तयार पार्ने बताए। 

सधैं नयाँनयाँ चरित्र र गेटअपमा प्रस्तुत हुन रुचाउने सौगात ‘फाटेको जुत्ता’मा फेरि एकपटक मधेशी पात्रको भूमिका निर्वाह गर्दैछन् । वीरगन्जको पृष्ठभूमिमा बन्ने फिल्ममा सौगातले मधेशी युवाको प्रतिनिधित्व गर्दैछन् । तर, सौगातले पहिलो पल्ट यस्तो भूमिका निर्वाह गर्न लागेका भने होइनन् । यसअघि उनले ‘षडंग’ र ‘लुकामारी’मा मधेशी पात्रको अभिनय गरेका छन् । आफैंलाई दोहोर्याउन खासै नरुचाउने सौगात यो चरित्रका लागि कसरी तयार भए ? उनले भने ,‘फिल्मको कथानक रोचक छ । अनि पृष्ठभूमि नै मधेश भएपछि चरित्र पनि त्यस्तै हुनुपर्ने कथाको माग थियो । त्यही भएर गरे ।’ नवलपरासीमा जन्मिएका सौगात आफू हुर्किबढेको परिवेश भएकाले अरु चरित्रभन्दा मधेशको चरित्र निर्वाह गर्न धेरै मिहिनेत गर्न नपर्ने बताउँछन् । ‘फाटेको जुत्ता’मा सौगातसँगै कामेश्वर चौरसिया, रवीन्द्र झा र प्रियंका कार्की मुख्य भूमिकामा अभिनय गर्दैछन् । अर्जुन कुमारले निर्माण गर्न लागेको फिल्मलाई निकेश खड्काले निर्देशन गर्न लागेका हुन् जसले यसअघि ‘जिन्दगी रक्स’ निर्देशन गरेका थिए। 

पछिल्लो समय थिएटरका कलाकारले फिल्मको अभिनयमा धाक जमाएका छन् । तर, योसँगै थिएटरका कलाकारले फिल्ममा अभिनयको मर्म आत्मसात नगरेको बहस सुरु भएको छ । सौगात स्वयंलाई भने चरित्रको बाहिरी आवरणमा मात्र काम गरेर मेकर र दर्शक झुक्याएको आरोप लाग्ने गरेको छ । सौगातले यो आरोपको भने खण्डन गरे । ‘हुन त उहाँहरूले केही देखेर नै भन्नु भएको होला । तर, सबैले के बुझ्न पर्यो भने, म कलाकार मात्र हो र कलाकार सधैँ निर्देशकको नियन्त्रणमा हुन्छ । म पनि हुन्छु,’ सौगातले भने, ‘ मैंले आफूलाई लागेको कुरा निर्देशकलाई भन्ने हो । मान्ने नमान्ने उहाँको जिम्मा । बाहिर हल्ला भएजस्तो मैंले न त स्क्रिप्टमा डिक्टेट गर्छु र न चरित्रमा।’ 

‘लुट’ यता सौगातले अभिनयका लागि गाली नै नखाए पनि कामका लागि औधी ताली पनि पाएका छैनन् । त्यसयता केही फिल्म चले पनि उनका अधिकांश फिल्मले निर्माताको पैसा फिर्ता गराउन सकेका छैनन् । त्यसैले पछिल्लो समय उनलाई ‘अनलक्की’ अभिनेता पनि मानिन थालेको छ । तर, यसका बाबजुद पनि सौगातलाई फिल्ममा लिन चाहनेको भने कमी छैन । यो साल उनले ‘लालपूर्जा’, ‘संरक्षण’, ‘बमकाजी’ र ‘झ्यानाकुटी’को काम सकाइसकेका छन् भने आउँदो तिहारसम्मका लागि केही फिल्मलाई डेट दिइसकेका छन् । यही साल उनले नाटकमा पनि अभिनय गर्ने मन बनाएका छन् । ‘अघिल्लो साल पनि अन्त्यतिर एउटा नाटक गर्छु भन्ने सोचेको थिएँ ,पूर्व प्रतिबद्धताका कारण पाइनँ । यो सालचैं जसरी नि गर्छु,’ सौगातले भने । 

 

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...