वीरेन्द्रनगरको मेयरमा कांग्रेस, उपमेयरमा एमालेको अग्रता

शुक्रबार, ०५ जेठ २०७४, २० : १५ नगेन्द्र उपाध्याय


सुर्खेत- सुर्खेतका ९ तहमध्ये ८ वटाको मत परिणाम घोषणा भएको छ। सदरमुकाम वीरेन्द्रनगरको मतगणना जारी छ। गणना सम्पन्न भएकामध्ये तीन नगरसहित दुई गाउँपालिकामा कांग्रेसले विजय हासिल गरेको छ । एक नगरसहित दुई गाउँपालिकामा एमाले विजयी भएको छ। वीरेन्द्रनगरमा प्रमुखमा कांग्रेसका उम्मेदवार देवकुमार सुवेदी र उपप्रमुखमा एमालेकी मोहनमाया ढकालले अग्रता लिएका छन्। १६ वडा रहेको यहाँ हालसम्म गणना भएकामध्ये एक, दुई, चार, आठ र १० वडामा एमाले तीन, पाँच, छ, सात र नौ वडामा कांग्रेस उम्मेदवारका प्यानल विजयी भएका छन् ।

शुक्रबार सम्पन्न मत गणनामा भेरीगंगामा कांग्रेसका नगरप्रमुखका उम्मेदवार भुपेन्द्रबहादुर चन्द तथा उपप्रमुखमा रेणु आचार्य विजयी भए । प्रमुखमा विजयी चन्दले ७ हजार ५ सय ४३ तथा उनका प्रतिद्धन्द्धी एमालेका यज्ञप्रसाद ढकालले ७ हजार ३ सय ४८ मत प्राप्त गरे । उपप्रमुखमा रेणुले ७ हजार ५ सय ७५ तथा उनका प्रतिद्धन्द्धी एमालेकी चन्द्रा आचार्यले ७ हजार २ सय ९७ मत प्राप्त गरिन् । १३ वडा रहेको भेरीगंगामा कांग्रेसले ८, एमालेले ४ र माओवादी केन्द्रले एक वडा जितेका छन् । त्यस्तै, पश्चिम सुर्खेतको पञ्चपुरी नगरपालिकामा कांग्रेसकै उम्मेदवार विजयी भएका छन् । प्रमुखमा विजयी उपेन्द्र थापाले ५ हजार १ सय ३४ मत प्राप्त गरे । उनका प्रतिद्धन्द्धी एमालेका मनबहादुर विकले ४ हजार ७ सय ३२ मत प्राप्त गरे। उपप्रमुखमा विजयी कांग्रेसकै मुक्ति पुरीले ५ हजार २ सय ४ मत प्राप्त गरिन् । उनकी प्रतिद्धन्द्धी एमालेकी राजकुमारी तिवारीले ४ हजार ८ २४ मत प्राप्त गरिन् । ११ वडा रहेको पञ्चपुरीमा ६ वडामा कांग्रेस र ५ वडामा एमालेले जितेको छ ।

त्यस्तै शुक्रबार सम्पन्न मत गणनामा पश्चिम सुर्खेतको चौकुने गाउँपालिकामा एमाले उम्मेदवार विजयी भए । अध्यक्षमा एमालेका धीरबहादुर शाहीले ३ हजार २ सय ४२ मत प्राप्त गरे । उनका प्रतिद्धन्द्धी माओवादी केन्द्रका खड्कबहादुर विकले २ हजार ७ सय ४५ मत प्रँप्त गरे । उपाध्यक्षमा एमालेकै निर्मला राना विजयी भइन् । उनले ३ हजार ३ सय ५६ मत प्राप्त गरिन् । उनकी प्रतिद्धन्द्धी माओवादी केन्द्रकी बिमला जीसीले २ हजार ३ सय १५ मत प्राप्त गरिन् । यसअघि पूर्वी सुर्खेतमा रहेको सिम्ता गाउपालिकाको अध्यक्षमा एमालेका कविन्द्र केसी र उपाध्यक्ष चन्द्राकला शाही, लेकवेशी नगर प्रमुखमा एमालेकै गगनसिं सुनार, उपप्रमुख शान्ति छन्तेल, चिंगाडमा कांग्रेसका देवबहादुर चन्द र मनमाया आचार्य, बराहतालको अध्यक्षमा कांग्रेसकै तेजबबहादुर बस्नेत र, उपाध्यक्ष शोभा शर्मा, गुर्भाकोट नगर प्रमुखमा कांग्रेसकै हस्त पुन र उपप्रमुखमा मैना विक विजयी घोषणा भैसकेका छन् । गुर्भाकोट सुर्खेतको दोस्रो ठूलो नगरपालिका हो ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...