‘राज्यबाट सुको लिन्न, तातोपानी नाका सञ्चालनमा ल्याउँछु’

सोमबार, १५ जेठ २०७४, १३ : ०३ ध्रुव दंगाल


सिन्धुपाल्चोक – सीमा नाका तातोपानी रहेको भोटेकोसी गाउँपालिकाका नवनिर्वाचित अध्यक्ष राजकुमार पौडेलले राज्यद्वारा प्रदान गरिने तलब लगायत सेवा सुविधा गाउँको विकासमा खर्चिने घोषणा छन् । 

नागरिक प्रतिनिधिसँगको कुराकानीमा उनले पूर्ववत घोषणा दोहोर्याउँदै उनले भने, ‘राज्यबाट एक रुपैयाँ लिन्न । सेवा, सुविधामा आएको तलव, भत्ता गाउँको विकासमा लगाउने छु ।’ यसअघि पद्भार ग्रहणपछि पौडेलले उक्त घोषणा गरेका थिए । 

अध्यक्षका नाताले २५ हजार रुपैयाँ तलव सेवा प्राप्त हुने सुनेका उनले राज्यलाई कर तिरेर बाँकी हुन आउने रकम सिधै गाउँपालिकामार्फत विकासमा खर्च हुने व्यवस्था मिलाउने बताए । खासगरी उक्त रकम गाउँपालिकाको शैक्षिक र स्वास्थ्य सेवा सुधारमा खर्चिने उनको योजना छ । ‘चीनसँग जोडिए पनि यो क्षेत्र शैक्षिक रुपमा पछाडि छ । स्वास्थ्य सेवा पनि प्रभावकारी छैन,’ उनले भने । गाउँपालिकालाई प्राप्त हुने अनुदान शिक्षा र स्वास्थ्य क्षेत्रको विकासमा खर्चन प्राथमिकता दिने उनले सुनाए । 

मध्यमवर्गीय परिवारको रहेकाले आफूलाई खान, लाउन समस्या नभएको भन्दै अध्यक्ष पौडेले राज्यबाट कुनै पनि शीर्षकमा एक रुपैयाँ नलिने प्रतिवद्धता जनाए । व्यवसायी रहेका पौडेल चिनियाँ सामग्री आयातकर्ता हुन् । तातोपानी क्षेत्रमा रहेर उनी लामो समयदेखि चिनियाँ व्यवसायमा सक्रिय थिए । उनी नेपाल ट्रक कन्टेनर व्यवसायी संघका निवर्तमान अध्यक्ष समेत हुन् । 

नेपाल–चीन व्यापार बुझेकाले आफ्नो पहिलो प्राथमिकता तातोपानी नाका सञ्चालनमा ल्याउनु रहेको उनी बताउँछन् । आफू निर्वाचित भइसकेपछि स्थानीय प्रशासन र कुटनीतिक माध्यमबाट नाका सञ्चालनमा ल्याउन पहल थालेको उनले बताए । ‘छिमेकी नेलाम जिल्ला प्रमुख हुँदै ल्हासासम्म पनि सन्देश पुर्याइसकेको छु,’ उनले भने, ‘हरप्रयास गरेर छिट्टै नाका सञ्चालनमा ल्याइ छाड्छु ।’

२०७२ वैशाख १२ को भूकम्पपछि नाका बन्द छ । २०७३ असार २३ को भोटेकोसी थप क्षति पुर्याउँदा नाकाको भविष्य थप संकटमा पर्दै आएको छ । पौडेलका अनुसार दुई वर्षदेखि नाका बन्द हुँदा वार्षिक झण्डै २० अर्बको आयात र करिब ५ अर्बको निर्यातबाट राज्यलाई ५ करोड रुपैयाँ राजस्व घाटा हुँदै आएको छ । 

तातोपानी, फुल्पिङकट्टी, गाती र मार्मिङ गाविस मिलेर बनेको भोटेकोसीमा पौडेलले २६ वर्षपछि कम्युनिस्ट झण्डा गाडेका हुन् । माओवादी केन्द्रबाट उम्मेदवार बनेका उनले कांग्रेस किल्ला भत्काए । २०६४ को पहिलो संविधानसभा निर्वाचनसम्म यहाँ एमाले माओवादीलाई गाउँ समिति बनाउन आवश्यक संख्या नै पुग्दैनथ्यो । 

चुनावको महिनाअघि मात्र माओवादीमा खुलेका उनले तत्कालीन लिस्ति गाविस अध्यक्ष रहेका कांग्रेसका बलिया उम्मेदार साङ्बु शेर्पालाई पराजित गरेका थिए । आश्चार्यजनक नतिजा निकाल्ने क्रममा १ सय २३ मतको अग्रता साथ उनी २५७३ मत प्राप्त गरेर निर्वाचित भए । उनका निकटतम प्रतिद्वन्द्वी शेर्पाले २४५० मत ल्याएका थिए । 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

‘प्याडम्यान’को रिलिज सर्‍यो, अब ‘पद्मावत’ एक्लै

‘प्याडम्यान’को रिलिज सर्‍यो, अब ‘पद्मावत’ एक्लै

अक्षय कुमारको सामाजिक कथामा आधारित फिल्म ‘प्याडम्यान’ को प्रदर्शन मिति सारिएको छ। २५ जनवरीका लागि तोकिएको फिल्म अब फेब्रअरी ९...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...