समर्थकका नेतालाई रंगशाला जान रोक

सोमबार, ०५ असार २०७४, ०८ : ४० नागरिक


मस्को(एएफपी)– रूसी फुटबल समर्थकका नेता एलेक्जेन्डर सिप्रेजिनलाई अन्तरमहादेशीय कप अवधिभर खेलमैदान प्रवेश गर्न रोक लगाइएको छ।

सेन्ट पिटर्सबर्गमा आयोजक रूस र न्युजिल्यान्डबीचको उद्घाटन खेलअघि सिप्रेजिनलाई मैदान प्रवेशमा रोक लगाइएको हो ।

रूसका समर्थकलाई हूलदंगा तथा रंगभेदी व्यवहार देखाउने गरेको आरोप लाग्दै आएको छ । त्यसैले यस प्रतियोगितामा कुनै पनि उच्छृङ्खल कार्य हुन नदिनु रूसको प्रमुख चुनौतीका रूपमा रहेको छ ।

गत वर्ष फ्रान्समा सम्पन्न युरोपियन च्याम्पियनसिपअन्तर्गत मार्सेमा समूहचरणको खेलअघि रूस र इङ्ल्यान्ड समर्थकबीच झडप हुँदा ३५ जना घाइते भएका थिए, जसमा अधिकांश इङ्लिस समर्थक थिए ।

उक्त प्रतियोगितामा सिप्रेजिनलाई हूलदंगामा संलग्न भएको भन्दै दुई पटक रूस फिर्ता पठाइएको थियो ।

सिप्रेजिनले आफूलाई आयोजकले प्रतियोगिताका खेल हेर्न उपलब्ध गराइएको परिचयपत्र रद्द भएको जानकारी दिएको बताए ।

‘खेल सुरु हुनुभन्दा २ घण्टा पहिले मैले एउटा इमेल प्राप्त गरें जसमा मेरो समर्थक परिचयपत्र रद्द गरिएको उल्लेख गरिएको छ ,’ उनले भने, ‘मैले खेल हेर्नका लागि कारमा करिब ५ सय किलोमिटर यात्रा गर्नुका साथै टिकटका लागि ८ हजार रुबल्स (१ सय २३ युरो) तिरिसकेको थिएँ जुन अब मैले प्रयोग गर्न पाउदिनँ ।’

उनले आफूलाई यसबारे कानुनी रूपमा कुनै पूर्वजानकारी वा चेतावनी नदिएको समेत बताए।

‘मेरो विचारमा मेरो अधिकारको हनन भएको छ,’ सिप्रेजिनले भने।

तर यस पटकको प्रतिगोगितामा रूसले समर्थकको विस्तृत जानकारी लिएपछि मात्र समर्थक परिचय उपलब्ध गराइएको थियो । समर्थकसँग खेलको टिकट भए तापनि अतिरिक्त सुरक्षाका रूपमा हेरिएको उक्त पत्रलाई मैदान प्रवेशमा अनिवार्य गरिएको थियो ।

अन्य १ सय ९१ जनालाई पनि कालोसूचीमा राखिएको र प्रतियोगिता अवधिभर खेल हेर्न प्रतिबन्ध लगाइएको बताइएको छ ।

तर यस पटकको प्रतिगोगितामा रूसले समर्थकको विस्तृत जानकारी लिएपछि मात्र समर्थक परिचय उपलब्ध गराइएको थियो । समर्थकसँग खेलको टिकट भए तापनि अतिरिक्त सुरक्षाका रूपमा हेरिएको उक्त पत्रलाई मैदान प्रवेशमा अनिवार्य गरिएको थियो ।

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

स्वास्थ्यका कारण कार्यक्रममा आउन सकिन: मार्समेलो

स्वास्थ्यका कारण कार्यक्रममा आउन सकिन: मार्समेलो

अन्तर्राष्ट्रिय कलाकार मार्समेलोले पूर्व निर्धारित कार्यक्रममा सहभागि हुन नसेकपछि नेपाली फ्यान तथा आयोजकसँग माफी मागेका छन्। ...

‘जोकमा पनि पटकथाको संरचना हुन्छ’

‘जोकमा पनि पटकथाको संरचना हुन्छ’

बलिउड लेखक अन्जुम राजाबलीले जोकमा पनि पटकथाको संरचना हुने बताएका छन् । दुई दिने कार्यशालाका लागि बुधबार नेपाल आएका उनले...

कौमार्य कथामा ‘मिस्टर भर्जिन’

कौमार्य कथामा ‘मिस्टर भर्जिन’

समाजमा सार्वजनिक चर्चाका लागि निषेध जस्तै मानिने यौन सम्बन्धी विषयलाई लिएर  ‘मिष्टर भर्जिन’ शीर्षकको फिल्म बन्ने भएको छ । बुधबार...

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...