२५ वर्षपछि एकदिवसीय उपाधि

सोमबार, ०५ असार २०७४, ०८ : ५० नागरिक


लन्डन (एएफपी)– मोहम्मद आमिरले भारतको शीर्षक्रमलाई ध्वस्त बनाएपछि आइतबार पाकिस्तानले चिर प्रतिद्वन्द्वी छिमेकी देशलाई १ सय ८० रनले हराउँदै च्याम्पियन्स ट्रफीको उपाधि जितेको छ ।

लन्डनस्थित किङ्सटन ओभलमा फखर जमनले एकदिवसीय क्रिकेटमा पहिलो शतक प्रहार गरेपछि टस हारेर ब्याटिङका लागि निम्त्याइएको पाकिस्तानले निर्धारित ५० ओभरमा ४ विकेट गुमाएर ३ सय ३८ रन बनाएको थियो । ३ सय ३९ रनको लक्ष्य पछ्याएको साबिक विजेता भारतले ३०.३ ओभरमा १ सय ५८ रन बनाउँदा सबै विकेट गुमायो ।

६ ओभरमा २ मेडनसहित १६ रन दिएर ३ विकेट लिएका आमिरले पहिलो बलमै भारतका ओपनर रोहित शर्मालाई शून्यमा पवेलियनको बाटो देखाएका थिए । लगत्तै भारतका कप्तान विराट कोहलीलाई ५ रनमा शाडब खानमार्फत आउट गरेका आमिरले शिखर धवनलाई २१ रनमा मोहम्मद सरफराजमार्फत आउट गरेका थिए ।

१६औं ओभरको समाप्तिमा भारत ७२–६ को स्थितिमा थियो । तर हार्दिक पाण्डेय र रवीन्द्र जडेजाले सातौं विकेटका लागि ८० रनको साझेदारी गर्दै भारतलाई आशा देखाएका थिए । २६.३ ओभरमा पाण्डेय आउट भएपछि भारतको झीनो आशा समाप्त भएको थियो । भारतका लागि पाण्डेयले सबैभन्दा बढी ७६ रन बनाए। उनले ४३ बलमा ४ चौका र ६ छक्का प्रहार गरेका थिए । धवनले २१ रन जोड्दा युवराज सिंहले २२ रन जोडे । जडेजा १५ रनमा आउट भए ।

पाकिस्तानका लागि आमिरबाहेक हसन अलीले तीन तथा शाडब खानले २ विकेट लिए । जुनैद खानको नाममा एक विकेट रह्यो ।

त्यसअघि फखर जमनको शतकप्रेरित पाकिस्तानले निर्धारित ५० ओभरमा ४ विकेट गुमाएर ३ सय ३८ रन बनाएको थियो । १ सय ६ बलमा १२ चौका र ३ छक्का प्रहार गरेका जमनले पहिलो विकेटका लागि अजहर अलीसँग १ सय २८ रनको साझेदारी गरेका थिए ।

७१ बलमा ६ चौका र १ छक्कासहित ५९ रन बनाएका अली रनआउट भएका थिए । त्यसपछि जमनले बाबर आजमसँग दोस्रो विकेटका लागि ७२ रनको साझेदारी गरे ।

पाकिस्तानका भेट्रान खेलाडी मोहम्मद हफिजले तीन छक्कासहित अविजित ५७ रनको योगदान दिए । हफिजले अलराउन्डर इमद वासिमसँग पाँचौं विकेटका लागि ७१ रनको साझेदारी गरेपछि पाकिस्तान ३ सयमाथिको योगफल बनाउन सफल भएको थियो ।

 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

‘प्याडम्यान’को रिलिज सर्‍यो, अब ‘पद्मावत’ एक्लै

‘प्याडम्यान’को रिलिज सर्‍यो, अब ‘पद्मावत’ एक्लै

अक्षय कुमारको सामाजिक कथामा आधारित फिल्म ‘प्याडम्यान’ को प्रदर्शन मिति सारिएको छ। २५ जनवरीका लागि तोकिएको फिल्म अब फेब्रअरी ९...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...