धानको सट्टा भुस फल्यो

सोमबार, ०५ असार २०७४, १२ : १९ नरहरि सापकोटा


गोरखा – १८ मुरी धान हुने खेतमा दानो नफलेपछि गोरखा नगरपालिका–११ सिर्दिफाँटका किसान धनसिंह थापाले भुस फलेको पराल बिहीबार खेतमै आगो लगाए । वार्षिक १७ हजार पाँच सय तिरेर ठेक्कामा लिई खेती गरेको हर्दिनाथ धानमा भुस फलेपछि उनलाई झन्डै एक लाख रुपैयाँ घाटा लाग्यो । भुस फलेको परालमा आगो लगाएर अहिले उनी असारे रोप्ने तयारीमा छन् ।

थापाको सँधियार पूर्णबहादुर गुरुङको हविगत पनि उस्तै छ । अघिल्लो वर्ष हर्दिनाथ राम्रै फलेपछि त्यहाँका किसानले यस वर्ष पनि त्यही रोपे, तर दानै फलेन । किसान गुरुङ भन्छन्, ‘बालाभरी भुस मात्रै छ, काट्न, पराल लैजान ज्यालामा मान्छे लगाउनुपर्छ, खर्च पनि नओत्ने भएपछि हामीले खेतमै जलायौं ।’ 

सयौं रोपनी जग्गामा भुस फलेपछि किसानले खेतमै जलाए 
 

रोगको कारण धानमा बाला नलागेको हुन सक्ने र पराल लगेर गाई वस्तुलाई खुवाउँदा बिरामी पर्न सक्ने डरले किसानले पराल खेतमै जलाएको बताउँछन् । बाँझो जोत्दादेखि धान लगाउँदा, गोडमेल गर्दा, रासायनिक मल राख्नसम्मको परिश्रम र दुःख खेर गएपछि किसान निराश छन् । 

१–२ जना मात्रै होइन, सिर्दिफाँटका ५० भन्दा बढी किसानको सय रोपनी जमिनमा लगाएको हर्दिनाथ धान यस वर्ष फलेन । झन्डै पाँच सय २५ मुरी धान उत्पादन नभएको गुनासो किसानको छ । हर्दिनाथ धान प्रतिमुरी एक हजार पाँच सयदेखि एक हजार आठ सय रुपैयाँसम्म पर्छ । अघिल्ला वर्ष त्यहाँका खेतमा किसानले मनग्य धान भित्र्याएका थिए ।  ‘१०–१२ जनाले त खेतमै आगो लगाइदिए, केहीले भने पराल लैजाने कोही भए सित्तैमा काटेर लैजान भनेका छन्,’ अर्का किसान केशव न्यौपानेले भने, ‘यस्तो दानै नफल्ने त अहिलेसम्म भएको थिएन ।’ अन्य किसानले पनि काटेर लैजान मान्छे नपाएपछि अहिले बारीमै भुस सहितको नल पोलेर असारे धान रोप्ने तयारी गरिरहेका छन् । सिर्दिफाँट गोरखा नगरपालिकाभित्र पर्ने धान उत्पादनको पकेट क्षेत्र हो । यहाँ अधिकांश किसानले ठेक्कामा खेत लिएर खेती लगाएका छन् । कञ्चन, साबित्री लगायत अन्य जातका धान भने फलेको छ । 

कृषि सेवा केन्द्रमार्फत किसानले क्षतिपूर्ति मागेका छन् । स्थानीय एग्रोभेटबाट किनेर लगाएको धान नफलेपछि किसानले जिल्ला कृषि विकास कार्यालयसँग क्षतिपूर्ति मागेका हुन् । लगाउनयोग्य भनिएकै धान किसानले खेतमा रोपेका थिए । कृषि कार्यालयले भने धानमा एक्कासि रोग लागेपछि उत्पादन हुने बेलामा समस्या देखिएको बताएको छ । बाली संरक्षण अधिकृत बिनोद लामिछानेले उष्ण मौसमको असर र रोगको कारण बाला नलागेको बताए । उनले भने, ‘यही कारण भनेर ठोकुवा गर्न सक्ने अवस्था छैन, यसको परीक्षण गर्नुपर्छ । बीउमा समस्या भन्दा पनि रोगको कारण हुनुपर्छ ।’ किसानलाई क्षतिपूर्ति दिने विषयमा भने कार्यालयले माथिल्लो निकायमा जानकारी गराएको उनले बताए । 


 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

‘प्याडम्यान’को रिलिज सर्‍यो, अब ‘पद्मावत’ एक्लै

‘प्याडम्यान’को रिलिज सर्‍यो, अब ‘पद्मावत’ एक्लै

अक्षय कुमारको सामाजिक कथामा आधारित फिल्म ‘प्याडम्यान’ को प्रदर्शन मिति सारिएको छ। २५ जनवरीका लागि तोकिएको फिल्म अब फेब्रअरी ९...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...