सम्झौताको वर्ष बित्यो पुल बनेन

सोमबार, ०५ असार २०७४, १२ : ३८ नरहरि सापकोटा


गोरखा – गोरखा नगरपालिका–१२ र पालुङटार नगरपालिका–१० जोड्ने गरी दरौंदी नदीमाथि दसकिलो घाटमा बन्नुपर्ने पक्की पुल सम्झौता भएको एक वर्षसम्म निर्माण सुरु भएको छैन । गत वर्ष जिल्ला समन्वय समितिसँग ठेक्का सम्झौता गरेको एड्भेन्चर धनथान जेभीले झन्डै ३० लाख पेस्की लगेर पनि काम सुरु गरेको छैन । 

‘काम सुरु भएको छैन, अघिल्लो वर्ष काम थाल्छु भनेर पेस्की लगेपछि ठेकेदारले काम गरेन,’ स्थानीय विकास अधिकारी नारायण आचार्यले भने, ‘समय छँदासम्म काम नगरी बस्ने परिपाटीले विकासे काम ढिलो भो ।’ काम नै सुरु नगरी निर्माण जिम्मा लिएको कम्पनीले योजनाको म्याद थप गर्न जिल्ला विकास समितिसँग अनुमति मागेको उनले बताए । 

चार करोड ६ लाख रुपैयाँमा बन्ने उक्त मोटरेबल पुल नहुँदा मिरकोट र दसकिलो आउजाउ गर्न समस्या भएको गुनासो स्थानीयको छ । ‘पक्की पुल बन्छ भनेर एक वर्षअघि मान्छेहरु आएका थिए,’ स्थानीय हर्कबहादुर कुमालले भने, ‘तीन महिनाअघि खनेको खाल्डो पनि पुरिइसक्यो ।’ निर्माण जिम्मा लिएको धनथान जेभीले तीन महिनाअघि पक्की पुल निर्माण गर्न दसकिलोतर्फ खनेको खाल्डो पुरिएको छ । 

पालुङटारतर्फ भने कुनै पनि काम भएको छैन । त्यहाँ पुल निर्माण गर्न मिल्ने खालको भौगोलिक बनोट नभेटिएको र माटो धेरै भेटिएपछि डिजाइन परिर्वतन गर्नुपर्दा समय लागेको निर्माण कम्पनीका रामराज पौडेलले बताए । ‘आउँदा एक–दुई महिनाभित्र निर्माण सुरु हुन्छ, पुलको डिजाइन केही बदल्नुपर्ने भएकाले समय लागेको हो,’ काम ढिलो भएको विषयलाई ढाकछोप गर्दै उनले भने । उक्त पुल ४०–४० मिटरको दुई ब्लकमा निर्माण हुनेछ । 

यो बाहेक पनि भुसुण्डे खोलामा एक करोड २० लाख र मुच्चोक तामलाबोट जोड्ने गरी तीन करोड ५२ लाखमा पुल निर्माण भइरहेको छ । यी दुवै पुल धनथान जेभीले निर्माण गरिरहेको छ । एउटा निर्माणको अन्तिम चरणमा पुगे पनि अर्कोको आधामात्रै काम सकिएको छ । खारखोलामा बन्नुपर्ने पक्की पुल भने वर्ष दिनसम्म ठेक्का लाग्न सकेन । 

दुईपटक टेन्डर आह्वान गर्दा समेत ठेक्का नलागेको र पुन टेन्डर गर्ने तयारी भइरहेको जिल्ला समन्वय समितिले जनाएको छ । जिल्ला समन्वय समिति अन्तर्गत यो वर्ष चारवटा पक्की पुल निर्माणका लागि झन्डै ११ करोड रुपैयाँ जिल्ला आएको थियो । असार मसान्तसम्म सिध्याउनुपर्ने पुल निर्माण कार्य निकै सुस्त देखिन्छ । 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

‘प्याडम्यान’को रिलिज सर्‍यो, अब ‘पद्मावत’ एक्लै

‘प्याडम्यान’को रिलिज सर्‍यो, अब ‘पद्मावत’ एक्लै

अक्षय कुमारको सामाजिक कथामा आधारित फिल्म ‘प्याडम्यान’ को प्रदर्शन मिति सारिएको छ। २५ जनवरीका लागि तोकिएको फिल्म अब फेब्रअरी ९...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...