घोषित उम्मेदवार बेपत्ता भएपछि अर्कैको उम्मेदवारी

सोमबार, ०५ असार २०७४, १६ : ३९ भीम चापागाईं


इलाम- इलाम नगरपालिका–१२ बाट नेकपा माओवादीले वडाध्यक्षको उम्मेदवार घोषणा गरेका नारायण राई बेपत्ता भएपछि त्यस वडामा अर्को उम्मेदवारले उम्मेदवारी दर्ता गराएका छन्। उम्मेदवारी दर्ता गर्ने दिन (आइतबार)सम्म राई बेपत्ता भएपछि माओवादीले सोममाया राईलाई उम्मेदवार बनाएको हो।

नारायण असार २ गते बेलुकादेखि सम्पर्कविहीन भएको माओवादीले जनाएको छ। ‘असार ३ गतेको जनसभाको तयारी र भोट माग्नेक्रममा लागिरहेका बेला असार २ गतेदेखि नै नारायण बेपत्ता छन्,' माओवादीले सोमबार जारी गरेको विज्ञप्तिमा उल्लेख छ, ‘अन्य पार्टीका प्रतिस्पर्धीबाट मनोनयनको मितिलाई छल्न यो हर्कत गरिएको आशंका छ।' माओवादीले उम्मेदवारको टुंगो लगाएदेखि नै नारायण चुनावी प्रचारमा थिए।

माओवादीले उम्मेदवारी दर्ता गराउने दिन आइतबार पनि मुख्य निर्वाचन अधिकृतको कार्यालयसम्म नारा लगाउँदै पुगेर बेपत्ता राईलाई ‘सार्वजनिक गर्न' माग गरेको थियो। माओवादीले नारायणको खोजीका लागि प्रहरी–प्रशासनसमक्ष आग्रहसमेत गरेको जिल्ला सदस्य जीवन शर्माले बताए।

जिल्ला प्रहरी कार्यालयका डिएसपी महेन्द्र श्रेष्ठले नारायण बेपत्ता भएको खबर आउनेबित्तिकैदेखि प्रहरीले उनको खोजीका लागि सबै सम्यन्त्र परिचालन गरेको जानकारी दिए। ‘हामीले खोजीका लागि गर्नुपर्ने सबै प्रयास गरिरहेका छौं। तर, अहिलेसम्म फेला पार्न सकिएको छैन,' उनले भने।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

ऐश्वर्याकी आमा बस्ने घरमा आगलागी

ऐश्वर्याकी आमा बस्ने घरमा आगलागी

बलिउड अभिनेत्री ऐश्वर्या राय बच्चनकी आमा बस्ने घरमा आगलागी भएको छ । बान्द्रास्थित लामेर भवनको १३ औं तल्लामा लागेको आगलागीलार्इ...

दर्शकलाई ‘कोहलपुर एक्सप्रेस’ चढाउँदै केकी

दर्शकलाई ‘कोहलपुर एक्सप्रेस’ चढाउँदै केकी

सात वर्ष अघि फिल्म ‘स्वर’बाट फिल्मी अभिनयमा डेब्यु गरेकी अभिनेत्री केकी अधिकारीले झण्डै दर्जन फिल्ममा अभिनय गरेपछि भूमिका परिवर्तन गरेकी...

सोनमको चित्त दुखाइ

सोनमको चित्त दुखाइ

जस्तालाई तस्तै’ व्यवहारका लागि प्रख्यात छिन् सोनम कपुर । उनलाई कसैले चित्त नबुझ्ने कुरा ग¥यो जवाफ दिन रत्तिभर पनि हिच्किचाउन्नन्...

सुटिङमा ‘शत्रु गते’

सुटिङमा ‘शत्रु गते’

झण्डै एक महिना अघि घोषणा गरिएको फिल्म ‘सत्रु गते’ सोमबारबाट सुटिङका लागि फ्लोरमा गएको छ । किरण केसी प्रस्तुतकर्ता रहेको...