इराक – इराकको युद्धग्रस्त शहर मोफसुलमा एक फ्रान्सेली पत्रकार मारिएका छन् भने दुई घाइते भएका फ्रान्सेली सञ्चार माध्यमहरूले जनाएका छन् ।
फ्रान्सेली पत्रकार स्टेफन भिलेनुउभेको बारूदी सुरूङमा परी मृत्यु भएको हो । उनको उपचारको क्रममा अस्पतालामा मृत्यु भएको थियो । केही समय अगाडि सोही यद्धग्रस्त क्षेत्रमा एक कुर्दिस पत्रकार पनि मारिएका थिए । सञ्चार माध्यमका पत्रकार तथा कर्मचारीहरूले उनी प्रति समवेदना व्यक्त गरेका छन् ।
पत्रकार स्टेफनका ४ छोराछोरी रहेको सञ्चार माध्यमहरूले जनाएका छन् । दुर्घटनामा घाइते दुई पत्रकारहरूको अमेरिकाको सैनिक शिविर अस्पतालमा उपचार भइरहेको सञ्चार माध्यमहरूमा उल्लेख छ।
प्रकाशित: ७ असार २०७४ ०६:२४ बुधबार