यसरी गरियो म्यादी प्रहरीको बिदाई

सोमबार, २६ असार २०७४, १८ : १६ ध्रुव दंगाल


सिन्धुपाल्चोक- स्थानीय तहको चुनाव सफलतापूर्वक सम्पन्न गराएका म्यादी प्रहरीको भव्य बिदाई गरिएको छ। चुनाव सम्पन्न गराउने क्रममा झण्डै तीन महिना खटिएका उनीहरुको बिदाईमा जिल्ला प्रहरी कार्यालयले सोमबार बिशेष कार्यक्रम नै राखेको थियो।

                ‘तपाईँहरुको योगदानको प्रहरी संगठनले विशेष मूल्यांकन गरेको छ। भविश्यमा हुने प्रदेश र संघको चुनावमा पनि यस्तै सहयोगको अपेक्षा गरेका छौँ,’ म्यादी प्रहरीलाई बिदाई गर्दै जिल्ला प्रहरी प्रमुख एसपी रबिन्द्र केसीले भने। शान्तपूर्वक चुनाव सम्पन्न गराउन भूमिका खेलेबापत उनीहरुलाई प्रशंसापत्रसहित अबिर टीका लगाएर बिदाई गरियो।

                ‘२० वर्षपछि भएको स्थानीय तह चुनावको सुरक्षामा खटिन पाउँदा खुशी छु,’ प्रशंसापत्र बुझेपछि सम्झना तामाङले भनिन्, ‘त्योभन्दा ठूलो खुशी शान्तपूर्वक चुनाव सम्पन्न गराएको लागेको छ।’ २१ वर्षीया उनी पहिलो पटक भोट हाल्ने अवसर छोडेर म्यादी प्रहरीको रुपमा चुनावी सुरक्षामा खटिएकी थिइन्।

                डिएसपी श्यामकृष्ण अधिकारीले धन्यावाद दिँदै अबिर टीका लगाइ दिए भने एसपी केसीले सफल भविश्यको शुभकामना ब्यक्त गर्दै प्रशंसापत्र वितरण गरे। म्यादी प्रहरीबाट बिदाई हुन उनीहरु सबै सदरमुकाम चौतारा आएका थिए।

















यसमा तपाईको मत

अन्य समाचार

कवि बने रंगकर्मी

कवि बने रंगकर्मी

अभिनेता, निर्देशक वा लेखक भएर रंगमञ्चमा व्यस्त भइरहने रंगकर्मीहरू सोमबार भने फरक रूपमा प्रस्तुत भए । मञ्चमा विभिन्न भूमिकामा देखिने...

भारतको पुनेमा नेपाली फिल्म

भारतको पुनेमा नेपाली फिल्म

भारतको पुनेमा आगामी साउन १३ गतेदेखि आयोजना हुन लागेको एक कार्यक्रममा नेपालका १० फिल्म देखाइने भएको छ । ‘इन द...

विवादमा 'छक्का पञ्जा २'को गीत

विवादमा 'छक्का पञ्जा २'को गीत

युट्युबमा सार्वजनिक भएको २४ घण्टा बित्न नपाउँदै फिल्म 'छक्का पञ्जा २'को गीत 'ए दाजु नसमाऊ नारीमा' विवादमा आएको छ। प्रिन्स ...

'ए मेरो हजुर २'को ट्रेलर सार्वजनिक

'ए मेरो हजुर २'को ट्रेलर सार्वजनिक

१३ वर्षअघि निर्मित फिल्म 'ए मेरो हजुर' नाम सापटी लिँदै बनेको 'ए मेरो हजुर २'को ट्रेलर सार्वजनिक भएको छ। अघिल्लो...