मेयरको सपना थिएन : तारा सुब्बा

मङ्गलबार, २७ असार २०७४, १० : ४५ रोहित राई


धरान- स्थानीय तह निर्वाचनअर्न्तगत धरान उपमहानगरपालिकामा एमालेले मेयर र उपमेयर दुवै पदमा फराकिलो जित हात पारेको छ। सोमबार राति सम्पन्न मतगणना अनुसार एमालेका मेयर उम्मेदवार तारा सुब्बाले निकटतम प्रतिद्धन्दी कांग्रेसका तिलक राई भन्दा ४ हजार ८ सय ७३ को अन्तरले विजयी बनेका छन् भने उपमेयरमा मञ्जु भण्डारी सुवेदीले कांग्रेसकी उम्मेदवार श्यामा रेग्मीलाई भन्दा ६ हजार ३ सय ३९ मतअन्तरले परातिज गर्दै विजयी बनेकी छिन्।

मेयर पदमा विजेता सुब्बाले कुल २० हजार ९ सय ७५ मत पाए भने कांग्रेसका पराजित उम्मेदवार राईले १६ हजार १ सय २ मत पाए। यसैगरी, उपमेयरमा विजयी भण्डारीले २१ ह्जार २ सय ५६ मत पाइन् भने पराजित कांग्रेसकी रेग्मीले १४ हजार ९ सय १७ पाइन्। तेस्रो स्थानमा रहेको माओवादी केन्द्र, समाजवादी फोरम गठबन्धनका उम्मेदवार अइन्द्रबिक्रम बेघाले ११ हजार १ सय ८० पाए भने गठबन्धनकै उपमेयर उम्मेदवार पारस राईले ५ हजार १ सय ८१ म्त पाएको निर्वाचन अधिकृतको कार्यालयले जनाएको छ।

यो विजयसँगै धरानमा स्थानीय निर्वाचनमा एमालेको जितले तेस्रो पटक निरन्तरता पाएको छ। २०४९ र २०५४ को स्थानीय निर्वाचनमा मेयर र उपमेयर दुवै पदमा जित पाएको एमालेको लागि यो चुनाव प्रतिष्ठाको बिषय थियो। पहिलो संविधानसभा निर्वाचनबाहेक प्रजातन्त्रपछिको सबै चुनावमा एमालेले जित्दै आएको क्षेत्र हो, धरान। त्यसैले धरानलाई एमालेको गढ पनि भनिन्छ। २०४८ सालको आम निर्वाचनमा एमालेबाट मनमोहन अधिकारी, २०५१ को निर्वाचनमा लिला श्रेष्ठ सुब्बा, २०५६ मा कुन्ता शर्मा विजयी भएका थिए। २०६४ को पहिलो संविधानसभा चुनावमा माओवादीका किरण राईले जिते पनि २०७० को दोस्रो संविधानसभा चुनावमा भने एमालेका कृष्णकुमार राईले विजयी झण्डा फहराए।

मतगणनाको अन्तिम नतिजा आउदा एमालेले धरानको २० वडा मध्ये १४ वडासहित मेयर र उपमेयरमा जितेर विरासत जोगाउन सफल भयो। एमालेले धरानको ३, ४, ६, ७, ८, १०, ११, १२, १३, १५, १६, १९ र २० वडामा प्यानलै जित्यो भने वडा ९ मा एक जना सदस्य मात्र एक भोटले हार्यो। त्यहाँ एक जना कांग्रेस सदस्य विजयी भए। यस्तै, कांग्रेसले १, २, ५ र १४ मा प्यानल जितेको छ भने वडा १८ मा एक जना सदस्यबाहेक सबै पदमा जित्यो। त्यहाँ एमालेले एक जना सदस्य जितेको छ। माओवादी केन्द्रले भने वडा १७ मा मात्र जित हासिल गर्न सक्यो। त्यहाँ वडाअध्यक्षसहित माओवादीको प्यानल विजयी भयो।

'मेयरको सपना थिएन'

'मेयर हुन्छु भन्ने थिएन, जनताको लागि काम गर्छु भनेर पार्टीमा लागेको थिएँ,' जित सुनिश्चित भइसकेपछि सोमबार दिउँसो सुब्बाले नागरिकसँग भने, 'पार्टी, संगठनमा काम गर्दै जाँदा परिस्थिति आइपर्यो, र उम्मेदवार बने।' पार्टी र जनतामाझ सरल, प्रतिवद्ध र स्वाभिमानी नेताकारुपमा परिचित छन्, मेयरका विजेता सुब्बा। सोमबार मेयरमा जित सुनिश्चित भइसक्दा पनि उनले त्यही सरल स्वभाव प्रर्दशन गरे। 'जनताले विश्वास गरेर विजयी गराए, यो मेरो र पार्टीको मात्र होइ सम्पुर्ण धराने जनताको जित हो,' सुब्बाले थपे, 'एमालेप्रति जनताको विश्वास थियो, छ र भविष्यमा पनि रहीरहने छ। पाँच बर्षे अवधि स्वर्णिम काल बनाउने गरी काम गर्छु।'

५१ वर्षअघि तेह्रथुममा जन्मिएका सुब्बा पञ्चायतकालदेखि नै राजनीतिमा सक्रिय थिए। तेह्र वर्षको उमेरमा झापाको गोलधापमा अध्ययन गर्न झरेको बेला नै उनी पञ्चायती व्यवस्थाविरुद्धको विद्यार्थी आन्दोलन लागेका थिए। २०३७ सालमा थप अध्ययन गर्न धरान आएका सुब्बा यहीको स्थायी बासिन्दा मात्र भएनन्, कम्युनिष्ट राजनीतिमा सक्रिय हुदै अहिले स्थानीय तह सरकारको प्रमुख हुन सफल भए। सुब्बा २०४६ मा प्रजातन्त्र प्राप्तीको लागि र २०६२/२०६३ को जनआन्दोलनमा पनि नेतृत्वदायी भुमिका निर्वाह गरेका थिए।

२०४० सालमै अनेरास्वयवियु नगर कमिटी सदस्य बनेका सुब्बा २०४७ सालपछि भने युवा संघको राजनीतिमा प्रवेश गरे। त्यसबेला युवा संघलाई प्रजातान्त्रिक राष्टि्रय युवा संघ भनिन्थ्यो। संघको नगर कमिटि पछि जिल्ला कमिटि संयोजक हुदै २ पटक जिल्ला अध्यक्ष, २ पटक केन्द्रीय सदस्य पनि बने। २०४८ सालदेखि एमालेको धरान नगर कमिटी सदस्य बनेका उनी त्यसयता निरन्तर नगर कमिटिमा बिशेष पदीय जिम्मेवारीमा थिए। २०६२/०६३ को जनआन्दोलनपछि उहाँले सचिवको कार्यकारी पद सम्हालेका सुब्बा पार्टीमा नगर सदस्य हुदै उपसचिव, कार्यवाहक सचिव, सचिव हुदै पार्टीमा बहुपदीय प्रणाली शुरु भएपछि अहिले तेस्रो पटक अध्यक्ष बने। २०५१ सालमा नेकपा एमालेले स्वर्गीय मनमोहन अधिकारीको नेतृत्वमा अल्पमतको सरकार बनाउदा सुब्बाले खेलकुद विकास समिति सुनसरीमा कार्यकारी पद सचिवमा नियुक्ती पाएका थिए भने २०५४ सालको स्थानीय चुनावमा वडा नम्बर १७ मा वडा सदस्य जितेर जिविस सुनसरीमा इलाका नम्ब २ बाट सदस्य पनि चुनिए। आफुले केही पाउन लागि आफुले राजनीति नगरेको उनी बताउछन्। 'मैले केही पाउन होइन, देश र जनतको पक्षमा काम गर्न गरेको हुँ, त्यसैले मलाई कुनै लोभलालच छैन,' उनले भने।

विद्यार्थी राजनीतिबाट उपमेयरसम्म

मावि पढ्दै गर्दा अनेरास्ववियुबाट विद्यार्थी राजनीतिमा छिरेकी ३५ बर्षीय मञ्जु भण्डारी सुवेदी युवा उमेरमै धरान उपमहागनरपालिकाको उपमेयर पदमा पुगेकी छिन्। राजनीतिसँगै उनी महिला अधिकारको क्षेत्रमा पनि जिल्लामा परिचित नाम हो। 'जनताले विश्वास गरेर जिम्मेवारीपुर्ण स्थानमा पुर्याएको छ, जनताको चाहना प्रतिनिधित्व हुने गरी काम गर्नेछु,' जितपछि उपमेयर भण्डारीले भनिन्,'जनताको मत भाँचिने छैन, धरानको समृद्धिको लागि प्रतिवद्ध हुन्छौं।'

उपमेयर भण्डारी अखिलको मावि कमिटिबाट क्षेत्रीय कमिटि, जिल्ला कमिटि कोषाध्यक्ष, सचिव हुदै कोशी अञ्चल कमिटि अध्यक्ष पनि भइन्। उनी २ कार्यकाल अखिलको केन्द्रीय सदस्य पनि भइन्। दुई कार्यकाल एमाले सुनसरी जिल्ला कमिटि सदस्य रहेकी भण्डारी अनेम संघको जिल्ला कार्यालय सचिव तथ प्रचार विभाग प्रमुख पनि हुन्। उनी महिला सञ्जाल धरानकी सहसचिव पनि हुन्।

३ दलबाहेकले कसैले जमानत जोगाउन सकेनन्

एक दर्जन (१२) मेयरका उम्मेदवार बनेको धरानमा तीन प्रमुख दल कांग्रेस, एमाले र माओवादीबाहेकका उम्मेदवारले जमानत जोगाउन सकेननन्। धरानमा कुल मतदाता संख्या ७९ हजार २ सय ९० रहेको छ। असार १४ गतेको स्थानीय तह निर्वाचनमा ५३ हजार ८ सय १२ मत खसेको थियो। उम्मेदवारको जमानत जोगाउन खसेको मतको १० प्रतिशत भोट ल्याउनुपर्ने हुन्छ।

राप्रपाकी मेयर उम्मेदवार तारादेवी शाक्यले ३ सय ४६ भोट पाइन् भने राष्टि्रय जनमोर्चाकी कमला तामाङले मात्र ३० भोट ल्याइन्। खम्बुवान राष्टि्रय मोर्चाका उम्मेदवार भीमबहादुर क्षेत्रीले ७१ भोट, जनजागरण पार्टी नेपालका चन्द्रकुमार शेर्माले ८ भोट, स्वतन्त्र उम्मेदवार रविन लामा गोलेले ८२, कृष्णनारायण पलिखेले १ सय ५५ भोट, भीमकुमार राईले १ सय ७७ भोट, श्रीकृष्ण उदासको १ भोट र तीर्थबहादुर तामाङले ३३ भोट ल्याएका छन्।

उपमेयरमा पनि दर्जन उम्मेदवार रहेको धरानमा तीन जनाबाहेकले जमानत जोगाउन सकेनन्। राप्रपाका उपमेयर उम्मेदवार प्रकाश राईले ५ सय ४, मालेका एकराज सुब्बाले ९०, राष्टि्रय जनमोर्चाका विष्णु खवासले १८, खम्बुवान राष्टि्रय मोर्चाकी नरदेवी राईले ८४, राष्टि्रय जनमुक्ति पार्टीकी पुर्णकला लिम्बूले ४ सय ३४ मत ल्याइन् भने स्वतन्त्र उम्मेदवार मेहरमान ह्युज गिरीले १ हजार १ सय, तुलसा गुरुङले १ सय ७३, ममिता राईले ५१ र विनिता राईले १ सय ८१ मत मात्र ल्याइन्।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

भलिबलले जोडेको मन

भलिबलले जोडेको मन

सामान्यतया खेलाडीलाई होम ग्राउन्डको फाइदा रहन्छ ।  समर्थनमा सुनिने हुटिङले खेलाडीको उत्साह बढाउँछ । भक्तपुरमा फागुन ३ देखि ८ गतेसम्म...

क्यानभासमा प्रकाश भर्ने कृष्णगोपाल

क्यानभासमा प्रकाश भर्ने कृष्णगोपाल

कृष्णगोपाल रञ्जितलाई एक दिन कसैले सोध्यो, ‘तपाईं मूर्ति पनि बनाउनु हुन्छ ?’ ८६ वर्षीय रञ्जितले कपुरधारास्थित आफ्नो घरको आर्ट स्टुडियोमा...

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका सबै हलहरुबाट राम्रो प्रतिक्रिया पाएपछि...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...