रुद्राक्ष रोपेर नगरसभा उद्‍घाटन

शनिबार, ३१ असार २०७४, १५ : ०९ दीपक खरेल  | @DeepakKharel037


ललितपुर– नेपालमा पूर्ण धार्मिक सहिष्णुता रहेको पछिल्लो उदाहरण ललितपुरको महानगरपालिकाको प्रथम नगरसभामा देखिएको छ। महानगरको प्रथम ऐतिहासिक नगरसभाको उद्घाटन मुस्लिम समुदायका श्रम तथा रोजगार मन्त्री फरमुल्लाह मन्सुरले हिन्दु धार्मिक बृक्ष रुद्राक्षको बोट रोपेर गरेका छन।

हिन्दु धर्मावलम्बीहरुले भगवान शिबको आशुँका रुपमा रुद्राक्षको फललाई पुज्ने गरेका छन । नेपाली, संस्कृत तथा हिन्दीमा रुद्राक्ष भनिने फलमा हुने मुखका आधारमा दश कोटी भगवानको प्रतिकका रुपमा पुज्ने गर्छन ।

महानगरको पुल्चोकस्थित कार्यालय हाताभित्र महानगर स्थापनाको प्रतिकका रुपमा मन्त्री मन्सुरले रुद्राक्षको बोट रोपेर पानी हालेका थिए । मेयर चिरीबाबुले वर्षौसम्म रहने र स्थापना संस्मरणका लागि बोट रोपिएको बताएका थिए।

प्रथम नगरसभाका प्रमुख अतिथि रहेका मन्त्री मन्सुरले महानगरले ल्याएको नीति तथा कार्यक्रमको सफलतासँगै संविधान कार्यन्वयनको बिषय गाँसिएको बताएका थिए।

नगरसभामा मेयर चिरीबाबु महर्जनले आर्थिक वर्ष २०७४/०७५ का लागि महानगरको ३ अर्व २२ करोड ९१ लाखको बजेट प्रस्तुत गरेका छन । मेयर महर्जनले ‘ललितपुर नगर स्वस्थ्य समुन्नत सांस्कृतिक नगर’ बनाउन पहिलो नगरसभाबाटै नीति तथा कार्यक्रम ल्याएको बताए । महानगरले चाँलु तर्फ ४३ करोड १२ लाख ८७ हजार र पुँजीगत तर्फ दुई अर्व ७९ करोड ७८ लाख २३ हजार प्रस्ताव गरेको हो । महानगरले आन्तरिक स्रोतबाट एक अर्व २२ करोड ४४ लाख  ४४ लाख उठाउने प्रक्षेपण गरेको हो ।

महानगरले सेवा प्रवाहमा सुधार, दिगो शहरी पूर्वाधार बिकास र बैकल्पीक उर्जा प्रर्वद्धन, संस्कृती सम्पदा संरक्षण र पूर्ननिर्माण, पर्यटनबाट आर्थिक बिकास र नगरस्तरीय वडालाई विकासको केन्द्र बिन्दु तथा पूर्ण सरसफाईको नीति लिएको हो । यस्तै वातावरण, बाल, लैंगिक समानता तथा सामाजिक समावेशी विकासको नीति अन्तर्गत कार्यक्रमहरु ल्याएको हो।

 

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पद्मावती’ विवाद

‘पद्मावती’ विवाद

महंगो सेटमा फिल्म बनाउन माहिर बलिउड निर्देशक सञ्जय लीला भन्सालीको फिल्म ‘पद्मावती’को फष्र्टलुक सार्वजनिक हुनासाथ फिल्मकर्मीदेखि दर्शकसम्मले फष्र्टलुकको तारिफ गरे...

फूलमानको ‘नीरफूल’मा म्यान्मारका राजदूत दम्पती

फूलमानको ‘नीरफूल’मा म्यान्मारका राजदूत दम्पती

सञ्चारकर्मी फूलमान बलको निर्देशन रहेको फिल्म ‘नीरफूल’मा म्यान्मारका राजदुत ऊ लिउन ऊ देखिने भएका छन् । भूकम्पले तितर वितर पारेको...

दसैंका गीतमा पीडा

दसैंका गीतमा पीडा

वाल्यकालमा औंला भाँँच्दै धेरैले यही गीत गाउँदै दसैंलाई निम्ता दिन्थे । यो गीत गाउँदा घरमै दसैं आइसकेको धेरैलाई आभाष हुन्थ्यो...

तीन फिल्मसँग आउँदै ‘तान्द्रो’

तीन फिल्मसँग आउँदै ‘तान्द्रो’

आगामी कात्तिक २४ गते ‘सकस’, ‘रोमियो’ र ‘मेला’ रिलिज हुने चर्चा चलिरहँदा यही मितिमा अर्को फिल्म ‘तान्द्रो’ पनि रिलिज हुने...