महिला सहभागिताका लागि प्रधानमन्त्रीलाई ज्ञापनपत्र

सोमबार, ०२ साउन २०७४, ०८ : १६ नागरिक


काठमाडौं- व्यवस्थापिका संसद्मा प्रतिनिधित्व गर्ने महिला सांसद समन्वय समितिले मन्त्रिपरिषद्मा ३३ प्रतिशत महिला सहभागिता सुनिश्चित गर्न प्रधानमन्त्री शेरबहादुर देउवालाई आग्रह गरेको छ। महिला सांसद समन्वय समितिले आइतबार बिहान प्रधानमन्त्री देउवालाई भेटी संवैधानिक व्यवस्थाअनुसार सरकारमा महिलाको सहभागिता सुनिश्चित गर्न आग्रह गरेको हो।

प्रधानमन्त्री देउवाकी श्रीमतीसमेत रहेकी सांसद आरजू राणा नेतृत्वको टोलीले प्रधानमन्त्रीको सरकारी निवास बालुवाटारमा भेटी भाषणमा महिलाको कुरा गरेपनि सरकारमा सहभागिता भने कम रहेको गुनासो गरेका थिए। समन्वय समिति अध्यक्ष राणाले प्रधानमन्त्रीलाई ज्ञापनपत्र बुझाउँदै सरकारमा महिलालाई सहभागी गराउने विषयमा कन्जुस्याइँ हुने गरेको धारणा राखेकी थिइन्।

बिहान साढे आठ बजेका लागि समय निर्धारण भए पनि नौ बजेमात्र महिला सांसदहरूले प्रधानमन्त्रीसँग भेट पाएका थिए। त्यसक्रममा मन्त्रिपरिषद्मा ३३ प्रतिशत महिलाको व्यवस्था हुनुपर्ने, लैंगिकमैत्री कानुन निर्माण हुनुपर्ने, महिला हिंसाका घटना रोक्न सरकारले विशेष ध्यान दिनुपर्नेलगायतका विषयमा प्रधानमन्त्रीको ध्यानाकर्षण गराइएको उपाध्यक्ष श्रीमाया थकालीले जानकारी दिइन्। 'सरकारमा महिलाको सहभागितासहितका विषयमा प्रधानमन्त्रीको ध्यानाकर्षण गराएका छौं', उनले भनिन्।

महिला हकअधिकारका साथै महिलामैत्री कानुन निर्माणका लागि संसद्मा प्रतिनिधित्व गर्ने विभिन्न दलमा आबद्ध महिला सांसदहरूको १५ सदस्यीय समिति गठन भएको छ।   







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

तीन फिल्मसँग आउँदै ‘तान्द्रो’

तीन फिल्मसँग आउँदै ‘तान्द्रो’

आगामी कात्तिक २४ गते ‘सकस’, ‘रोमियो’ र ‘मेला’ रिलिज हुने चर्चा चलिरहँदा यही मितिमा अर्को फिल्म ‘तान्द्रो’ पनि रिलिज हुने...

नेवारी सिर्जनालाई ‘पिपल्स च्वाइस अवार्ड’

पेजथ्री नेपालभाषा पिपल्स च्वाइस अवार्डको तेस्रो संस्करण आइतबार काठमाडौंमा भव्य रूपमा सम्पन्न भएको छ । ने.सं. ११३३ देखि ने.सं. ११३७...

‘मिस युनिभर्स’मा नग्मा

‘मिस युनिभर्स’मा नग्मा

अमेरिकाको लसभेगासमा आगामी २६ नोभेम्बरमा आयोजना हुन लागेको ६६ औं संस्करणको ‘मिस युनिभर्स’मा नेपालबाट नग्मा श्रेष्ठले सहभागिता जनाउने भएकी छन्...

कँडेललाई ‘मदन’, वात्स्यायनलाई ‘जगदम्बाश्री’

कँडेललाई ‘मदन’, वात्स्यायनलाई ‘जगदम्बाश्री’

मदन पुरस्कार गुठीले ‘धृतराष्ट्र’ खण्डकाव्यका लागि कवि घनश्याम कँडेललाई वर्ष २०७३ को ‘मदन पुरस्कार’ प्रदान गरेको छ भने व्यंग्य चित्रकार...