कर्मचारी मञ्चको भवनमा राजपा सर्दै

सोमबार, ०२ साउन २०७४, ०८ : २४ नागरिक


काठमाडौं- नवगठित राष्ट्रिय जनता पार्टी नेपालको पार्टी कार्यालय केही दिनमै बबरमहल स्थित नेपाल मधेसी निजामती कर्मचारी मञ्चको भवनमा औपचारिकरूपमा सर्ने भएको छ।

पार्टी कार्यालयका सबै सामानहरू नयाँ पार्टी कार्यालयमा पुर्‍याइसकिएको राजपा नेताहरूले जनाएका छन्। मञ्चको भवनमा एक/दुई दिनभित्रै औपचारिक कार्यक्रम गरी पार्टी कार्यालय राख्ने  तयारी भएको राजपाका अध्यक्ष मण्डलका सदस्य अनिल झाले बताएका छन्। २०६८ सालमा सरकारले मधेसी कर्मचारी मञ्चलाई भवन बनाउन बबरमहलमा एक रोपनी जग्गा निशुल्क उपलब्ध गराएको थियो। सो जग्गामा २०६९ सालमा भवन शिलान्यास गरिएको थियो भने २०७२ सालमा भवनको उद्घाटन गरिएको थियो। भवन बनाउन लागेको सबै खर्च मञ्चले आफै व्यहोरेको मञ्चका अध्यक्ष विनोद सिंहले बताए।

सिंहले राजपालाई पार्टी कार्यालय राख्न मञ्चको भवन केही समयका लागि निशुल्क उपलब्ध गराएको बताए। साढे तीन तलाको सो भवनमा केही कोठा मञ्चले आफ्नो प्रयोजनका लागि प्रयोग गर्ने पनि उनले बताए। 'भवनका दुईवटा कोठा हामीले प्रयोग गर्छौं। अरू सबै कोठा राजपालाई कार्यालय राख्न निशुल्क दिएका छौं', सिंहले भने।

राजपाका नेताहरूले भने कर्मचारी मञ्चलाई महिनावारी केही रकम दिएर सम्झौता गर्ने तयारी भएको बताए। राजपाका महासचिव मनीष सुमनले महिनावारी केही रकम दिएर पार्टी कार्यालय राख्ने गरी कर्मचारी मञ्चसँग सम्झौता गर्ने तयारी भएको बताए।

बबरमहलमा पार्टी कार्यालय सर्नुअघि राजपाका नेताहरू पुरानो तमलोपा पार्टी कार्यालय बिजुलीबजारमा पार्टीका सबै काम गर्दै आएका छन्। पार्टीका बैठकहरू पनि बिजुलीबजारमा बस्ने गरेका छन्।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...

लिलीबिलीको सुटिङ लण्डन र स्कटल्याण्डमा

लिलीबिलीको सुटिङ लण्डन र स्कटल्याण्डमा

मिलन चाम्सको निर्देशनमा बन्न लागेको नेपाली फिल्म ‘लिलीबिली’ को सुुटिङ लण्डन तथा स्कटल्याण्डमा भइरहेको छ । पछिल्लो समयका चर्चित नायक...

बोलचालमा प्रतिबन्ध

बोलचालमा प्रतिबन्ध

बलिउड अभिनेत्री परिणीति चोपडा र अर्जुन कपुर चाँडै नै फिल्म ‘सन्दीप और पिंकी फरार’मा देखिँदैछन् । अघिल्लो फिल्म ‘इशकजादे’मा पनि...

एकादेशमा ‘डेथ अफ साउण्ड म्यान’ उत्कृष्ट

एकादेशमा ‘डेथ अफ साउण्ड म्यान’ उत्कृष्ट

ध्वनिको महत्वलाई समेटिएको शर्ट फिल्म ‘डेथ अफ साउण्ड म्यान’ले यस वर्षको एकादेशमा अन्तराष्ट्र्रिय शर्ट फिल्म फेस्टिभल अवार्ड जितेको छ। थाईल्याण्डका...