काठमाडौं जिल्ला छनोट मंगलबारदेखि

सोमबार, ०२ साउन २०७४, ०९ : ५२ नागरिक


काठमाडौं- कोकाकोला अन्तरविद्यालय छात्र तथा छात्रा राष्ट्रिय फुटबलअन्तर्गत काठमाडौं जिल्ला छनोट फुटबल मंगलबारदेखि सुरु हुने भएको छ। असार २३ देखि सुरु भएको पहिलो चरणको छनोट फुटबल ४४ जिल्लामा सञ्चालन भइरहेको आयोजक अखिल नेपाल फुटबल संघ (एन्फा)ले बताएको छ।

दोस्रो चरणको क्षेत्रीय छनोट साउन २९ देखि भदौ ९ गतेसम्म झापा, भक्तपुर, रौतहट, कास्की र बाँकेमा हुनेछ। अन्तिम चरणमा राष्ट्रिय स्तरको प्रतियोगिता भदौ २३ देखि असोज १ सम्म काठमाडौंमा हुनेछ।

क्षेत्रीय छनोटअन्तर्गत पूर्वाञ्चलको झापा, मध्यमाञ्चलको भक्तपुर, रौतहट, पश्चिमाञ्चलको कास्की, मध्य र सुदूरपश्चिमको बाँकेमा छनोट प्रतियोगिता हुनेछन्। क्षेत्रीय छनोटबाट १३ टिमहरू राष्ट्रिय प्रतियोगिताका लागि छानिनेछन्। त्यसमा काठमाडौं, ललितपुरबाट ४, पूर्वाञ्चलबाट झापाको विजेता, उपविजेता, तेस्रो गरी ३ टिम, मध्यमाञ्चलको भक्तपुर र रौतहटबाट विजयी हुने समान १, पश्चिमाञ्चलको कास्कीको विजेता र उपविजेता गरी २ टिमले राष्ट्रिय प्रतियोगिता खेल्नेछन्। त्यस्तै मध्य र सुदूरपश्चिमको छनोटका रूपमा बाँकेबाट विजयी हुने २ टोलीले अन्तिम चरणमा प्रतिस्पर्धा गर्नेछन्। 

कोकाकोला फुटबलमा जिल्लादेखि राष्ट्रिय स्तरको प्रतियोगितामा गत वर्ष छात्र र छात्रातर्फ गरी ११ सय ११ विद्यालयले प्रतिस्पर्धा गरेका थिए।  यस वर्ष १५ सय विद्यालयले भाग लिने एन्फाले बतायो।

१ करोड १५ लाख बजेट रहेको प्रतियोगिताको फाइनलमा विजयी हुने छात्रछात्रा टोलीले समान ३ लाख, दोस्रोले १ लाख र तेस्रोले ५० हजार पाउनेछन्।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...

लिलीबिलीको सुटिङ लण्डन र स्कटल्याण्डमा

लिलीबिलीको सुटिङ लण्डन र स्कटल्याण्डमा

मिलन चाम्सको निर्देशनमा बन्न लागेको नेपाली फिल्म ‘लिलीबिली’ को सुुटिङ लण्डन तथा स्कटल्याण्डमा भइरहेको छ । पछिल्लो समयका चर्चित नायक...

बोलचालमा प्रतिबन्ध

बोलचालमा प्रतिबन्ध

बलिउड अभिनेत्री परिणीति चोपडा र अर्जुन कपुर चाँडै नै फिल्म ‘सन्दीप और पिंकी फरार’मा देखिँदैछन् । अघिल्लो फिल्म ‘इशकजादे’मा पनि...

एकादेशमा ‘डेथ अफ साउण्ड म्यान’ उत्कृष्ट

एकादेशमा ‘डेथ अफ साउण्ड म्यान’ उत्कृष्ट

ध्वनिको महत्वलाई समेटिएको शर्ट फिल्म ‘डेथ अफ साउण्ड म्यान’ले यस वर्षको एकादेशमा अन्तराष्ट्र्रिय शर्ट फिल्म फेस्टिभल अवार्ड जितेको छ। थाईल्याण्डका...