यु १९ विश्वकप छनौटः नेपालद्वारा सिंगापुर पराजित

सोमबार, ०२ साउन २०७४, १२ : १३ नागरिक


काठमाडौं— यु १९ विश्वकप छनौट क्रिकेटमा नेपालले सिंगापुरलाई ४ विकेटले पराजित गरेको छ। सिंगापुरले पहिला ब्याटिङ गर्दै ७४ रनको लक्ष्य दिएको थियो।

नेपालले १७.३ ओभरमा ६ विकेट गुमाउँदै ७७ रन बनायो। नेपालका लागि प्रनित थापा मगरले सर्वाधिक २३ रनको योगदान दिए। २६ बल सामना गरेका उनले चार चौका प्रहार गरेका थिए। अनिल शाह र रोहितकुमारले क्रमश १९ र ११ रन बनाए। नेपालका अन्य खेलाडीले दोहोरो अंकमा रन जोड्न सकेनन्।

पहिले ब्याटिङ गरेको सिंगापुर २९ ओभरमा अल आउट हुँदा ७३ रन बनाउन सक्यो। नेपाली टोलीका कप्तान सन्दिप लामिछानेले ५ विकेट लिए। साहब आलमलको पोल्टामा ३ विकेट पर्‍यो भने किशोर महतले २ विकेट लिए। सिंगापुरका लागि ब्रिगु लायरले सर्वाधिक ४२ तथा सेन अग्रवालले ११ रन बनाउनुबाहेक अरूले दोहोरो रनको स्कोर छुन सकेनन्। सिंगापुरका चार खेलाडी शून्यमा आउट भए।

प्रतियोगितामा एसियाका शीर्ष चार राष्ट्र अफगानिस्तान, नेपाल, मलेसिया र आयोजक सिंगापुरका युवा टोलीले प्रतिस्पर्धा गर्नेछन्। प्रतियोगिताको शीर्ष स्थानमा रहने टोली अर्को वर्ष हुने युथ विश्वकपका लागि छनोट हुनेछ।









यसमा तपाईको मत

अन्य समाचार

कवि बने रंगकर्मी

कवि बने रंगकर्मी

अभिनेता, निर्देशक वा लेखक भएर रंगमञ्चमा व्यस्त भइरहने रंगकर्मीहरू सोमबार भने फरक रूपमा प्रस्तुत भए । मञ्चमा विभिन्न भूमिकामा देखिने...

भारतको पुनेमा नेपाली फिल्म

भारतको पुनेमा नेपाली फिल्म

भारतको पुनेमा आगामी साउन १३ गतेदेखि आयोजना हुन लागेको एक कार्यक्रममा नेपालका १० फिल्म देखाइने भएको छ । ‘इन द...

विवादमा 'छक्का पञ्जा २'को गीत

विवादमा 'छक्का पञ्जा २'को गीत

युट्युबमा सार्वजनिक भएको २४ घण्टा बित्न नपाउँदै फिल्म 'छक्का पञ्जा २'को गीत 'ए दाजु नसमाऊ नारीमा' विवादमा आएको छ। प्रिन्स ...

'ए मेरो हजुर २'को ट्रेलर सार्वजनिक

'ए मेरो हजुर २'को ट्रेलर सार्वजनिक

१३ वर्षअघि निर्मित फिल्म 'ए मेरो हजुर' नाम सापटी लिँदै बनेको 'ए मेरो हजुर २'को ट्रेलर सार्वजनिक भएको छ। अघिल्लो...