हलेसी र बराहपोखरीमा बोलबम मेलाको भीड

सोमबार, ०२ साउन २०७४, १४ : ४५ दमन राई


खोटाङ – ‘बोलबम’ मेलाको अवसरमा खोटाङको धार्मिक तथा पर्यटकीयस्थल हलेसी र बराहपोखरीमा दर्शनार्थीको भीड लागेको छ । साउनभर लाग्ने बोलबम मेलाको अवशरमा जिल्लाको प्रमुख धार्मिक एवं पर्यटकीय स्थल हलेसी र बराहपोखरीमा आइतबार बिहानदेखि दर्शनार्थीको बाक्लो भीड लागेको हो ।

हलेसी तुवाचुङ नगरपालिका–७ महादेवस्थानमा पर्ने त्रि–धार्मिकस्थल हलेसीमा सुरु भएको बोलबम मेलाको अवशरमा पैदल तथा यातायातका सवारी साधनमार्फत आएका दर्शनार्थीको बाक्लो घुइँचो लागेको हलेसी महादेवस्थान विकास समितिका कार्यकारी निर्देशक सम्मरबहादुर भुजेलले बताए । यस्तै, बराहपोखरी गाउँपालिका–१ बराहपोखरीमा रहेको धार्मिक तथा पर्यटकीयस्थल बराहपोखरीमा पैदल यात्रामार्फत आएका दर्शनार्थीको भीड लागेको छ । हलेसी र बराहपोखरीमा साउनभरी हरेक सोमबारका दिन ठूलो मेला लाग्ने गरेको छ । 

बोलबम मेलाको अवधिमा नेपालका सिराहा, सप्तरी, धनुषा, जनकपुर, झापा, बिराटनगर, ईलाम, भारतको सिक्किम, दार्जिलिङ, गान्तोक, भुटान, चिनको तिब्बतलगायतका ठाउँबाट गेरु वस्त्रधारी दर्शनार्थी आउने गरेका छन् । हलेसीमा घुमफिर गर्दै सामुहिकरुपमा उच्चारण गरिएको ‘बोलबम’ शब्दले हलेसी गुञ्जयमान बनेको छ । संख्या पनि उत्तिकै देखिन्छ । हलेसी मन्दिर व्यवस्थापन समितिका अनुशार अहिले दैनिक हजारदेखि दुई हजार दर्शनार्थीले हलेसीमा दर्शन गर्ने गरिरहेका छन् । साउनको सुरुवातसँगै उदयपुरको कटारी–घुर्मी–हलेसी सडक खण्डमा भारतीय नम्बर प्लेटका जीप र मोटरबाईकको बाक्लो आवत–जावत भइरहेको छ । मनोकांक्षा पूरा हुने विश्वासमा हलेसी र बराहपोखरीमा साउनको प्रतेक सोमबार बिभिन्न नदीबाट ल्याईएका जल चढाउने गरिन्छ । 

हलेसी र बराहपोखरीमा देश तथा बिदेशबाट आएका हिन्दु धर्मावलम्बीहरुले नुहाएर व्रत गर्दै महादेव, पार्वती र गणेशलाई नदीको जल चढाउने गरेका छन् । हलेसीमा विवाहिता महिलाले आफ्नो श्रीमान्को दीर्घायु र परिवारको सुखसमृद्धिको कामना गर्दै र अविवाहिता महिलाले असल श्रीमान् पाउने कामना गर्दै पूजाअर्चना गर्ने प्रचलन रहिआएको छ । पवित्र जल तथा बेलपत्रले शिवको पूजाआराधना गरे आफ्नो  मनोकामना पूरा हुने र सुखशान्ति मिल्ने विश्वास छ । ‘विशेषगरी हिमालतर्फ फर्केको श्रोतको शुद्ध पानी चढाउँदा चिताएको पुग्ने जनविश्वास छ,’ हलेसी महादेवस्थान विकास समितिका कार्यकारी निर्देशक भुजेलले भने, ‘हलेसीमा सोही अनुसारको पानी चढाउने गरेको देखिन्छ ।’ 

बोलबमको अवशरमा हलेसी आएका दर्शनार्थीका कारण हलेसीका साना तथा ठूला होटलहरु भरिएका छन् । ‘अहिले हलेसीको सबै होटलहरु भरिभराउ छन्,’ नाछिरिङ होटल हलेसीका सञ्चालन खगेन्द्र राईले भने, ‘बोलबम मेला पनि जिल्लाको आन्तरिक आयश्रोतको माध्यम बन्दै गएको छ ।’ साउन लागेयता हलेसी र बराहपोखरीमा हरियो कपडा, चुरा र मेहन्दीमा सजिएका महिला तथा रातो गेरु रंगको पहिरनमा सजिएका पुरुषको चहलपहल हुने गरेको छ । स्थानीयका अनुसार हलेसी र बराहपोखरीमा बोलबम मेला लाग्ने प्रचलन भने केही वर्षअघि देखि मात्र सुरु भएको हो । तराईबाट हलेसीसम्म आउने र जाने सडक बिस्तार भएपछि मात्र हलेसीमा बोलबम मेला लाग्न थालेको हलेसी महादेव विकास समितिले जनाएको छ। 

तराईबाट सिधै कटारी–घुर्मी–जयरामहुँदै हलेसीसम्मको यातायात सेवा विस्तार भएपछि बोलबमको अवसरमा दर्शन गर्न र मेला भर्न जिल्ला आउने दर्शनार्थीको संख्या वर्षेनी बढ्दो रहेको छ । 

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

गृह जिल्लाबाट माया बुझाउँदै गायक हेमन्त

गृह जिल्लाबाट माया बुझाउँदै गायक हेमन्त

तानसेनको टुँडिखेलमा जारी पाल्पा महोत्सवमा गायक हेमन्त शर्मासँग पाल्पालीहरु रमाएका छन्। ‘न तेजाबी सुन हो माया न हो छापावाल...’ भन्दै ...

अक्षय कुमार ‘फ्लप’

अक्षय कुमार ‘फ्लप’

बलिउडमा एक पछि अर्काे हिट फिल्म दिँदै आएका अभिनेता अक्षयकुमारलाई पछिल्लो फिल्म ‘प्याड म्यान’ले फ्लप बनाइदिएको छ। फिल्मले सजिलैसँग सय...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...