महानगरकी एक्ली वडाध्यक्ष

‘भ्रष्टाचार मुक्त वडा बनाउँछु’

सोमबार, ०२ साउन २०७४, १४ : ५३ नागरिक | Kathmandu


काठमाडौं महानगरपालिका ३२ मध्ये पुरुष उम्मेदवारले ३१ ओटा वडा जिते । तर एउटा वडा भने अपवादमा पर्यो । १४ नम्बर वडामा भने शोभा सापकोटा वडाध्यक्ष महानगरपालिकाको एक्लो महिला वडाध्यक्षको रूपमा निर्वाचित भइ आपूmलाई अपवादमा पार्न सफल भएकी हुन् ।
सापकोटाको राजनीतिक पृष्ठभूमि भने निकै रोचक छ । ५५ वर्ष अघि पर्वतको फलेवासमा जन्मेकी शोभाको माइती सबै नेपाली कांग्रेसको राजनीतिमा थिए । सानैदेखि उनले पनि कांग्रेसकै  राजनीति बुझ्दै हुर्किइन् । तर उनी स्थानीय तहको निर्वाचनमा भने कांग्रेसको ‘गढ’ मानिने काठमाडौं महानगरको १४ वडामा एमालेबाट चुनाव जितेर कांग्रेसका उमेदवारलाई हराएकी हुन् । ‘कांग्रेसको पृष्ठभूमिमा जन्मे, हुँर्के । दाजु, बुबाहरू कांग्रेस हुनुहुन्थ्यो,’ उनले विगत सम्झिइन् । उनका  श्रीमान् सोमान सापकोटा सरकारी जागिरे हुन् । उनी नेपाल सरकारको उपसचिवसम्म भएर ‘रिटार्यड’ भए । सरकारी जागिरे भए पनि सोमनाथ भित्रभित्रै एमालेको राजनीतिमा थिए । मनमोहन अधिकारी, भरतमोहन अधिकारीलगयतसँग सोमनथाको गहिरो दोस्ती थियो । कांग्रेस पृष्ठभूमिको परिवारमा जन्मे हुर्केकी शोभाको बिहे कम्युनिष्ट परिवारमा भयो । ‘म कांग्रेस परिवारबाट थिएँ । तर मलाई श्रीमान्ले कहिल्लै कम्युनिष्ट होउ कहिल्यै भन्नुभएन’, उनी भन्छिन् । कांग्रेसबाट उनलाई कम्युनिष्ट बाउनुमा कम्युनिष्टले महिलालाई हेर्ने दृष्टिकोण मुख्य कारक रहेको उनले बताइन् । ‘माक्सर्वाद, लेलिनवादका कितावहरू घरमा थिएँ । पढ्न थाले । महिलालाई हेर्ने कांग्रेस र कम्युनिष्टको दृष्टिकोण पनि फरक पाएँ । महिलाहरु प्रतिको दृष्टिकोण मलाई कांग्रेस भन्दा कम्युनिष्टको ठिक लाग्यो’, उनले प्रष्ट पारिन, ‘माइतीमा मेरो भाउजुहरूलाई दाइहरूले हेर्ने दृष्टिकोण र यता मेरो श्रीमान्ले महिलालाई हेर्ने दृष्टिकोणमा फरक पाएँ । श्रीमान्ले मलाई कम्युनिष्ट हुनुपर्छ भनेर भन्नु भएन । म आफै प्रभावित भएँ र कम्युनिष्ट बनेँ ।’
सुरुका केही वर्ष शोभा गृहणी मात्रै थिइन । देखिने गरी उनले राजनीति गरेको भने २०४६ पछि मात्रै हो । ‘पहिले मेरो केही पेशा थिएन । गृहनी  मात्रै थिएँ । श्रीमान् जागिरे हुनुहुन्थ्यो । मैले बच्चाबच्ची हुर्काएँ’, उनले सुनाइन्, ‘देखिएर राजनीति गरेको चाँही २०४६ सालबाट नै हो ।  शुरुमा एमालेको १४ नम्बर वडा कमिटिको सचिव भएर काम गरेँ । तीन कार्यकाल वडाको सचिव भएँ । अहिले काठमाडौं जिल्ला कमिटी सदस्य छु ।’
काठमाडौं कलंकी आसपासको ठूलो क्षेत्र १४ नम्बर वडामा पर्छ । करिब १७ हजार मतदता रहेको यो वडा महानगरको ठूला वडा मध्येमा पर्छ । यत्रो वडाको नेतृत्व लिने टिकट पाउन कत्तिको संर्घष गर्नुप¥यो ? शोभा बाहिर सोचिए जति टिकट पाउन गाह्रो नभएको बताउँछिन् । ‘टिकट चाहने हामी ६ जना थियौं । त्यस मध्ये चारजना पुरुष हुनुहुन्थ्यो भने दुई जना हामी महिला थियौं । बाहिरबाट सोचिए जस्तो  टिकट पाउन गाह्रो भएन’, उनी भन्छिन्, ‘महानगरमा कम्तिमा पाँच जना वडाध्यक्ष महिलालाई दिनुपर्छ भनेर पार्टी अध्यक्ष केपी शर्मा ओली कमरेडकोमा हामी डेलिगेसनमा गएका थियौं । महिलामा एक जना म मात्रै दावेदार भए पछि टिकट नपाउने भन्ने कुरै थिएन् । त्यसको लागि मैले धेरै नेताकहाँ भन्न जानु परेन ।’
शोभा बाहेक अरु सबै प्रतिस्पर्धी पुरुष नै थिए । तै पनि उनी आफूलाई हार्छु भन्ने कहिले पनि नलागेको बताउँछिन् ।  ‘मैले हार्दिन भन्ने आत्मविश्वास थियो’, उनी भन्छिन्, ‘म २०४६ सालदेखि यही वडामा आएर बसेकी छु । सकेसम्म जनताको सेवा गरेकी छु । त्यसको कदर गरेर जनताले भोट पनि दिनुभयो ।’  आपूmले सबै पुरुष प्रतिस्पर्धीलाई हराएर वडाध्यक्षमा जितेपछि  महिलाहरू उत्साहित भएको उनले सुनाइन् । भनिन, ‘दिदीबहिनीहरू उत्साहित हुनुहुन्छ । तपाईलाई वडाध्यक्षको कुर्चीमा देखेपछि हामीहरूलाई पनि काम गर्ने उत्साह बढ्यो भन्नुहुन्छ । अब हामी पनि अघि बढ्छौं भन्नुहुन्छ ।’
वडाध्यक्ष भईसकेपछि अबको उनको एक मात्र लक्ष्य १४ वडालाई भ्रष्टाचार मुक्त पार्नु रहेको छ । त्यसको शुरुवात उनले पदवाहाली हुँदाकै दिनबाट गरिसकेकी  छिन् । ‘पदवाहाली पछिको  हाम्रो पहिलो निर्णय  १४ नम्बर वडाको आफ्नै भवन बनाउने हो । आफ्नै भवन बनाउँदा जनतालाई सेवा सुविधा दिन सजिलो पनि हुन्छ’, उनी भन्छिन्, ‘अर्को निर्णय हेल्प डेस्क राख्ने पनि हो । यसले नपढेका जनतालाई सहयोग गर्छ । बिचौलियाको प्रयोग गर्नुपर्दैन ।’

(नागरिक परिवारबाट साभार)





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

गृह जिल्लाबाट माया बुझाउँदै गायक हेमन्त

गृह जिल्लाबाट माया बुझाउँदै गायक हेमन्त

तानसेनको टुँडिखेलमा जारी पाल्पा महोत्सवमा गायक हेमन्त शर्मासँग पाल्पालीहरु रमाएका छन्। ‘न तेजाबी सुन हो माया न हो छापावाल...’ भन्दै ...

अक्षय कुमार ‘फ्लप’

अक्षय कुमार ‘फ्लप’

बलिउडमा एक पछि अर्काे हिट फिल्म दिँदै आएका अभिनेता अक्षयकुमारलाई पछिल्लो फिल्म ‘प्याड म्यान’ले फ्लप बनाइदिएको छ। फिल्मले सजिलैसँग सय...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...