झण्डै ५० प्रतिशत एनसेल ग्राहक स्मार्टफोन प्रयोगकर्ता

बिहिबार, ०५ साउन २०७४, १६ : ०९ नागरिक


काठमाडौँ – इन्टरनेट सेवाको माग र प्रयोग बढेसँगै स्मार्टफोन प्रयोगकर्ताको संख्यामा पनि उलेख्य वृद्धि भइरहेको अवस्थामा एनसेलका झण्डै ५० प्रतिशत ग्राहकले स्मार्टफोन प्रयोग गर्ने गरेको तत्थ्य सार्वजनिक भएको छ । 

एनसेलको प्रमुख लगानीकर्ता मलेसियन आजियाटाले सार्वजनिक गरेको २०१७ को पहिलो त्रैमासिक प्रतिवेदन अनुसार एनसेलका ४९ प्रतिशत ग्राहकले स्मार्टफोन प्रयोग गर्ने गरेका छन् । 

उक्त प्रतिवेदन अनुसार २०१६ को अन्तिम त्रैमासको तुलनामा २०१७ को पहिलो त्रैमासमा स्मार्टफोन प्रगोगकताहरुमा ७ प्रतिशत विन्दुले वृद्धि भएको हो । नियमक निकाय नेपाल दूरसञ्चार प्रधिकरणको पछिल्लो विवरण अनुसार, एनसेलका ६७ लाख ३९ हजार ग्राहकले डाटा सेवा प्रयोग गर्दछन् ।

यसैबीच एनसेलले डिजीटल नेपाल निर्माणमा योगदान पुर्‍याउन  भन्दै इन्टरनेट पूर्वाधारमा रु ३० अर्ब लगानी थप्दै सन् २०१८ भित्रमा दुर्गम र ग्रामिण क्षेत्र लक्षित गर्दै थ्रिजी सेवा देशको कूल जनसंख्याको ६० प्रतिशतमा पुर्‍याउने बताएको छ । त्यसैगरी कम्पनीले २०१७ भित्रमा फोरजी सेवा १५ प्रतिशत जनसंख्यामा पुर्‍याउने सार्वजनिक गरेको छ र देशका विभिन्न ४० सहरहरुमा यो सेवा विस्तारका लागि नेटवर्क परीक्षण लगायतका कामहरु भइरहेको जनाएको छ ।

 एनसेलले काठमाडौं उपत्यका लगायत बनेपा, धुलिखेल, नगरकोट, पोखरा र दमौलीमा फोरजी सेवा प्रदान गर्दै आएको छ भने जनसंख्याको हिसाबमा १०.३ प्रतिशतमा यो सेवाको पहुँच पुर्‍याएको बताएको छ । २०१० देखि सरकारसँग फोरजी संचालनका लागि अनुमति माग्दै आएको एनसेलले जेठ १८ बाट फोरजी सेवा सुरु गरेको हो ।

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...