छोरो बचाउन बाबु खाडी मुलुक

शनिबार, ०७ साउन २०७४, १५ : ५७ नागरिक


इलाम – जिल्लाको देउमाई नगरपालिका–६, शान्तिडाँडाका ५ वर्षे मेघराज कोइराला उपचारमा आर्थिक अभावले शल्यक्रियामार्फत पेटमा बनाइएको प्वालबाट दिसा गर्न बाध्य छन् । परिवारले उपचारमा लाग्ने मोटो खर्च जुटाउन नसक्दा उनी जन्मेको १९ दिनदेखि अहिलेसम्म पेटको प्वालबाट दिसा गर्न बाध्य भएका हुन् ।

जन्मेको दोस्रो साता अचानक बालक मेघराजको फेट फुलियो । जिल्ला अस्पताल ल्याउँदा उनको यहाँ उपचार सम्भव भएन । तत्काल धरानस्थित बिपी कोइराला स्वास्थ्य विज्ञान प्रतिष्ठान पुर्‍याइयो । त्यहाँ पनि उपचार सम्भव नभएपछि भारतको सिलिगुडीस्थित पारामन्ड अस्पताल लगेर उपचार गरियो । शिशु मेघराजलाई बचाउन डाक्टरले पेटमा प्वाल पारेर दिसा गर्ने विकल्प बनाइदिए । डाक्टरले पुनः मलद्वारबाटै दिसा गर्नेगरी उपचार गर्न सकिने छर धेरै रकम खर्चिनुपर्ने सुझाव दिएपछि निम्न आर्थिक अवस्था रहेको उनको परिवारले उपचार गराउन नसकेको हो । 

बनिबुतो गरेर परिवार पालिरहेको मेघराजको परिवार अहिले इलाम नगरपालिका–५ स्थित बिब्ल्याँटेको एक घरमा आश्रय लिएर बसेको छ । ‘डाक्टरले मेजर अपरेसन गर्नुपर्ने र पैसा धेरै लाग्ने सुझाव दिएका छन्, बनिबुतो गरेको पैसाले घर चलाउनै मुस्किल छ,’ मेघराजका बुबा निर्मलले भने, ‘५ वषर्कको हुँदासम्म बिजोक हेरेर बाँच्नुपरेको छ । जति उमेर बढ्दैछ, छोराको बिजोक पनि त्यत्तिकै बढिरहेको छ ।’ 

उनले सिलिगुडीमा छोराको उपचार गर्दा ४ लाख रुपैयाँ खर्च भइसकेको बताए । राम्रो अस्पतालमा देखाउन नसकेकाले थप उपचारमा कति रकम लाग्छ भन्ने चाहिँ थाहा नभएको उनको भनाइ छ । पेटमा पारिएको प्वालबाट दिसा चुहिइरहने गरेकाले बालक मेघराज उमेर भएर पनि स्कुल जान सकेका छैनन् । ‘कपडा लगाउँदा पनि बेला–बेला सफा गरिरहनुपर्ने भएकाले नानीलाई स्कुल पठाउन पाएको छैन,’ निर्मलले सुनाए, ‘कतैबाट उपचार खर्चसम्म भइदिए छोराको स्कुल पढ्ने रहरसमेत पूरा हुने थियो ।’ बालकमा अन्य कुनै रोगको समस्या भने छैन । 

छोराको पहिलेकै उपचारको ऋण तिर्न निर्मल रोजगारीका लागि खाडी मुलुकसमेत गए । तर, त्यहीबेला उनकी पत्नी बिजोक अवस्थाको छोरो मेघराजलाई छाडेर अर्कैसँग बिहे गरेर गइन् । पत्नीले घर छाडेपछि निर्मल दुई महिनामै विदेशबाट घर फर्किए र छोराको शल्यक्रिया गराउन बिपी प्रतिष्ठान नै लिएर गए । तर, प्रतिष्ठानले बालकलाई काठमाडौंको टिचिङ हस्पिटल लैजान सुझायो । ‘पहिलाकै ऋण तिरिसकेको छैन, थप उपचारलाई कति पैसा लाग्छ भन्ने पनि थाहा नभएर काठमाडौं लैजाने आँट आएको छैन,’ निर्मलले भने, ‘छोराको उपचार खर्च जोहो गर्न फेरि विदेश जाँदैछु।’

निर्मल बिरामी छोरालाई हजुरबुबा–हजुरआमाको साथमा छाडेर पुनः वैदेशिक रोजगारीमा जान काठमाडौं पुगेका छन् । उनको आउँदो २८ तारिख विदेशका लागि उडान छ । ‘पैसा कमाउने अरू कुनै बाटो छैन, सरकारले पनि हामीजस्तालाई सहयोग गर्छ भन्ने त सुनेको छु तर कहाँबाट कसरी सहयोग माग्ने भन्ने नै थाहा भएन,’ उनले सुनाए, ‘२–३ वर्ष विदेशमै कमाएर छोराको उपचार गराउने धोको छ ।’

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

भलिबलले जोडेको मन

भलिबलले जोडेको मन

सामान्यतया खेलाडीलाई होम ग्राउन्डको फाइदा रहन्छ ।  समर्थनमा सुनिने हुटिङले खेलाडीको उत्साह बढाउँछ । भक्तपुरमा फागुन ३ देखि ८ गतेसम्म...

क्यानभासमा प्रकाश भर्ने कृष्णगोपाल

क्यानभासमा प्रकाश भर्ने कृष्णगोपाल

कृष्णगोपाल रञ्जितलाई एक दिन कसैले सोध्यो, ‘तपाईं मूर्ति पनि बनाउनु हुन्छ ?’ ८६ वर्षीय रञ्जितले कपुरधारास्थित आफ्नो घरको आर्ट स्टुडियोमा...

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका सबै हलहरुबाट राम्रो प्रतिक्रिया पाएपछि...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...