भरतपुर १९ मा उत्साहपूर्ण मतदान (फोटो फिचर)

शुक्रबार, २० साउन २०७४, १४ : ४३ रमेशकुमार पौडेल


चितवन-  मत गन्दा गन्दै गणनामा बसेकाहरुले मतपत्र च्यातेका कारण भरतपुर महानगरपालिकाको वडा नं. १९ मा अढाइ महिना नहुँदै आज साउन २० गते दोस्रो पटक मतदान भइरहेको छ। रोपाइमा व्यस्त भएका दृश्यहरु पनि नदेखिने हैन तर मतदानमा उत्साहजनक सहभागिता जुटेको छ। भरतपुरका सहायक निर्वाचन अधिकृत गम्भीर घिमिरेका अनुसार दुई बजेसम्म लगभग ७० प्रतिशतको हाराहारीमा मत खसेको छ ।

पाका मतदाताहरु पनि सहयोगीसहित मतदानमा सरिक छन् । यो वडाको नतिजा भरतपुरको मेयर निर्धारण गर्न महत्वपुर्ण हुने छ । चुनाव वडाको भए पनि मेयरमा सत्तारुढ गठबन्धनका उम्मेद्वार माओवादी केन्द्रकी रेणु दाहाल वा एमालेका देविप्रसाद ज्ञवालीमध्ये कस्को पल्ला भारी हुन्छ भन्ने चासो धेरैको छ ।

                भरतपुरमा बिहानै पानी परेको थियो । तर नौ बजेपछि पानी रोकिएसँगै मतदाताहरु मतदानमा जुटेका थिए । वडा नं. १९ मा तीनवटा मतदान स्थल छन् । वडामा कुल तीन हजार ७९७ मतदाना छन्। यसअघि पहिलो चरणको निर्वाचन अनुसार भरतपुरमा बैशाख ३१ गते मतदान भएको थियो। सो बेला भरतपुर १९ मा दुई हजार ८९७ मत खसेको थियो ।

भरतपुरमा मेयरमा एमालेका उम्मेद्वार देविप्रसाद ज्ञवाली अगाडी छन् । जितको सम्भावना कायम राख्न गठबन्धनकी उम्मेद्वार रेणु दाहाललाई आजको मतदानमा काँग्रेस पक्षधर सवै मतदाताहरुले मत हाल्न आवश्यक हुन्छ ।

                तालमेल भए पनि रेणु दाहालाई काँग्रेस पक्षधर धेरैले मत नहालेको अवस्था थियो । वडा नं. १९ मा यसअघि भएको मतदानमा पनि त्यो अवस्था देखिएको थियो । त्यस्तो अवस्था नदोहरियोस भन्नका लागि दोस्रो पटक मतदान हुँने भएपछि माओवादी र काँग्रेसका जिल्ला स्तरका नेताहरुले कार्यक्रम र योजना बनाएर संयुक्त अभियान चलाए । केन्द्रका नेताहरु पनि अभियानमा सरिक भए ।

                मतगणना चली रहँदा जेठ १४ गते मध्यरातमा भरतपुर १९ का मतपत्रहरु च्यातिएका थिए । मतपत्र च्यातेको आरोपमा प्रहरीले माओवादी केन्द्रका गणना प्रतिनिधि भएर बसेका द्रोणबाबु सिवाकोटी र मधु न्यौपानेलाई समाएको थियो । उनीहरु विरुद्ध चितवन जिल्ला अदालतमा मुद्दा चलेको छ ।

                मतपत्र च्यातेपछि मतगणना स्थगित भएको थियो । एमालेले तत्काल मतगणना गर्न माग गरेको थियो भने गठबन्धन पक्षधर माओवादी र काँग्रेसले वडा नं. १९ मा फेरि चुनाव गराउन माग गरेका थिए। निर्वाचन आयोगले पनि मतदानकै निर्णय गर्‍यो। सो नियर्णय विरुद्ध सर्वोच्च अदालतमा रिट पर्‍यो। अदालतले गएको आइतबार निर्वाचन आयोगकै निर्णय सदर गरेपछि अढाइ महिनापछि दोहर्‍याएर चुनाव हुन थालेको हो ।

               










यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

भलिबलले जोडेको मन

भलिबलले जोडेको मन

सामान्यतया खेलाडीलाई होम ग्राउन्डको फाइदा रहन्छ ।  समर्थनमा सुनिने हुटिङले खेलाडीको उत्साह बढाउँछ । भक्तपुरमा फागुन ३ देखि ८ गतेसम्म...

क्यानभासमा प्रकाश भर्ने कृष्णगोपाल

क्यानभासमा प्रकाश भर्ने कृष्णगोपाल

कृष्णगोपाल रञ्जितलाई एक दिन कसैले सोध्यो, ‘तपाईं मूर्ति पनि बनाउनु हुन्छ ?’ ८६ वर्षीय रञ्जितले कपुरधारास्थित आफ्नो घरको आर्ट स्टुडियोमा...

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका सबै हलहरुबाट राम्रो प्रतिक्रिया पाएपछि...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...