लडाकु कंगना

बिहिबार, २६ साउन २०७४, १० : १९ नागरिक


मुम्बई- केही न केही उधुम गरेर सधैं विवादमा पर्ने कंगना रनावत फेरि एक पटक विवादमा परेकी छिन्। रिलिजको संघारमा रहेको फिल्म 'सिमरन'का कथाकारले कंगनाले आफ्नो काममा नाम नदिएको भन्दै गुनासो गरेपछि कंगना विवादमा परेकी छिन्। फिल्मका लेखक अपूर्व असरानीले कंगनालाई यस्तो आरोप लगाएका हुन्। उनले फिल्मको संवाद लेखकमा आफ्नो नाम नराखिएकोमा चित्त दुखाएका थिए। तर, कंगना यसलाई अस्वीकार गरेकी छिन्।

'अपूर्व असरानीले गरेको कामको सम्बोधन भइसकेको छ। उनले जुन क्रेडिटको अनुरोध गरेका थिए, त्यो मैले दिइसकेको छु। मैले अझै पनि अपूर्वको कुरा के हो बुझ्न सकेकी छैन,' फिल्मको ट्रेलर सार्वजनिक कार्यक्रममा कंगनाले भनेकी छन्, 'उनले नै मलाई अतिरिक्त संवाद लेखकमा नाम दिन सुझाव दिएका थिए। हामी दुवैले फिल्मको संवादसँगै लेखेका थियौं।'

उनले आफ्नो फिल्मी यात्रा अन्य कलाकारको भन्दा अलग रहेको दाबी गर्दै भनिन्, 'मैले करियरमा जे कुरा पनि लडाईं लडेर नै पाएको छु। अब यो लडाइँ मेरो जिन्दगीको नियम नै बनिसकेको छ। मेरो लागि यो लडाइँ दिक्कलाग्दो छैन। किनकि मेरो जे हक हो, त्यो म जसरी पनि पाएरै छाड्छु,' उनले भनेकी छन्।

'हरेक चिज मैले लडेर नै पाएको छु। चाहे त्यो जतिसुकै सानो किन नहोस्। मेरो भाग्य नै यस्तो छ या मेरो जीवन नै यस्तो छ। तर, अब मैले यस्तो विचारसँग सम्झौता गरिसकेको छु। चाहे लडेर होस् या जुनसुकै काम गरेर होस् मैले मेरो श्रेय पाउनुपर्छ। त्यसकारण लडाइँ नै मेरा लागि उत्तम कुरा हो,' कंगनाले भनिन्। हंसल मेहताले निर्देशित 'सिमरन'मा कंगना अमेरिकामा बसोवास गरेकी गुजराती युवतीको भूमिकामा छिन्। फिल्म सेप्टेम्बर १५ मा रिलिज हुँदैछ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...