श्रीले पायो जहाज उडान अनुमति

बिहिबार, २६ साउन २०७४, १६ : ४६ सुशील भट्टराई  | @sushbhattarai


काठमाडौं – उड्डयन क्षेत्रको नियामक निकाय नेपाल नागरिक उड्डयन प्राधिकरणले मुलुककै सबैभन्दा ठूलो हेलिकोप्टर सेवा प्रदायक कम्पनी श्री एयरलाइन्सलाई ‘फिक्स्ड विङ’ जहाजबाट नियमित व्यापारिक उडान गर्न अनुमति दिएको छ। 

लामो समयदेखि अनुमति पाउन प्रयास गर्दै आएको श्रीलाई अन्ततः प्राधिकरणले बिहीबार उडान अनुमति दिएको हो । ‘नियमित व्यापारिक उडान गर्ने अनुमति पायौं,’ श्रीका कर्पोरेट म्यानेजर अनिल मानन्धरले नागरिकन्युजसँग भने, ‘प्राधिकरणको अनुमतिअनुसार शुक्रबार हामी काठमाडौंबाट भैरहवा तथा नेपालगन्ज वा धनगढीमध्ये एकमा उडान गर्छौं।’

श्रीसँग क्यानडाको बम्बार्डियर कम्पनीमा निर्मित ७० सिट क्षमतायुक्त ‘क्यानडियन रिजनल जेट’ (सिआरजे–७००) सिरिजको एकथान र ५० सिटे सिआरजे–२०० सिरिजका दुईथान जहाज छन् । यी जहाज उसले चार महिनाअघि काठमाडौं ल्याएको थियो । सबै जहाजमा जेट इन्जिन जडित छ।  

हाल श्रीले साना र ठूला गरी ८ वटा हेलिकोप्टर सञ्चालन गरिरहेको छ । कम्पनीले हेलिकोप्टरको वायुसेवा सञ्चालन तथा अनुमति प्रमाणपत्र (एओसी) मा जहाज थपको अनुमति पाएपछि जहाज ल्याउन थालेको थियो। 

कम्पनीका अनुसार काठमाडौंबाट भद्रपुर, विराटनगर, भैरहवा, नेपालगन्ज र धनगढी सेक्टरमा नियमित व्यावसायिक उडान गरिनेछन् । श्रीले डेढ दशकभन्दा बढी अवधि हेलिकोप्टर सेवा सञ्चालनबाट बटुलेको अनुभवलाई जहाज उडानमा प्रयोग गर्न लागेको हो । जहाज उडान सँगसँगै हेलिकोप्टर सेवालाई पनि निरन्तरता दिने मानन्धरले जानकारी दिए ।









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

बाढी पीडितको सहयोगार्थ ‘कफी र कविता’

बाढी पीडितको सहयोगार्थ ‘कफी र कविता’

ठमेलको अन्नपूर्ण मार्केटस्थित फ्रेस विन्च क्याफेमा सधै जसो विदेशी गीत संगीतको चर्चा हुन्छ । यहाँ आउने पाहुनाहरू अधिकांश विदेशी हुन्छन्...

थरिथरि भाका, थरिथरि सन्देश

थरिथरि भाका, थरिथरि सन्देश

तीज आउन अझै केही दिन बाँकी छ। तर, तीजका गीत भने महिनाअघि नै घन्किन थालिसकेका छन्। महिनाअघि घन्किन थालेका तीज...

बाढी पीडित सहयोगार्थ दीप श्रेष्ठले गाउने

बाढी पीडित सहयोगार्थ दीप श्रेष्ठले गाउने

अविरल वर्षाका कारण तराईमा भएको डुबानले पीडितको सहयोगार्थ गायक तथा संगीतकार दीप श्रेष्ठ शनिबार ललितपुरको झम्सिखेलस्थित मोक्षमा गुञ्जिने भएका छन्। 'विकेन्ड...

सपनाको सहर : 'पाइलैपिच्छे समस्या छन्'

सपनाको सहर : 'पाइलैपिच्छे समस्या छन्'

मिलेका भवन होऊन्, वरिपरि हरियाली देखियोस्। आफू बसेको ठाउँनजिकै सबै सुविधा पाइयोस्। सडक सफा होस्, ठाउँठाउँमा ट्राफिक चिह्न होऊन्। नत्र...