इलाममा पहिरोमा पुरिएर एक जनाको मृत्यु, विद्युत् आपूर्ति अवरुद्ध हुँदा रेडियो र पत्रिका बन्द

आइतबार, २९ साउन २०७४, १९ : ३५ भीम चापागाईँ


इलाम— माइ नगरपालिका–८ स्थित चैतेमा पहिरोमा पुरिएर एक जनाको मृत्यु भएको छ। ९७ वर्षीय मदन मगरको घरमाथिबाट झरेको पहिरोले पुरिएर मृत्यु भएको प्रहरीले जनाएको छ।

‘माथिबाट खसेको पहिरोले घर पुर्दा घरभित्र सुतिरहेका मगरको मृत्यु भयो’, जिल्ला प्रहरी कार्यालयका डिएसपी महेन्द्र श्रेष्ठले भने। पाँच दिनदेखि भइरहेको अविरल वर्षासँगै जिल्लाका विभिन्न स्थान बाढी र पहिरोको चपेटामा परेका छन्।

चुलाचुली गाउँपालिकाका सकफारा भन्ने ठाउँका ८ वटा घर मावा खोलको कटानले जोखिममा परेका छन्। ती घरका बासिन्दा विस्थापित हुने अवस्थामा रहेको बताइएको छ।

माइ नगरपालिका, चुलाचुली गाउँपालिका, माङ्सेबुङ गाउँपालिकाका दर्जनौं घर जोखिममा छन्। वर्षापछि खोलामा आएको बाढीले ती ठाउँका बस्ती डुबानमा परेका छन्।

शुक्रबार रातिदेखि विद्युत् आपूर्ति बन्द छ। इलामका चार रेडियो, चार दैनिक पत्रिका बन्द भएका छन्। मोबाइल सेवा प्रदायक एनसेलको सेवा अवरुद्ध छ। नेपाल टेलिकमको सेवा शनिबार रातिदेखि सञ्चालनमा आएको छ।









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

बाढी पीडितको सहयोगार्थ ‘कफी र कविता’

बाढी पीडितको सहयोगार्थ ‘कफी र कविता’

ठमेलको अन्नपूर्ण मार्केटस्थित फ्रेस विन्च क्याफेमा सधै जसो विदेशी गीत संगीतको चर्चा हुन्छ । यहाँ आउने पाहुनाहरू अधिकांश विदेशी हुन्छन्...

थरिथरि भाका, थरिथरि सन्देश

थरिथरि भाका, थरिथरि सन्देश

तीज आउन अझै केही दिन बाँकी छ। तर, तीजका गीत भने महिनाअघि नै घन्किन थालिसकेका छन्। महिनाअघि घन्किन थालेका तीज...

बाढी पीडित सहयोगार्थ दीप श्रेष्ठले गाउने

बाढी पीडित सहयोगार्थ दीप श्रेष्ठले गाउने

अविरल वर्षाका कारण तराईमा भएको डुबानले पीडितको सहयोगार्थ गायक तथा संगीतकार दीप श्रेष्ठ शनिबार ललितपुरको झम्सिखेलस्थित मोक्षमा गुञ्जिने भएका छन्। 'विकेन्ड...

सपनाको सहर : 'पाइलैपिच्छे समस्या छन्'

सपनाको सहर : 'पाइलैपिच्छे समस्या छन्'

मिलेका भवन होऊन्, वरिपरि हरियाली देखियोस्। आफू बसेको ठाउँनजिकै सबै सुविधा पाइयोस्। सडक सफा होस्, ठाउँठाउँमा ट्राफिक चिह्न होऊन्। नत्र...