मकवानपुरमा बाढी र पहिरोबाट ६ जनाको मृत्यु, ८ जना बेपत्ता

आइतबार, २९ साउन २०७४, २० : ३५ नागरिक


अशोकसुजन श्रेष्ठ

हेटौंडा- बाढी पहिरोबाट मकवानपुरमा मृत्यु हुनेको संख्या ६ पुगेको छ भने ८ जना बेपत्ता भएका छन्।

मकवानपुरको पूर्वी बकैया गाउँपालिका–१ की ३२ बर्षिया सुनमाया मोक्तान धियाँल खोलाको बाढी तर्दै गर्दा शनिवार बेपत्ता भएकी थिईन्। उनको शव आईतबार बिहान खाला किनारमा भेटिएको बकैया १ का वडा अध्यक्ष बुद्धिमान वाईबाले बताए। बाख्रा लिएर सँगै बाढी तर्दै गरेका मोक्तानका १३ वर्षीय छोरा विशाललाई भने उद्धार गरिएको छ।

बकैया १ कै चन्डौबजारका मानबहादुर ब्लोनको चाँदे खोलाले बगाएर मृत्यु भएको छ। आईतबार बिहान बाढीले बगाएका उनको शव रौतहट प्रहरीको सहयोगमा फेला परेको स्थानीय प्रतीक ब्लोनले जानकारी दिए।

बाढी आएको समयमा राप्ती खोलामा काठ टिप्न गएका हेटौडा १३ पदमपोखरीका २५ बर्षीय ज्ञानबहादुर हिम्डुङको ज्यान गएको छ। गोल्फिङटारबाट राप्तीले बगाएपछि उनको शव नवलपुर झोलुङ्गेपुल मूनी भेटिएको जिल्ला प्रहरी कार्यालय मकवानपुरले जनाएको छ।

पहिरोले घर पुर्दा भिमफेदी गाउँपालिका ८ ईपामा ५० बर्षिया मिठु दानीको शनिबार मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक बामदेव गौतमले बताए। उक्त घरमा पुरिएकी १९ वर्षीय सरु खड्कालाई भने स्थानीयले सकु्शल उद्वार गरेका थिए।

बकैया–३ जलजलेमा एक महिला र एक पुरुषलाई खोलाले बगाएको जिल्ला प्रहरी कार्यालय मकवानपुरका प्रहरी उपरीक्षक एसपी विकासराज खनालले बताए। उनका अनुसार बकैंया–६ मा ४२ बर्षिय वीरबहादुर घलानलाई पनि खोलाले बगाएको छ। उनका अनुसार बाढी, पहिरोबाट बेपत्ता मानिसको खोज, उद्धारलाई तिब्रता दिईएको छ।

मकवानपुरका प्रमुख जिल्ला अधिकारी नारायण शर्मा दुवाडीले सम्भव भएसम्म सबै स्रोत साधन परिचालन गरि बेपत्ताको खोजि, उद्धार र राहत बितरणको काम अघि बढाईएको बताए।

एकै परिवारको ५ जना बेपत्ता, २ जनाको शव फेला

मकवानपुरको बकैया गाउँपालिका–१०(साविक मन्थली–२) अम्बासबेंसीमा पहिरोले घर बगाउँदा एकै परिवारका ५ जना बेपत्ता भएका छन् भने २ जनाको शव फेला परेको छ। पहिरोले ५० बर्षिय मंगलसी न्यासुरको घर नै पहिरोले बगाएपछि सबै बेपत्ता भएका थिए।

बेपत्ता भएकाहरुमा मंगलसिंकी श्रीमती ४८ बर्षिय सुनमायाँ, छोरीहरु २४ बर्षिया मायाँ, १२ बर्षिया हिरा, १० बर्षिया सानुमायाँ, ८ बर्षिया पाल्मो र छोरा २ बर्षिय बिकास न्यासुर रहेका छन् ।

बेपत्ता भएका २ शवमध्ये सानुमायाँ र पाल्मोको भएको अनुमान गरिएको छ भने एक जनाको खुट्टा मात्र भेटिएको स्थानीय बुध लामाले बताए । उनका अनुसार घर माथिबाट आएको पहिरोले सबैलाई बगाएको हो।

ईलाका प्रहरी कार्यालय ठिंगनका प्रहरी उपरीक्षक खुशराम कार्कीको नेतृत्वमा घटनास्थल पुगेको टोलीले खोज, उद्धारमा कठिनाई भएको बताए।

बाढीले ४ घर बगायो, सय बढी ढुबान

मकवानपुरको पश्चिमी व्यापारिक क्षेत्र मनहरी गाउँपालिका–६ को प्रतापपुरमा ४ घर राप्ती खोलाको बाढीले बगाएको छ।

स्थानीयवासीका अनुसार एक सयभन्दा बढी घर राप्ती खोलाको बाढीबाट डुबानमा परेका छन् । त्यसैगरी, मनहरी गाउँपालिका–५ दमारमा पनि चौंराहा खहरेमा आएको बाढीले खेतबारी बगाएको तथा घरहरुमा बाढी पसेको बताईएको छ । मानवीय क्षति नभए पनि बस्तीको अधिकांश क्षेत्र जलमग्न रहेको स्थानीय गोविन्द रिजालले बताए ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...