राहत संकलनमा जुटे कलाकार

सोमबार, ३० साउन २०७४, १० : ०५ नागरिक


काठमाडौं – अविरल वर्षाले डुबानमा परी जनधनको क्षति व्यहोरेका पूर्वी नेपालका बाढी पीडितको सहयोगार्थ कलाकारहरुले राहत अभियान सुरु गरेका छन् । कलाकारहरूले सामाजिक सञ्जाल फेसबुकमार्फत् आर्थिक सहयोगको घोषणा गरेका छन् ।

हास्य कलाकार सिताराम कट्टेल ‘धुर्मुस’ले आफ्नो संस्था ‘धुर्मुस–सुन्तली फाउन्डेशन’मार्फत महोत्तरीबाट बाढीपीडितका लागि औषधि, खाद्यान्न र त्रिपालसहित अन्य राहतको सहयोग सुरु गरेका छन् । आइतबार नै महोत्तरी पुगेका धुर्मुसले औषधि र खाद्यान्न वितरणमा जोड दिने बताए । ‘जता हे¥यो त्यतै पानी नै पानी मात्र छ । महोत्तरीको सीतापुरस्थित भंगाहामा छौं । यहाँ तीस परिवारको विचल्ली छ,’ धुर्मुसले भने, ‘महोत्तरीदेखि झापासम्मका क्षेत्रमा पुगेर बाढी प्रभावित जनतालाई सहयोग गर्नेछौं,’ उनले भने,‘बाढी पीडितसँग खाद्यान्न, लत्ताकपडा, भाँडाकुँडालगायतका अत्यावश्यक बस्तुको अभाव छ । यो अवस्थामा हामीले उनीहरूलाई दाल, चामल, बिस्कुट, चाउचाउलगायतका खाद्यान्नसहित औषधि पनि दिनेछौं ।’ उनले आफूहरूले खाद्यान्न संकलन गरिसकेकोले मेडिकल टिमसँग समन्वय गर्दै बाढी प्रभावित अन्य जिल्लामा पुग्ने बताए ।

हास्य कलाकार निर्मल शर्मासहितको टोलीले ‘पिपुल टु पिपुल’ समूह गठन गरेर बाढी पीडितका लागि सहयोग संकलन सुरु गरिसकेका छन् । उनको टोलीमा सञ्चारकर्मी प्रभात रिमाल, गायक सञ्जय श्रेष्ठ, दन्त चिकित्सक डा. निल पाण्डे र महिला अभियन्ता माया गुरुङ छन् । ‘समूह बनाएर हामीले फेसबुकमार्फत सहयोगका लागि आह्वान गरेका थियौं । स्वदेश तथा विदेशमा रहनु भएका नेपाली दाजुभाइले आर्थिक सहयोग गर्ने घोषणा गरिसक्नुभएको छ,’ उनले नागरिकसँग भने, ‘हाम्रो ध्यान अहिले खाद्यान्नभन्दा पनि पीडितको स्वास्थ्योपचारमा केन्द्रित छ । पीडितको उपचारका लागि डाक्टरसँग पनि कुराकानी गरिरहेका छौं ।’

अधिकांश पीडितका कोही न कोही परिवारका सदस्य विदेशमा भएकाले पनि समूहले अहिले स्वास्थ्यमा प्राथमिकता दिएको खुलाए । ‘भूकम्पको बेला पीडितहरूले लत्ताकपडा लिन मान्नु भएको थिएन । पीडितमा हैजाको समस्या देखिने सम्भावना भएपछि हामीले स्वास्थ्योपचारमा ध्यान दिएका छौं ।’ उनका अनुसार समूहमा संकलन भएको रकम गुगल सिटमार्फत् सार्वजनिक गरिनेछ । समूहले सप्तरीबाट पीडितलाई सहयोगको काम सुरु गर्नेछ।

त्यस्तै, नायिका पूजा शर्माले १ लाख सहयोग गर्ने घोषणा गर्दै बाढी प्रभावित क्षेत्रमा पुगेर सहयोग गर्न चाहे पनि मौसमको प्रतिकूलताले त्यसो गर्न नसकेको जनाएकी छन् । ‘प्लेनको टिकट पाएको छैन । बाढीपीडित क्षेत्रमा सोमबारसम्म जाने योजना छ । अन्य व्यक्ति वा समूहको हातबाट सहयोग दिनुभन्दा आफैं उपस्थित भएर सहयोग गर्दा राम्रो हुन्छ जस्तो लाग्यो,’ पूजाले भनिन्, ‘म फिल्म युनिटसँगै बाढी पीडित क्षेत्रमा जाँदैछु । हामी सप्तरीबाट सुरु गरेर कहाँसम्म पुग्न सकिन्छ त्यहाँसम्म पुगेर खाद्यान्न, लत्ताकपडा सहित केही आर्थिक सहयोग पनि गर्नेछौं।’

बाढीपीडितलाई निर्माता तथा कलाकार दीपकराज गिरीले १ लाख, निर्देशक तथा कलाकार दीपाश्री निरौलाले पनि मोरङ समाजमार्फत ५१ हजार, अभिनेत्री प्रियंका कार्कीले ५१ हजार सहयोगको घोषणा गरेका छन् । त्यस्तै गायक प्रमोद खरेलले १० हजार, संगीतकार टंक बुढाथोकीले ५ हजार रुपैयाँ सहयोग गर्ने भएका छन्। 

नेपाल चलचित्र कलाकार संघले पनि बाढीपीडितको सहयोगार्थ ‘दैवी प्रकोप राहत कोष’ स्थापना गरेको छ । संघका अध्यक्ष रामकेशर बोगटीले फेसबुकमार्फत कोषमा संघको ६५ हजार, मदनकृष्ण श्रेष्ठ र हरिवंश आचार्यको १ लाख, किरण केसीबाट २५ हजार, भिडियो निर्देशक राजु केसीबाट २५ हजार, २१ प्रोपर्टी बिल्डर्सबाट ५० हजार सहयोग प्राप्त भइसकेको जानकारी दिएका छन् । नेपाल चलचित्र निर्माता संघले पनि विज्ञप्तिमार्फत बाढीपीडितलाई सहयोग गर्न आह्वान गरेको छ । संघका उपाध्यक्ष माधव वाग्लेले सोमबार कार्यसमितिको बैठक बसेर सहयोगको खाका निर्धारण गर्ने बताए । ‘साथीहरूले धेरै खाले प्रस्ताव ल्याउनु भएको छ । कसरी सहयोग गर्न सकिन्छ भन्ने सोमबारको छलफलमा तय गर्नेछौं,’ वाग्लेले भने।

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...