रत्नशमशेरलाई खेमराज संगीत सम्मान

बुधबार, ३२ साउन २०७४, ०८ : ०९ नागरिक


काठमाडौं- गीतकार रत्नसमशेर थापा  ‘खेमराज गुरुङ संगीत सम्मान’ बाट सम्मानित भएका छन् ।  गायक खेमराज गुरुङको प्रथम वार्षिक स्मृतिको अवसरमा खेमराज गुरुङ ट्रष्टले वरिष्ठ गीतकार थापालाई ५० हजार नगदसहित सो सम्मान प्रदान गरेको हो ।

असंख्य कालजयी गीतका सर्जक थापाले गायक खेमराजको स्मृतिमा ट्रष्ट गठन गरेर उनका सिर्जनालाई जोगाउने गरिएको प्रयासको सरहाना गर्दै नेपाली गीत–संगीतको आधार लोकगीत  भएको बताए ।

नवप्रतिभालाई प्रोत्साहित गर्न भन्दै ट्रष्टले ‘खेमराज गुरुङ नवप्रतिभा पुरस्कार’समेत स्थापना गरेको छ । यस वर्ष यो पुरस्कार गायिका मेलिना राईलाई प्रदान गरिएको छ । पुरस्कारको राशी नगद २० हजार रुपैयाँ रहेको छ ।

खेमराज गुरुङका संगीत गुरु संगीतकार प्रकाश गुरुङले खेमराजको असामयिक अवसान नेपाली संगीत क्षेत्रलाई ठूलो क्षति भएको बताए । कार्यक्रममा भविन ढुंगाना, भीषण मुकारुङ, अशोक मुकारुङलगायतले खेमराजका गीत गाएका थिए ।

कार्यक्रममा राजेशपायल राईले खेमराजसँगको संघर्षका दिन स्मरण गरेका थिए । आफू र खेमराज अत्यन्तै मिल्ने साथी भएको स्मरण गर्दै उनको योगदानको चर्चा गरिरहँदा राई आफैं भक्कानिएपछि कार्यक्रममा सहभागी सबैको आँखा रसाएका थिए ।

कार्यक्रममा ट्रष्टकी उपाध्यक्ष खेमराजकी दिदी चञ्चला गुरुङले भाइको स्मरणमा परिवारका सदस्यहरूले मिलेर ट्रष्ट स्थापना गरेको बताइन् । उनले ट्रष्टलाई अझ फराकिलो बनाउने आफूहरूको चाहना रहेको बताउँदै सबैको सहयोगका आग्रह गरेकी थिइन् ।

२०३३ साल माघ १ मा संखुवासभाको खाँदबारीमा अमृतबाहदुर गुरुङ र तुलसीमाया गुरुङको कोखमा जन्मिएका खेमराज गुरुङ सानैदेखि सांगीतिक क्षेत्रमा लागे पनि २०५७ सालमा प्रकाशित जीवन भाग–२ मा समावेश ‘वारि जमुना, पारि जमुना’पछि चर्चाको चुलीमा पुगेका थिए । उनका करिब एक दर्जन गीति एल्बम निस्किएका छन् ।

२०५७ र ०५८ मा गरी दुईपटक म्युजिक नेपाल पुरस्कार पाएका उनले २०६० सालमा म्युजिक नेपाल दशक पुरस्कार पनि पाएका थिए । २०५८ सालमै छिन्नतला पुरस्कार र हिट्स एफएम म्युजिक रेकर्ड अफ दि इयर अवार्ड पाएका उनले २०६१ सालमा प्रबल गोरखा दक्षिणबाहु र २०६२ सालमा इमेज अवार्डसमेत पाएका थिए ।

२०५८ सालमा झापा बिर्तामोडका गुनकला गुरुङ (गुडिया)सँग वैवाहिक बन्धनमा बाँधिएका उनका दुई छोरा शुभम् र शालिन छन् । खेमराजको गत वर्ष कृष्ण जन्माष्टमीका दिन उपचारको क्रममा चाबहिलस्थित मेडिकेयर अस्पतालमा निधन भएको थियो ।

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

‘प्याडम्यान’को रिलिज सर्‍यो, अब ‘पद्मावत’ एक्लै

‘प्याडम्यान’को रिलिज सर्‍यो, अब ‘पद्मावत’ एक्लै

अक्षय कुमारको सामाजिक कथामा आधारित फिल्म ‘प्याडम्यान’ को प्रदर्शन मिति सारिएको छ। २५ जनवरीका लागि तोकिएको फिल्म अब फेब्रअरी ९...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...