खोटाङमा सात हजारभन्दा बढी मतदाता थपिए

आइतबार, ०४ भदौ २०७४, १७ : ३८ दमन राई


खोटाङ – प्रदेशसभा तथा प्रतिनिधिसभाको निर्वाचनका लागि खोटाङमा सात हजार बढी मतदाता थपिएका छन् । स्थानीय तहको पहिलो र दोश्रो चरणको निर्वाचन सम्पन्न भए लगत्तै प्रदेशसभा तथा प्रतिनिधिसभाको निर्वाचनलाई लक्षित गरेर सुरु गरिएको फोटो सहितको मतदाता नामावली दर्ता तथा अद्यावधिक कार्यक्रममा ७ हजार ६८ मतदाताले नाम दर्ता गराएका छन् । गत साउन १ गतेदेखि साउन ३० गतेसम्मको अवधिमा दर्ता भएको मतदाता नामावलीको तथ्यांक मात्र आइपुगेको जिल्ला निर्वाचन कार्यालय खोटाङका नासु रविन मगरले बताए । 

मताधिकार उपयोग गर्ने उमेर पुगेका तथा यसअघि मतदाता नामावली दर्ता गराउन छुट भएका नागरिकलाई लक्षित गरेर जिल्ला निर्वाचन कार्यालयले दुई नगरपालिका र आठ गाउँपालिकामा फोटो सहितको मतदाता नामावली दर्ताको काम थालेको थियो । महिना दिनको अवधिमा ३ हजार ३०८ महिला र ३ हजार ७६० पुरुषले मताधिकारका लागि नाम दर्ता गराएका छन् । यससँगै जिल्लाको मतदाता संख्या १ लाख २२ हजार ७१२ नाघेको छ । यसअघि जिल्लाको कूल मतदाता संख्या १ लाख १५ हजार ६४४ थियो । ‘साउन ३० गतेसम्ममा जिल्लामा सात हजार बढी मतदाता थपिएका छन्,’ नासु मगरले भने, ‘त्यस यता दर्ता भएको मतदाता नामावलीको तथ्यांक आउन बाँकी छ ।’ 

मतदाता नामावली दर्ता तथा संकलन गर्ने, २०७३ साल फागुन ९ गतेअघि र पछि १८ वर्ष पुगेका तर मतदाता नामावलीमा नाम दर्ता नभएका नेपालीको मताधिकार सुनिश्चित गर्ने, त्रुटी सच्याउने, ठाउँ सार्ने, दोहोरो नाम हटाउने लगायतका प्रयोजनका लागि निर्वाचन कार्यालयले मतदाता नामावली दर्ता तथा अद्यावधिकका काम थालेको थियो । विशेषगरी मतदाता नामावलीमा नाम दर्ता छुट हुँदा स्थानीय तहको निर्वाचनमा मताधिकार उपयोग गर्नबाट वञ्चित भएका र देशविदेशमा रहने क्रममा नामावली दर्ता गर्न छुट भएका स्थानीयको नाम दर्ताका लागि जिल्ला निर्वाचन कार्यालयमा भीड लागेको थियो । नाम दर्ता गर्न आउने भीडका कारण कुनैबेला दैनिक बिहान ९ बजेदेखि बेलुका ६ बजेसम्म मतदाता नामावली दर्ताको काम गर्नुपरेको जिल्ला निर्वाचन अधिकारी दिनेश खत्रीले बताए । अभियानका क्रममा मृत्यु भएका, बसाइ सरेर अन्यत्र गएका, नागरिकता रद्ध भएको वा त्याग गरेका व्यक्तिको नाम मतदाता नामावलीबाट हटाउने लगायतका काम गरिएको कार्यालयले जनाएको छ । 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...