बेलायतमा नेपालीको घरबाट २५ लाख रुपैयाँको गरगहना चोरी

मङ्गलबार, ०६ भदौ २०७४, १४ : ३२ चिरन शर्मा  | @chiranuk


लन्डन–बेलायतमा नेपालीका घरमा गरगहना चोरीका घटना दिन प्रतिदिन बढ्दै गएका छन्। नेपालीको उल्लेख्य रुपमा बसोबास रहँदै आएको अल्डरशट, फानवरो, हन्स्लोलगायतका क्षेत्रमा सुनका गरगहना चोरी हुने क्रम बढेको हो। यस्तै घटना हालै हन्स्लो काउन्सिल अन्र्तगतको फेलथानमा बस्ने एक नेपालीको घरमा दोहोरिएको छ।

बाग्लुङ अमलाचौरबाट आएर लन्डनमा बसोबास गर्दै आएका कृष्णप्रसाद शर्माको घरबाट दिउँसै नगद र गरगहनासहित करिब २५ लाख रुपैयाँको चोरी भएको हो। चोरले घरको ढोका फोरेर  गरगहना र नगद लगेको छ।

शर्माका अनुसार करिव २५ बर्षदेखि संकलन गरेको करिब २२ लाख रुपैयाँ बराबारको सुन तथा चाँदी र ३ लाख रुपैयाँ नगद घरबाट चोरी भएको छ।  शुक्रवार साँझ ५ जनाको समूहको आएका चोरले घरको बायाँ पट्टीको गेटबाट भित्र छिरेर पछाडिको ढोका फोरेर भित्र पसेको सीसीटिभी क्यामराको फुटेजमा प्रष्ट देख्न सकिन्छ।
 
शर्माका अनुसार चोरले साँझ ६ देखि ७ बजेको बीचमा घरमा कोही पनि नभएको मौका छोपेर चोरी गरेका छन्। चोरको समूह घरभित्र प्रवेश गर्नु अघि एकजना सामान्य भेषमा आएर ढोका ढकढकाएको र ढोका नखोलेपछि फर्किएर गएर अरु ४ जनालाई बोलाएर ल्याएको दुश्य सिसीटिभीको फुटेजमा कैद भएको छ।
 
चोरी हुने बेलामा शर्माकी श्रीमती बिमला शर्मा र छोरी विरायना शर्मा स्थानीय गोर्खा नेपाली कम्युनिटीले आयोजना गरेको तीज कार्यक्रममा सहभागी हुन गएका थिए।
 
शर्माका अनुसार चोरले किचनतिरको ढोकाबाट प्रवेश गरेर घरको पहिलो तलाको दुबै मास्टर बेड रुमको ढोका फोडेको छ। घरभित्र रहेका ल्यापटप, कम्प्युटर, टिभीलगायतका समान चोरले यत्रतन्त्र छरेको अवस्थामा भेटिएका थिए।
 
प्रहरीले सिसीटिभी फुटेजका आधारमा घटनाको अनुसन्धान अघि बढाएको जानकारी शर्माले दिए। ‘प्रहरीमा उजुरी त दिएको हो तर अनुसन्धान गरेर चोरी भएको समान फिर्ता होला भन्ने आश छैन्’, शर्माले भने।

तपाईको समाचार पठाउन यहाँ थिच्नुहोस् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘बडी सेमिङ’ विरुद्ध विद्या

‘बडी सेमिङ’ विरुद्ध विद्या

हरेक प्रश्नको निरासपूर्ण उत्तर दिने बलिउड अभिनेत्री विद्या वालनको सम्बन्ध पत्रकारहरूसँग सौहाद्र रहँदैन । आगामी फिल्म ‘तुम्हारी सुलु’को प्रमोसनका बेला...

‘भैरे’ बन्दै दयाहाङ

‘भैरे’ बन्दै दयाहाङ

अभिनेता दयाहाङ राई पछिल्ला केही फिल्ममा टिपिकल चरित्रमा देखिन थालेका छन् । रिलिज भइसकेको फिल्म ‘वीरविक्रम’मा ‘वीर’ बनेका उनी पोस्ट...

चित्रमा ‘शक्ति, राजनीति र युद्ध’

चित्रमा ‘शक्ति, राजनीति र युद्ध’

शक्ति, राजनीति र युद्धले जहिल्यै मान्छेलाई प्रभावित पारिरहेकै हुन्छ । नेपालको दशवर्षे सशस्त्र द्वन्द्व पनि यसैको उदाहरण हो । विश्व...

रहेनन् होचा कदका कलाकार

रहेनन् होचा कदका कलाकार

होचो कलाकार दीपेन शाहको बिहीबार बिहान निधन भएको छ । धादिङको कार्यक्रम सकेर चार दिनअघि ललितपुरको घर फर्किएका दीपेन अस्वस्थ्य...