टोकियोमा नेपालको झल्को

मङ्गलबार, १३ भदौ २०७४, १३ : १० नारायण रिमाल


टोकियो— नेपाली परम्परागत बाजा, नेपाली धुन र नेपाली परिकार देख्दा जापानीहरु छक्क परे। उनी टक्क अडिएर सोधीखोजी गर्थे, 'के भइरहेको हो?' नेपालमय स्टल र नेपाली पहिरनले नेपालीहरूलाई त नेपालको झझल्को मेटाउने अवसर जुरायो नै जापानीसहित अन्य देशका नागरिकलाई समेत नेपालसँग नजिक हुन मौका जुरायो।

'नेपालबारे सुनेको  थिएँ तर मेलामा आएर झन् धेरै कुराहरू थाहा पाएँ', टोकियोमा नर्सिङ पेशामा आबद्ध जापानी नागरिक कानाको कुमाले भनिन्, 'नेपालको बिहेमा लगाउने पहिरन मलाई निकै रोचक लाग्यो। म कुनै बेला नेपाल भ्रमण गर्न जानेछु।'

अतिथि देवो भवः भन्ने नारासहित नेपाली वस्तुको प्रचारप्रसार गरी नेपालको पर्यटन प्रर्द्धन गर्ने उद्देश्यले आयोजना गरिएको कार्यक्रममा प्रमुख अतिथि जापानस्थित नेपाली राजदूत प्रतिभा राणाले यस्ता कार्यक्रमले नेपालको पर्यटन प्रवर्ध्दन हुने कुरामा विश्वसस्त हुन सकिने उल्लेख गरिन्। जापानबासी सम्पूर्ण नेपालीहरू नेपालको दूत हुन् भन्दै उनले भनिन्, 'सबै मिली नेपालको गरिमा बढाउने र पर्यटन प्रवर्द्धन गर्ने कार्य गर्नुपर्छ।'

कार्यक्रममा एनआरएनए आईसीसी उपाध्यक्ष भवन भट्टले नेपाल फेस्टिवल सबै नेपालीको फेस्टिवल भएको बताए। भट्टले भूकम्पपछि नेपाल भ्रमणमा जाने जापानी पर्यटकमा कमी आए पनि अब नेपाल सुरक्षित छ भन्ने सन्देश प्रवाह गर्न मेलाले सहयोग पुर्‍याएउने बताए।

महोत्सवमा टोकियो बाहिरका शहरहरूबाट समेत नेपालीहरू सहभागी हुन आएका थिए। होक्काईदोदेखि ओकिनावा स्टेट सम्मका नेपालीहरू मेलामा सहभागी थिए।

नेपाली खाना,नेपाली नृत्य,लाखे नाच लगायत् सबै कुरामा नेपालीपन भेटेँ शिजुओका स्टेटबाट मेलामा सहभागी हुन आएका नुवाकोटका नीराजन भन्डारीले भने। जापानीहरूको उपस्थिति र नेपालप्रतिको आकर्षण देख्दा खुशी लाग्यो।

मेलालाई दुई लाखभन्दा बढीले अवलोकन गरेको र गत वर्षभन्दा २५ प्रतिशत बढी जापानी नागरिकले मेलामा आएको एनआरएनए जापानले जनाएको छ।

यो वर्षदेखि मेलामा प्रस्तुत गरिएको मौलिक नेपाली घरमा जापानीहरूको निकै आकर्षण देखिएको थियो। नेपाली घरसँग फोटो खिच्न जापानी तथा नेपालीहरूको समेत घुइँचो लागेको थियो।

 

तपाईको समाचार पठाउन यहाँ थिच्नुहोस् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...