यस्ता छन् एनआरएनए चीनका उम्मेद्वारहरू

शनिबार, १७ भदौ २०७४, ११ : ३६ नागरिक


काठमाडौं – चीनमा रहेका नेपालीहरूलाई अहिले गैर आवासीय नेपाली संघ(एनआरएनए)को निर्वाचनले छपक्कै छोपेको छ । 

सेप्टेम्बर ३ का लागि तोकिएको निर्वाचनका लागि विभिन्न पदमा चीनमा रहेका नेपालीहरूले उम्मेद्वारी दर्ता गराएका छन् । यी हुन् एनआएनए चीनको आगमी कार्यसमितिका उम्मेद्वारहरू:

नविन वि.क. (आइसीसी सदस्य): चितवनका विक वर्तमान कार्यसमितिका प्रथम उपाध्यक्ष हुन् । उनी दुई कार्यकाल कोषाध्यक्ष हुनुका साथै दुइ कार्यकाल नै उपाध्यक्ष भइसकेका छन् । एनआरएनको राष्ट्रिय एवं अन्तर्राष्ट्रिय कार्यक्रममा सहभागी भइसकेका र विगत १५ वर्ष देखि चीनमा रही आफ्नै मेशीन कारखान, रेष्टुरेण्ट र ट्रेडिङ्ग कम्पनी चलाई सकेका व्यक्ति हुन् । उनले यस पटक एनआरएन चीनको प्रतिनिधित्व गर्ने सोंच बनाइ आइसीसी सदस्यमा उम्मेदवारी दर्ता गराएका छन् । 
प्रदिप न्यौपाने (अध्यक्ष): नुवाकोट र काठमाण्डौमा घर भएका प्रदीप न्यौपाने विगत १५ वर्ष देखि चीनमा बसोबास गर्दै आएका एक कुशल व्यापारी हुन् । २००९ देखि कार्यसमिति सदस्य हुदै दुई वर्ष लगातार सचिव भइ संस्थाको हकहितमा काम गर्नुका साथै विभिन्न अन्तर्राष्ट्रिय सम्मेलन एवं ग्लोबल कन्फरेन्समा लगातार भाग लिइरहेका छन् । संस्थाको स्थापनाकाल देखिका अग्रजहरुको समर्थनमा उनले अध्यक्षमा उम्मेदवारी दर्ता गराएका हुन्।

सुदेश कुमार झा (प्रथम उपाध्यक्ष): सर्लाहीका सुदेश झा पनि विगत १६ वर्षदेखि ग्वाङ्गजौमा व्यवसाय गर्दै आएका इलेक्ट्रोनिक इन्जिनियर हुन् । उनी २००९ देखि एक पटक सचिव र दुई कार्यकाल महासचिव जस्तो गरिमामय पद सम्हालीसकेका अनुभवी व्यक्ति हुन् । कम बोल्ने तर आफ्नो जिम्मेवारी पुरा गर्ने स्वभावका उनले पनि एनआरएनएका विभिन्न अन्तर्राष्ट्रिय सम्मेलन भाग लिइसकेका छन् । अहिले उनले प्रथम उपाध्यक्षमा उम्मेदवारी दर्ता गराएका छन् । 

रोहित अग्रवाल (द्वितीय उपाध्यक्ष): काठमाण्डौ स्थायी घर भएका रोहित चीनमा रहने मारवाडी र नेपाली समुदायबीच पुरानो र कहलिएको नाम हो । उनी पनि २००९ देखि नै संस्थामा लागि दुई कार्यकाल कोषाध्यक्ष जस्तो जिम्मेवार पदमा रहि यस संस्थामा आफ्नो कार्यकुशलता देखाइसकेका छन् । विगत १२ वर्ष देखि चीनमा ट्रेडिङ्ग गर्दै आईरहेका सफल व्यापारी हुन् र उनले पनि संस्थाको राष्ट्रिय एवं अन्तर्राष्ट्रिय कार्यक्रमहरुमा भाग लिइसकेका छन्। समाज सेवामा जहिले पनि अग्रसर रहने अग्रवालले यस पटक द्वितीय उपाध्यक्षमा आफ्नो मनोनयन दर्ता गराएका छन्। 

सुशिल बेल्बासे (महासचिव): कपिलवस्तु, बुड्ढी स्थाइ घर भई विगत ११ वर्ष देखि चीनमा बसोबास एवं कारोवार गर्दै आएका छन् । संस्थाको स्थापनाकाल २००७ बाट कार्यसमिति सदस्य हुँदै एक कार्यकाल सचिवको जिम्मेवारी पुरा गरीसकेका छन् । एनआरएनको विधान र निर्वाचन नियमावलीमा राम्रो दक्ष तथा जानका भएको व्यक्तिको रुपमा योगदान पुर्‍याउँदै अघि बढेका छन् । उनको बोल्ने कुशलता र साथीभाइलाई मिलाएर लैजाने खुबीले गर्दा उनी चिनवासी सबै नेपालीका माझ उत्तिनै प्रिय छन् । फिलिपिन्सको मनिला र जापानमा सम्पन्न एसिया प्यासीफिक सम्मेलनमा सहभागी भइसकेका सुशिलले एक कार्यकाल सचिवमा आफ्नो जिम्मेवारी पुरा गरीसकेकाले यस पटक महासचिवमा मनोनयन दर्ता गराएका छन् । 

तिर्थ पौड्याल (सचिव): झापाका तिर्थ पौड्याल ग्वाङ्गजौमा युवा माँझ लोकप्रिय नाम हो, चाइनामा ९ वर्ष देखि ट्रडिङ्ग कम्पनी चलाएर बसेका पौड्याल २०११ देखि नै एनआरएन चीनमा का.स.सदस्य हुदै युवा संयोजक को भूमिकामा एनआरएन चीनका यूवा बीचमा आफ्नो कार्यकुशलता पेश गरीसकेका छन् । यस पटक भने उनले सचिव पदमा उम्मेदवारी दर्ता गराएका छन् । 

यम बहादुर क्षेत्री (कोषाध्यक्ष): गुल्मीका क्षेत्री पनि ग्वाङ्गजौ शहरमा विगत १४ वर्ष देखि व्यापार गरेर बसेका पुराना व्यापारीको रुपमा चिनिन्छन् । उनी साधारण सदस्य मात्र छँदै पनि सबैको लोकप्रिय भई २०१३ मा कार्यसमिति सदस्य हुँदै अहिले कोषाध्यक्षको दावी गर्दै उम्मेदवारी दर्ता गराएका छन । उनले गाडीको रङ्ग, चाइनिज चकलेट, माछा जस्ता सामानहरुको एजेन्सी लिई व्यापार गर्दै आएका छन् । उनले नेपालमा एलइडी बल्बको उद्योग समेत स्थापना गरेका छन् र चीनको सफल ब्यपारीको रुपमा आफ्नो छवी स्थापना गरीसकेका छन् । 

रन्जिता आचार्य (महिला प्रतिनिधी : नुवाकोटमा जन्मेकी रन्जिता आचार्य चीनमा आएर ७ वर्षदेखि ट्रेडिङ्ग कम्पनी चलाएर बस्ने शाहसी महिलामा पर्छिन । चीनमा रहेका सबै महिलाहरू एकजुट भई महिलाहरूको छुट्टै कल्याणकारी कोष स्थापना गर्ने र नेपालमा महिला हिंसा, बेचविखन, छाउपडी प्रथा, महिला श्वास्थ्य लगायतमा विषेश योगदान पुर्‍याउने सोंचकासाथ उनले महिला प्रतिनिधीमा उम्मदवारी दर्ता गएकीछिन् । 

मोहन मैनाली (युवा संयोजक): झापाका मोहन प्रसाद मैनाली प्रष्ट वक्ता र युवाहरुमा रुचाइएको नाम हो । उनी पनि विगत ५ वर्षदेखि ग्वाङ्गजौमा आफ्नो व्यापार गर्दै अएका सफल व्यापारी हुन र एनआरएनचीनको युवा संयोजकमा उम्मेदवारी दिई युवा हक र हितको लागि काम गर्ने दृढ विश्वास लिएका छन् । 

यसैगरी डा. विजय भण्डारी, मुकेश श्रेष्ठ, विजय श्रेष्ठ, मिर्जा राशिद वेग, सुरज न्यौपाने, तुल्सी न्यौपाने, सन्दीप खनाल, यादव अर्याल लगायतले कार्यसमिति सदस्यको लागि उम्मेदवारी दिएका छन् । 

तपाईको समाचार पठाउन यहाँ थिच्नुहोस् ।






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...