यज्ञशको 'भुइयाँ' सार्वजनिक

आइतबार, १८ भदौ २०७४, १८ : ११ नागरिक


काठमाडौं— पत्रकार तथा लेखक यज्ञशको गैरआख्यान पुस्तक 'भुइयाँ' आइतबार सार्वजनिक भएको छ। पुस्तकका लेखक यज्ञश, लेखक कुमार नगरकोटी तथा राष्ट्रिय मानव अधिकार आयोग सदस्य मोहना अन्सारीले संयुक्त रुपमा पुस्तक सार्वजनिक गरेका हुन्।

'सामाजिक न्यायको पाटोमा धेरै काम हुन बाँकी छ। मिडियाले पनि मध्यम वर्गलाई मात्र जोड दिएको छ। त्यसैले तल रहेका मान्छेका कथामाथि लेखेको हुँ', उनले भने।

फाइन प्रिन्टले प्रकाशन गरेको 'भुइयाँ'मा लेखकले पश्चिम केन्द्रित भएर १२ वटा सामान्य मान्छेका कथालाई पेश गरेका छन्। लेखक कुमार नगरकोटीले पुस्तकको लेखनशैली जीवन्त रहेको बताए। 'पुस्तकको लेखनशैली जीवन्त छ। ब्याख्यानमा पनि सलल बगेको छु, उनले भने, 'उहाँ कविता लेख्नुहुन्न तर पुस्तकको प्रस्तुति कवितात्मक लाग्छ।'

राष्ट्रिय मानव अधिकार आयोगकी सदस्य मोहना अन्सारीले पुस्तकले आर्थिक, सामाजिक र राजनीतिक मानवअधिकारको पक्षलाई उजागर गरेको उल्लेख गरिन्। 'पुस्तकमा रहेका हरेक कथाले राज्यसँग एउटा-एउटा प्रश्न गरेका छन्', उनले भनिन्, 'राजनीतिक दलहरुले सर्वसाधारणलाई कसरी भोट बैंकको रुपमा प्रयोग गरेका छन् भन्ने पुस्तकका कथाहरुले प्रस्ट्याएका छन्।'

पुस्तकका लेखक यज्ञशले सामाजिक न्यायको दयनीय अवस्थालाई पुस्तकमा समेटिएको बताए। 'सामाजिक न्यायको पाटोमा धेरै काम हुन बाँकी छ। मिडियाले पनि मध्यम वर्गलाई मात्र जोड दिएको छ। त्यसैले तल रहेका मान्छेका कथामाथि लेखेको हुँ', उनले भने।

प्रकाशक फाइन प्रिन्टका अजित बरालले गैर आख्यान लेखनको कमी रहेको उल्लेख गर्दै हुइयाँले नेपाली समाजलाई अझ् मानवीय बनाउन सहयोग पुर्याउउने विश्वास व्यक्त गरे। १९० पृष्ठको पुस्तकको मूल्य ३८८ रहेको छ।
 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...

लिलीबिलीको सुटिङ लण्डन र स्कटल्याण्डमा

लिलीबिलीको सुटिङ लण्डन र स्कटल्याण्डमा

मिलन चाम्सको निर्देशनमा बन्न लागेको नेपाली फिल्म ‘लिलीबिली’ को सुुटिङ लण्डन तथा स्कटल्याण्डमा भइरहेको छ । पछिल्लो समयका चर्चित नायक...

बोलचालमा प्रतिबन्ध

बोलचालमा प्रतिबन्ध

बलिउड अभिनेत्री परिणीति चोपडा र अर्जुन कपुर चाँडै नै फिल्म ‘सन्दीप और पिंकी फरार’मा देखिँदैछन् । अघिल्लो फिल्म ‘इशकजादे’मा पनि...

एकादेशमा ‘डेथ अफ साउण्ड म्यान’ उत्कृष्ट

एकादेशमा ‘डेथ अफ साउण्ड म्यान’ उत्कृष्ट

ध्वनिको महत्वलाई समेटिएको शर्ट फिल्म ‘डेथ अफ साउण्ड म्यान’ले यस वर्षको एकादेशमा अन्तराष्ट्र्रिय शर्ट फिल्म फेस्टिभल अवार्ड जितेको छ। थाईल्याण्डका...