'अमेरिकन ड्रिम'को दुविधा

मङ्गलबार, २० भदौ २०७४, १० : ३९ अच्युत कोइराला


- जिन्दगीमा जहिले पनि दुविधा पार्ने गरी दुई बाटा आउँछन्, छनोट गर्ने जिम्मा हाम्रै हो ।

- दुविधाले छानिएको बाटोमा मान्छे सफल त होला तर कहिल्यै रमाउन सक्तैन ।

- प्रेमपीडा पाएको मानिसका अघिल्तिर सबै प्राप्ति औचित्यहीन हुन्छन् ।

यी भनाइ सफलताको पाठ सिकाउने गुरुका होइनन् । यी भनाइ हुन्, काठमाडौंमा मञ्चन भइरहेको अमेरिकी नाटक ‘गोल्डेन ब्वाई’का ।

भर्खरै २१ वर्ष टेकेको बोनापार्टे (अमृत दाहाल) को सपना छ, आफ्नो बाबु मि. बोनापार्टे (राजकुमार पुडासैनी) ले चाहेजस्तै एउटा भ्वाइलिनवादक बन्ने  । इटालीबाट अमेरिका पुगेको संघर्षशील आप्रवासी परिवारमा अभावबीच हुर्किएको जोलाई वाद्यवादक बनूँ कि ऐशको जिन्दगी रोजूँ ‘अमेरिकन ड्रिम’ले दुविधा गराइरहन्छ । अन्ततः चाँडै धनी बन्ने लोभले जो बक्सिङतर्फ आकर्षित हुन्छ ।

बक्सिङमा जोले गरेको प्रगतिका कारण ऊ ‘गोल्डेन ब्वाई’ बन्न पुग्छ तर ऊ आफ्नै म्यानेजर अलेजान्द्रो मेरोला (टम मुडी)की गर्लफ्रेन्ड लोर्ना मुन (नम्रता श्रेष्ठ)प्रति आकर्षित हुन्छ । लोर्ना पनि जोसँग रत्तिन्छे तर टमले जीवनभर पुग्ने गुन लगाएका कारण जोसँग प्रेम गर्न भने सक्तिन । ऊ सधंै टमसँग बिहे गर्ने कि जोलाई छान्ने भन्ने दुविधामा छे । टम पनि लोर्नालाई अपनाउने कि पत्नीसँगै फर्कने द्वन्द्वमा छ ।

जसै टम र लोर्नाको विवाह पक्का हुन्छ, पराजित प्रेमको पीडाबाट जो विरक्तिन्छ । बक्सिङ रिङमा त्यसको रिस पोख्दा उसले एउटा खेलाडीकै हत्या गर्न पुग्छ । हत्याको ‘पाप’ले निराशाको गर्तमा जाकिएको जो र त्यसबाट निकाल्न लोर्नाले गर्ने मिहिनेतले साकार रूप लेला त ?

यस प्रश्नको जवाफका लागि नाटक नै हेर्नुपर्छ तर यस नाटकका केही आधारभूत समस्या छन् । पहिलो त, मुख्य अभिनेता जो (अमृत दाहाल) एंग्री यङ म्यान भएकाले होला, जुन बेला पनि ‘लाउड’ लाग्छन् । उनको अभिनय ‘फ्ल्याट’ देखिन्छ । साथै, दर्शकले जो र लोर्नाको प्रेम बढी महसुस गर्न चाहन्छन् तर नाटकले टम र जोलाई मात्र ‘स्पेस’ दिएको महसुस गर्छन् । सबभन्दा ठूलो कुरा सन् १९२९ मा अमेरिकी सेयर बजार ‘क्र्यास’ भएसँगै सुरु भएको दशक लामो ‘ग्रेट डिप्रेसन’ र सन् १९३४ ताका सुरु भएको आर्थिक मन्दीको तोडमा  नाटककार क्लिफोर्ड ओडेट्सलाई नाटकको कथा  फुरेको थियो । नाटकमा त्यो ‘डिप्रेसन’, त्यो आर्थिक मन्दी र कंगाली पूरै गायब छ ।

त्यस बाहेक नाटकमा अभिनयका लागि एलेजान्द्रोले सबैको मन जित्छन्, अनि सौन्दर्यका लागि नम्रताले । जोका बुवाका रूपमा राजकुमार पुडासैनीको अभिनय मनमोहक लाग्छ । बुवाको चिन्ता र आकांक्षालाई संवादबाट भन्दा पनि अनुहारको हाउभाउबाट व्यक्त गर्न उनी सफल भएका छन् । नाटकको दोस्रो हाफपछि जोका गडफादर तथा  प्रबद्र्धकका रुपमा उदाएका ग्याङस्टर एडी फुसेली दमदार रूपमा उदाएका छन् । उनले जसै जोलाई चुम्बन गर्छन्, दर्शक रन्थनिन्छन् । जो र लोर्नाको चुम्बन पनि नाटकको आकर्षक पक्ष बन्न पुगेको छ ।

क्लिफोर्ड ओडेट्सद्वारा सन् १९३७ मा लिखित तथा मञ्चित यो नाटक त्यतिबेला सुपरहिट भएको थियो । यतिबेला त्रिपुरेश्वरस्थित कर्मा बार एन्ड लाउन्जमा मञ्चन भइरहेको नाटक आउँदो सेप्टेम्बर १० सम्म मञ्चन हुनेछ । यस नाटकलाई नम्रता श्रेष्ठको कम्पनी हाइली हाइ र वन वल्र्ड थिएटरले निर्माण गरेको हो । यसलाई डेबोरा मेरोलाले निर्देशन गरेकी छन् ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...