आयल निगम जग्गा खरिद प्रकरण

जग्गा ४४ जनाको, निगमलाई पास गर्ने १२ जनामात्रै

बिहिबार, २२ भदौ २०७४, ११ : ०८ रमेशकुमार पौडेल


चितवन- नेपाल आयल निगमले देशका विभिन्न ठाउँमा पेट्रोलियम पदार्थ भण्डारण स्थल बनाउन जग्गा किन्ने क्रममा चितवनमा पनि २३ बिघा १२ कट्ठा सवा तीन धुर जग्गा किनेको छ । सो क्षेत्रफलको जग्गा ४४ जनाको नाममा थियो । तर नेपाल आयल निगमलाई जग्गा दिनेमा १२ जनाको नाममात्रै छ । स्थानीयको जग्गा बिचौलियामार्फत आयल निगमले किन्दा यस्तो भएको हो ।

जग्गा किन्दा मूल्यमा अनियमिता गरेको र जोखिमयुक्त ठाउँमा जग्गा किनेको भन्ने समाचारहरु आएपछि संसदको उद्योग वाणिज्य तथा उपभोक्ता हित सम्बन्ध समितिको टोली स्थलगत अध्ययनका लागि भदौ ८ गते चितवन आएको थियो । टोलीको नेतृत्व गरेका सासंद सुभाषचन्द्र ठकुरीलाई स्थानीय मेघनाथ लामिछानेले दुई कट्ठा जग्गा बेचेको बताए ।

उनले आफ्नो जग्गाको कित्ता नम्बर ४१२ भएको जानकारी दिए । टोलीमा आएका कर्मचारीले कित्ता नम्बर पनि हेरे । सो कित्ताको जग्गा निगमका नाममा आएको देखियो । तर संसदीय टोलीलाई इलाका मालपोत कार्यालय खैरहनीका प्रमुख रमेशप्रसाद गौतमले उपलब्ध गराएको विवरणमा मेघनाथको नाम थिएन । मेघनाथ जस्ता थुप्रैको नाम सो कागजमा देखिँदैनथ्यो ।

‘तपाईंले निगमलाई नभएर कस्लाई जग्गा दिएको’ भन्ने प्रश्नमा लामिछानेले ‘खै उसको नाम त थाहा भएन’ भने । उनको वरपर बसेका एक–दुईजनाले ‘जयराम भन जयराम’ भन्दै थिए । मालपोत कार्यालयले संसदीय टोलीलाई दिएको विवरणमा जयराम थापाको नाम थियो । मालपोत कार्यालय स्रोतका अनुसार जयरामले स्थानीय १७ जनाबाट लिएको चार बिघा पाँच कट्ठा साढे १५ धुर जग्गा निमगको नाममा पास गरेको देखिन्छ ।

मालपोत कार्यालयले संसदीय टोलीलाई बुझाएको विवरणमा उल्लेख भए अनुसार त्यसपछि अनन्तप्रसाद घिमिरेले साढे चार बिघा जग्गा निगमलाई दिएका छन् । उनले स्थानीय १० जना व्यक्तिको नामको जग्गा संकलन गरेको मालपोत कार्यालय स्रोतको भनाइ छ । त्यसपछि आठजनाबाट संकलन भएको दुई बिघा १० कट्ठा आठ धुर जग्गा सुरेशराज घिमिरेको नामबाट निगमममा पास भएको छ ।

गत वर्ष फागुन १० गतेदेखि १७ गतेसम्म स्थानीय ३५ जनाको नाममा रहेको जग्गा ती तीनजनाको नाममा आएको इलाका मालपोत कार्यालय खैरहनीबाट जानकारी प्राप्त भएको छ । कार्यालयका प्रमुख मालपोत अधिकृत रमेशप्रसाद गौतमले संसदीय टोलीलाई दिएको जानकारी अनुसार गत वर्ष फागुन २२ मा पहिलो चरणमा निगमका नाममा      २१ बिघा पाँच कट्ठा १५ धुर जग्गा पास भएको थियो ।

निमगले राप्ती नगरपालिका वडा नं. १ लोथर खोलाको आडमा बाँधसँगै जोडिएको जग्गा किनेको हो । स्थानीय दिनानाथ भट्ट निमगलाई आफूले सात कट्ठा १८ धुर जग्गा दिएको संसदीय टोलीलाई जानकारी दिँदै थिए । जग्गाको प्रतिकट्ठा १० लाख मूल्य पाएको उनको भनाइ थियो । आफ्ना, दिदी र अरु आफन्तहरुको नाममा रहेको २६ कट्ठा जग्गा निगमको नाममा गएको उनले बताए ।

दिदी र आफ्नो नामको जग्गा दूधराज ढुंगानालाई दिएको भट्टले बताए । दूधराज पनि आफन्तै हुन् भन्ने भट्टको भनाइ थियो । तर संसदीय टोलीलाई मालपोत कार्यालयले दिएको विवरणमा भट्टको नाम त पर्ने नै भएन । मेघनाथको जस्तै दूधराजको नाम पनि छैन । केही समयअघि प्रतिकट्ठा आठ लाख रुपैयाँमा जग्गा बेचेको बताउने स्थानीयहरु कम्तीमा कट्ठाको १० लाख रुपैयाँ पाएको जानकारी संसदीय टोलीलाई दिँदै थिए ।

राप्ती नगरपालिकाका मेयर प्रभा बराल तथा जग्गा भएको वडा नम्बर १ का वडाध्यक्ष सिद्धिलाल स्यानताङ र जग्गासँग जोडिएको वडा नम्बर २ का वडाध्यक्ष श्यामसुन्दर उप्रेतीले निगमले किनेको जग्गाको चल्तीको मूल्य प्रतिकट्ठा तीन लाखसम्म पर्ने जानकारी संसदीय समितिलाई दिएका छन् । मालपोत कार्यालयको विवरण हेर्दा निगमले जग्गालाई प्रतिकट्ठा १५ लाख ८५ हजारको दरले तिरेको छ ।

जयराम थापा, अनन्तप्रसाद घिमिरे र सुरेशराज घिमिरेबाहेक निमगलाई जग्गा दिनेमा सुदिप आचार्य, समिर आचार्य, सावित्री आचार्य, चिरनकुमार खड्का, मैयादेवी खड्का, अनिता खड्का, बालकृष्ण सिलवाल, बालकुमारी सिलवाल र बिमला पाठकको नाम छ । निमगको नाममा दोस्रोपटक गएको आसर २७ गते दुई बिघा ६ कट्ठा साढे सात धुर जग्गा पास भएको मालपोत कार्यालयको विवरणमा देखिन्छ ।

निगमले किनेको मध्ये ३५ जनाको जग्गा बिचौलियामार्फत गएको देखिन्छ । स्थलगत अध्ययनकै क्रममा राप्ती ड्याकमा संसदीय टोलीसँग भेट भएकी राप्ती नगरपालिकाका मेयर प्रभा बरालले जग्गा किनबेचमा बिचौलियालाई फाइदा भएको बताइन् । बिचौलियामार्फत नभएर जनतासँग सिधै जग्गा लिनुपर्ने थियो भन्ने हजुरको विचार हो ? भन्ने सासंद ठकुरीको प्रश्नमा मेयर बरालले भनिन्, ‘हो हो । जुन काम गरियो त्यो राम्रो छैन ।’ 

ह्‌यासट्याग:






यसमा तपाईको मत

सम्बन्धित समाचार


तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...