एकल साँझको तयारीमा अन्जु

बिहिबार, २२ भदौ २०७४, १२ : २२ नागरिक


काठमाडौं- आधुनिक र पाश्र्व गायनमा दर्जनौं चर्चित गीतकी गायिका अन्जु पन्त पहिलो पटक एकल साँझमा प्रस्तुत हुन लागेकी छिन् । आगामी शनिबार राजधानीको कमलादीस्थित नेपाल प्रज्ञा प्रतिष्ठानको हलमा हुने एकल साँझमा अन्जुले आफ्ना चर्चित गीतहरू सुनाउने छिन् । एकल साँझको तयारीका लागि अञ्जुले २७ जना वाद्यवादकको टोलीका साथ मंगलबारबाट राष्ट्रिय नाचघरमा अभ्यास गर्न थालिसकेकी छन् ।
नेपाल रेकर्डिष्ट एसोसिएसनका लागि अन्जुको संस्था अन्जु पन्त फाउन्डेसनले आयोजना गर्न लागेको पहिलो एकल साँझका लागि आफू उत्साहित भएको अन्जुले बताएकी छिन् । ‘दुई दशक लामो सांगीतिक यात्रामा मैंले एकल एल्बम र गायन गर्न पाएको थिइँन । त्यो मध्ये एकल गायनको अवसर पाएको छु,’ अन्जुले भनिन, ‘मंगलबारदेखि थालेको अभ्यासमा गजब रमाइलो भयो । अब शनिबारको प्रतीक्षामा छु ।’
करिब दुई घन्टा चल्ने एकल साँझमा उनले फिल्मी गीतसँगै सुगम गीत पनि गाउने छिन् । उनले पछिल्लो समय चलेका फिल्म ‘म यस्तो गीत गाउँछु’को ‘भन्छु आज’, ‘वडा नम्बर ६’ को ‘सुर्के थैली’सँगै सुगम संगीतमा सर्वाधिक लोकप्रिय रहेका ‘नबिर्सें तिमीलाई नपाएँ तिमीलाई’, ‘जिन्दगी यो फूलै फूलको थुंगो हुँदैन’ आदि गीत गाउने तयारी गरिरहेकी छिन् ।
गायिका अन्जुले एकल साँझबाट उठेको पैसा परोपकारी काममा खर्चिने घोषणा यसअघि नै गरिसकेकी छिन् । एकल साँझबाट हुने फाइदाको रकम रेकर्डिस्टहरूको संस्था रेकर्डिस्ट एसोसिएसनलाई ५० प्रतिशत र जेहन्दार विपन्न बालबालिकाको शिक्षाका लागि ५० प्रतिशत खर्च गर्ने बताएकी छिन् । ‘खर्च कटाएर बचेको पैसा आयोजक र अन्जु पन्त फाउन्डेसनलाई आधा–आधा  बाँडिनेछ,’ अन्जुले भनिन्, ‘सबै पैसा परोपकारी काममा खर्च हुनेछ ।’







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...

लिलीबिलीको सुटिङ लण्डन र स्कटल्याण्डमा

लिलीबिलीको सुटिङ लण्डन र स्कटल्याण्डमा

मिलन चाम्सको निर्देशनमा बन्न लागेको नेपाली फिल्म ‘लिलीबिली’ को सुुटिङ लण्डन तथा स्कटल्याण्डमा भइरहेको छ । पछिल्लो समयका चर्चित नायक...

बोलचालमा प्रतिबन्ध

बोलचालमा प्रतिबन्ध

बलिउड अभिनेत्री परिणीति चोपडा र अर्जुन कपुर चाँडै नै फिल्म ‘सन्दीप और पिंकी फरार’मा देखिँदैछन् । अघिल्लो फिल्म ‘इशकजादे’मा पनि...

एकादेशमा ‘डेथ अफ साउण्ड म्यान’ उत्कृष्ट

एकादेशमा ‘डेथ अफ साउण्ड म्यान’ उत्कृष्ट

ध्वनिको महत्वलाई समेटिएको शर्ट फिल्म ‘डेथ अफ साउण्ड म्यान’ले यस वर्षको एकादेशमा अन्तराष्ट्र्रिय शर्ट फिल्म फेस्टिभल अवार्ड जितेको छ। थाईल्याण्डका...