‘रानी’ मा नयाँ कलाकारको डेब्यु

शुक्रबार, २३ भदौ २०७४, १० : १६ नागरिक


काठमाडौं- बलिउड अभिनेत्री कंगना रनावतले बलिउड भाइ भतिजाले भरिएको टिप्पणी गरेपछि ‘नातावाद’ बलिउडमा चर्चाको विषय बनेको छ । नेपालमा पनि अघिल्लो पुस्ताका फिल्मकर्मी भुवन केसी, शोभित बस्नेत, नारायण पुरीका सन्तानले उद्योगमा दह्रोसँग खुट्टा टेकेका छन् । फिल्म ‘रानी’मार्फत् थप दुई नयाँ कलाकार उद्योगमा डेब्यु गर्दैछन् । दयाराम दाहालको निर्देशनमा बनेको फिल्मबाट कलाकार सानु ताम्राकारका छोरा सारुक ताम्राकार र अभिनेता शिव श्रेष्ठका भतिजा मनिष सुन्दर श्रेष्ठले डेब्यु गर्न लागेका हुन् । दुवैको अभिनय रहेको फिल्मको पहिलो गीत ‘भन भन’ बिहीबार सार्वजनिक गरिएको छ । फिल्ममा दुबैले पूर्व मिस नेपाल मलिना जोशीसँग रोमान्स गरेका छन् । गीतमा विजय घिमिरेको शब्द र संगीत तथा विजय र निखिता थापाको स्वर छ ।

कार्यक्रममा फिल्मका निर्देशक दयाराम दाहालले फिल्म प्रेमकथामा आधारित रहेकाले दर्शकको नजरमा पर्ने बताए । ‘हामीले फिल्ममा मायाको स्वच्छतालाई देखाउन खोजेका छौं,’ उनले भने ।

फिल्मकी नायिका मलिना जोशीले फिल्मको नाम नै प्यारो लागेकाले यसमा काम गर्दा निकै रमाइलो लागेको बताइन् । सारुक र मनिषले आपूmहरूले सानैदेखि नेपाली फिल्मसँग नजिक रहेकाले पनि करियरका लागि फिल्म क्षेत्र नै रोजेको बताए । भानु महर्जनको प्रस्तुतिमा विमल गुभाजुले निर्माण गरेको फिल्ममा सुशन खड्काको पनि अभिनय रहने छ । आगामी कात्तिक २ गते रिलिज हुने फिल्ममा अष्ट महर्जनको द्वन्द्व, अर्जुन जिसीको सम्पादन, बब्बु थापाको नृत्य, यम थापाको लेखन र पुरुषोत्तम प्रधान र मानकृष्ण महर्जनको छायांकन छ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पद्मावती’ विवाद

‘पद्मावती’ विवाद

महंगो सेटमा फिल्म बनाउन माहिर बलिउड निर्देशक सञ्जय लीला भन्सालीको फिल्म ‘पद्मावती’को फष्र्टलुक सार्वजनिक हुनासाथ फिल्मकर्मीदेखि दर्शकसम्मले फष्र्टलुकको तारिफ गरे...

फूलमानको ‘नीरफूल’मा म्यान्मारका राजदूत दम्पती

फूलमानको ‘नीरफूल’मा म्यान्मारका राजदूत दम्पती

सञ्चारकर्मी फूलमान बलको निर्देशन रहेको फिल्म ‘नीरफूल’मा म्यान्मारका राजदुत ऊ लिउन ऊ देखिने भएका छन् । भूकम्पले तितर वितर पारेको...

दसैंका गीतमा पीडा

दसैंका गीतमा पीडा

वाल्यकालमा औंला भाँँच्दै धेरैले यही गीत गाउँदै दसैंलाई निम्ता दिन्थे । यो गीत गाउँदा घरमै दसैं आइसकेको धेरैलाई आभाष हुन्थ्यो...

तीन फिल्मसँग आउँदै ‘तान्द्रो’

तीन फिल्मसँग आउँदै ‘तान्द्रो’

आगामी कात्तिक २४ गते ‘सकस’, ‘रोमियो’ र ‘मेला’ रिलिज हुने चर्चा चलिरहँदा यही मितिमा अर्को फिल्म ‘तान्द्रो’ पनि रिलिज हुने...