‘अनुराग’मा दीपक-एलिजाको जोडी

शुक्रबार, २३ भदौ २०७४, १० : १८ नागरिक


काठमाडौं- पत्रकार ऋषि धमलाकी श्रीमती एलिजा गौतमले फिल्म निर्माणमा हात हालेकी छिन् । आफैं मुख्य भूमिकामा अभिनय गर्ने गरी उनले बुधबार फिल्म ‘अनुराग’को घोषणा गरिन् । राजधानीमा आयोजित कार्यक्रममा फिल्मको कलाकार र प्राविधिक सार्वजनिक गरियो ।

निर्मात्री तथा नायिका एलिजाले फिल्म निर्माणमा श्रीमान् ऋषिको प्रेरणाले आएको बताइन् । ‘मलाई धेरै पहिलेदेखि नै अभिनय र फिल्म निर्माण गर्ने सोच थियो । तर, विभिन्न कारणले सम्भव भएन,’ उनले भनिन्, ‘फिल्म निर्माणमा श्रीमान्ले पनि प्रोत्साहन गर्नुभयो । त्यही प्रोत्साहनले सांगीतिक प्रेमकथाको फिल्म निर्माण गर्दैछु ।’

धेरै फिल्ममा मुख्य सहायक निर्देशकको रूपमा काम गरिसकेका सत्यराज चौलागार्इंले यही फिल्ममार्फत निर्देशनमा डेब्यु गर्दैछन् । ‘फिल्मले माया प्राप्तिका लागि हुने संघर्ष, मिलनमा खुशी र विछोडमा रोदनको कथालाई उठान गर्नेछ,’ उनले भने ।

एरिका फिल्म्स प्रोडक्सनको ब्यानरमा निर्माण हुने फिल्ममा एलिजाले अन्तर्राष्ट्रिय मोडलका रूपमा परिचित दीपक घिमिरेसँग अनस्क्रिन रोमान्स गर्नेछिन् । नायक दीपकले यथार्थपरक घटनामा आधारित फिल्ममा काम गर्न पाउँदा खुशी लागेको बताए ।

कात्तिक तेस्रो साताबाट फ्लोरमा जाने फिल्ममा सरोज खनाल, रूपा राना, निर्मल शर्मालगायतका कलाकारको अभिनय हुनेछ । काठमाडौं, पोखरा र इलाममा खिचिने फिल्ममा ताराप्रकाश लिम्बू र सरोज पोखरेलको संगीत, कविराज गहतराजको नृत्य, किरण दाहालको कथा, सत्यराज र आगत केसीको पटकथा तथा संवाद र रामकुमार केसीको छायांकन हुनेछ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...