सपनाको सहर

‘सहरवासीमा वैमनस्यता बढ्दै गएको छ’

शुक्रबार, २३ भदौ २०७४, १५ : ३७ नागरिक


अन्जु पन्त, गायिका

तपाईंको विचारमा सहर कस्तो हुनुपर्छ ?
सहर सुन्दर, शान्त र सुविधायुक्त हुनुपर्छ । सहरमा बसेका सबैले सहरमा छु भन्ने महसुस गर्न सकुन् । एकले अर्कोलाई अवरोध नगरुन् । सहरवासीले पनि सहरप्रतिको आफ्नो कर्तव्य भुल्नु हुन्न । 

काठमाडौं कस्तो लाग्छ ?
ठिकै लाग्छ । यहाँको प्राकृतिक र सांस्कृतिक कुरा एकदमै मनपर्छ । काठमाडौंको मौसम पनि राम्रो छ । मात्रै प्रदूषण र अव्यवस्थित विकास निर्माणले सहरलाई कुरूप बनाएको हो । यहाँको हावापानी प्रदूषित भइसकेको छ । काठमाडौं सहर आफैमा नराम्रो होइन । कुनै ताका राम्रो सहरमध्ये उपत्यकालाई राखिन्थ्यो । तर, हिजोआज काठमाडौंलाई हेप्न थालिएको छ । यहाँको समस्या समाधान गर्न सरकार प्रतिबद्ध देखिएको छैन । काठमाडौंलाई सबैले अवसरका रूपमा मात्रै लिए । तर, बनाउन कोही जुटेनन्। 

काठमाडौैं किन अव्यवस्थित भएको होला ?
सरकारले काम नगरेकै कारण काठमाडौं यस्तो भएको हो । जनसंख्याको चापले गर्दा पनि काठमाडौं साघुँरो भएको छ । त्यसैले सहर सपार्न यहाँको पूर्वाधार निर्माण र जनसंख्या चाप व्यवस्थित पार्नुपर्छ । अर्को कुरा यहाँ भएका सेवा सुविधा पनि अन्य ठाउँमा विकेन्द्रीकरण गर्न जरुरी छ । सडक विस्तार, धुवाँधुलो रोकथाम, ट्राफिक व्यवस्थापनलगायत विषयलाई समाधान गर्न जरुरी छ।

तपाईंको सपनाको सहर कस्तो हुनुपर्छ ? 
मेरो सपनाको सहर यस्तो होस्– सहरका सबैले बराबर अधिकार पाउन्, कतै पनि प्रदुषण नदेखियोस्, सरकारी सुविधामा नागरिकले सास्ती खेप्न नपरोस्, सडकको छेउमा हरियाली र सडक बत्ती होस् । यति भयो भने सहर केही राम्रो हुन्छ होला । 

तपाईंलाई मनपर्ने सहर कुन हो ?
मलाई धरान एकदमै राम्रो लाग्छ । त्यहाँँको हरियाली, मिलेको मानव बस्ती राम्रो लाग्यो । त्यहाँका नागरिक सहरप्रति समझदार पनि छन् । सहर फोहोर हुनेबित्तिकै सबै एकजुट भएर सफा गर्नतिर लाग्छन् । यि कुराले धरान राम्रो भएको हो । त्यस्तै पोखरा, काठमाडौं, इलाम, धनकुटालगायत ठाउँका सहर पनि राम्रो लाग्छ । यी ठाउँका सहर हाम्रा देशका धरोहर नै हुन् । नेपालको मौलिकपना र वास्तविक नेपाल कस्तो छ भन्ने विषयलाई यी सहरले झल्काएका छन्।

तपाईं बाहिरी मुलुकका धेरै सहर पनि घुम्नुभएको छ, तीमध्ये राम्रो लागेको सहर कुन हो ?
मलाई लण्डन, जुरिक, भेनिस, जेरोसेलम, टोरेन्टो, साउदीको दमामलगायत सहर एकदमै राम्रो लाग्यो । मैले घुमेका धेरै सहर अति नै सुन्दर र लोभलाग्दा थिए । सहरको ऐतिहासिक पक्ष र आनुधिक पक्ष राम्रो लाग्यो । त्यहाँको सांस्कृतिक र भौगोलिक अवस्था पनि कहिल्यै नर्बिसिने खालको छ। 

पछिल्लो समय घुमेको सहर कुन हो ?
पछिल्लो समय करिब एक महिना अमेरिका बसेर आएँ । त्यहाँको सफा सुग्घर हेर्दा नेपालका सहर अति नै पछि छन् ।

घुमेका सहर र हाम्रा देशमा सहरबीच के भिन्नता पाउनुभयो ?
धेरै भिन्नता पाएँ । तर, नेपालका सहरलाई विदेशका सहरसँग दाज्न मिल्दैन । किनेभने यहाँका सहर र विदेशका सहरको विशेषता फरक–फरक छ । आधुनिकता र सुन्दरतालाई हेर्ने हो भने विदेशका सहर धेरै राम्रा छन् । प्राकृतिक र मौलिक परम्परालाई हेर्दा हाम्रा सहर अग्रपंक्तिमा छन् ।

उपत्यकाको मन नपर्ने पक्ष के के हुन् ?
यहाँको सबैभन्दा मन नपर्ने पक्ष प्रदूषण र ट्राफिक जाम हो । ट्राफिक व्यवस्थापन हुन नसकेकाले राजधानीवासीले धेरै समस्या खेप्नुपरेको छ । 

यहाँका मनपर्ने पक्ष ?
यहाँको मौसम सदावहार छ । धेरै गर्मी र धेरै जाडो पनि हुँदैन । त्यस्तै, सेवा सुविधाको हकमा पनि काठमाडौं राम्रो छ । यहाँका पुराना संस्कृति र परम्परा दरबार क्षेत्र पनि उत्तिकै रमणीय लाग्छन् । 

सहरवासीका मन पर्ने बानी व्यवहार कस्तो लाग्छ ?
सहर मात्रै होइन, नेपालका भूभागभित्र बस्नै हामी सबै एउटै बगैचाका फुलबारी हौं । हामी सबैले हाम्रो भूगोललाई सफा राख्नुपर्छ । एकले अर्कालाई सम्मान गर्नुपर्छ । नेपाल यस्तो ठाउँ हो जहाँ एकले अर्कोप्रति गर्ने माया र आदर छुट्टै छ । तर, पछिल्लो समय हामीमा एक हौं भन्ने भावना हराउँदै गएको छ । सहरवासीमा एक अर्काप्रति वैमनस्यता बढ्दै गएको छ । 

सहरलाई व्यवस्थित पार्न के गर्नुपर्ला ? 
सबै मिलेर काम गर्नुपर्छ । नागरिक पनि सहर बनाउन सक्रिय भूमिका निर्वाह गर्नुपर्छ । उपत्यकाको सरसफाइ, बाटोघाटो निर्माण, व्यवस्थित पार्क, ट्राफिक व्यवस्थापन, धुवाँधुलो रोकथामलगायत विषय केन्द्रमा राखेर काम गर्ने हो भने समस्या तुरुन्तै समाधान हुन सक्छ । यहाँको मौलिकता र आधुनिक दुवैलाई ख्याल राखेर विकास निर्माणका काम गर्ने हो सहर राम्रो बन्छ । 

काठमाडौं नजिकै घुम्न जानुपर्‍यो भने कुन ठाउँ रोज्नुहुन्छ ? 
मलाई मेरो आफ्नै ठाउँ फर्पिङ राम्रो लाग्छ । गोदावरी, धुलिखेल पनि मलाई मनपर्ने ठाउँ हुन् । समय मिल्नासाथ यी ठाउँमा शितल हावा खान निस्कन्छु । 
प्रस्तुति : शिवहरि घिमिरे







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पद्मावती’ विवाद

‘पद्मावती’ विवाद

महंगो सेटमा फिल्म बनाउन माहिर बलिउड निर्देशक सञ्जय लीला भन्सालीको फिल्म ‘पद्मावती’को फष्र्टलुक सार्वजनिक हुनासाथ फिल्मकर्मीदेखि दर्शकसम्मले फष्र्टलुकको तारिफ गरे...

फूलमानको ‘नीरफूल’मा म्यान्मारका राजदूत दम्पती

फूलमानको ‘नीरफूल’मा म्यान्मारका राजदूत दम्पती

सञ्चारकर्मी फूलमान बलको निर्देशन रहेको फिल्म ‘नीरफूल’मा म्यान्मारका राजदुत ऊ लिउन ऊ देखिने भएका छन् । भूकम्पले तितर वितर पारेको...

दसैंका गीतमा पीडा

दसैंका गीतमा पीडा

वाल्यकालमा औंला भाँँच्दै धेरैले यही गीत गाउँदै दसैंलाई निम्ता दिन्थे । यो गीत गाउँदा घरमै दसैं आइसकेको धेरैलाई आभाष हुन्थ्यो...

तीन फिल्मसँग आउँदै ‘तान्द्रो’

तीन फिल्मसँग आउँदै ‘तान्द्रो’

आगामी कात्तिक २४ गते ‘सकस’, ‘रोमियो’ र ‘मेला’ रिलिज हुने चर्चा चलिरहँदा यही मितिमा अर्को फिल्म ‘तान्द्रो’ पनि रिलिज हुने...